الموضوع: تحذير هام : من عصابة التكاتيك في ٦ أكتوبر ! { أنا أتسرقت } !!

ربنا يخليكم جميعاً
وواللهي يا احمد متولي باشا انا دايماً بنصح بالتجمع الخامس افضل مليون مرة من ٦ اكتوبر حتى شوف مشاركاتي بقولهم. لو عاوزين حياة كريمه يا تسكن في التجمع الخامس. يا في كامباوند ... لان مستوى اكتوبر خلاص بقه في النازل وميغركش الفيلل او العماير النضيفة والخدمات الي فيها. يغور كل ده وانتا جمبك اولاً اربع او خمس دور ايتام لا رقيب او حسيب عليها وكتبت قبل كده موضوع عن الراجل الي اعتصم عند الحصري لمن اتقتل ابنو علشان ١٠ جنية من قبل عيال الدار !

جمبيك احيااااء تعتبر خط احمر وتعتبر احياء بنسميها احنا مثلث برموده الي يخش فيها ممكن يختفي ... زي مساكن ابو الوفا الي مرة تسمع وحده حدفت جوزها من البلكونة او الي ديح عيالو او الواد الي قتل امو ... الخ الخ ومساكن عثمان وبعض الاماكن جمب شارع كان كان او بعض المجاورات في الحي السادس الي كل شوية برضوا تسمع عن حوادث القتل فيها بالذات في السوق .

المشكلة العيال دي في المناطق دي لمن يحبوا يتفسحوا ويغيروا جوا بيروحوا على الاماكن النضيفة والاحياء الراقية ويخلوها جحيم ... ده غير العيال الشمامة الي جيه من الاقاليم وجم اكتوبر افتكروها شرم الشيخ وهاصوا مع الهيصه .

ده حتى مرور اكتوبر من ازحم مرور على مستوى الجمهورية ... روح اوقف كده فيه هتلاقي ناس واقفه جمبك مش من اكتوبر اصلاً ... سواقين ميكروباصات سواقين نقل سواقين تريلات سواقين لوري والي من بشتيم والي من امبابة والي من السمبلاويه والي من بلاد الواك الواك تقلهم. طيب الي جيبكم هنا يقولك لا ما احنا تبع مرور اكتوبر ههههههههه. اي حاجة في القاهرة والجيزة عاملهم زحمه او. قرفاهم هناك يبعتوها علينا احنا هنا في اكتوبر .

@@@@@@@@&&&&&&&&&&

واحمد باشا ادهم ... الله يسلمك يا جاري العزيز بس عمر ماحد يعرف يجيب حقوا صدقني ... انا كل الي انا عاوزوا بجد ان يكون في قبضة حديدية في ٦ اكتوبر مش مجرد لجان مرورية ثابته في اماكن واوقات معروفة نفسي اشوف الدوريات ماشية واي واحد اي واحد انشالله اناااا تشتبه فيه توقفوا وتفتشوا ... نفسي اشوف صلاحيات لرجل الشرطة انو يوقف اي مشتبه فيه ... وبالذات العيال بتوع التكاتيك. والتكوسة. ... والميكروبصات السوزوكي الصغيرة ... ده انا مرة ركبت مع واحد بصيت لقيتوا جي يولع سجارة مجعلصة كده ... محشية فبصيت لقيت الي جمبي بيزعق ويقلوا ياسسسسسسسطة ميصحش كده ابقى ولعها لمن تنزلنا مش واحنا معاك !!!!

طب قولي ده سواق ميكروباص سوزوكي. ازاي يعدي على لجنة الحصري وميتفتش ... يعني معقوله انتوا واقفين تبصو على الرخص بس طيب والاسلحة والمخدرات !!

انا نفسي بجد بجد ترجع ٦ اكتوبر زي زمان ... كان زمان الاجانب والطلبة الاجانب بيجو يسكونوها ويعملوا انتعاش لاقتصاد المدينة. النهردة. بقيت سمعتها سيئة للغاية. بسبب العيال الشمامة الي فيها .

اقول ايه ولا ايه ده انا قلبي كلوووووو مرااااار وحسرة بجد وا اسفاااااااااااه .... على اخر الزمن. انااااا انااا بعد العمر ده كلو تتحط مطوة على رقبتي و يتسرق مني عشا عيالي جبنة وبسطرمة وفينو لا والحرامي بكل بجاحه يقولي اومال فين الموبايل طلع الموبايل يا معفن . حاضر ياسيدي المره الجاية هبقى اشيلك موبايل وهبقى احط معايا محفظة كمان كدة وكدة فيها قرشين كده لزوم مصاريفك انتا واصحابك الصيع هههههههه .

ربي اللهم اني لا اسئلك رد القضااااااااااااااااء ... ولكني اسئلك اللطف فيه
حسبي الله ونعم الوكيل. ... حسبي الله ونعم الوكيل .... وتحياتي لكم جميعاً :)