اقتباس المشاركة الأصلية كتبت بواسطة د.عماد صلاح مشاهدة المشاركة
يعني يا استاذ صدام رايك ان اخلص اول من الاوبترا واجيب عربيه محترمه قبل لما اتناقش في عيوب العربيات
شوف ياباشا ...اولا ...العربيات ازواق و انا يهمني العربيه تكون قليله المشاكل كلاسيكيه الشكل و تقفيلها شيك
ثانيا ....اكيد نفسي اجيب حاجه فيها عوامل امان بس يكون الشروط السابقه فيها لكن علي قد فلوسي
ثالثا ....هتكلم في مساؤ كل العربيات و الابترا معايا ومش هاخلص منها ....ليه ...عشان انا حر
رابعا....دمتم للنضال و الكفاح المسلح ....بس مع احترام الراي

صديقي المواطن
متقولش كده يا راجل طيب أستغفر الله أنا لا أجرؤ أمنع عضو زيك وطني ومحترم يقول رأيه براحته في كل حاجة ولكن أنا محبتش أجرح حضرتك ولا حبيت أشخصن اﻷمور وأأذي إحساسك ﻹني محبتش أقولك إنك بتقارن عربية سيئة من وجهة نظرك بعربية أسوأ منها إحنه عندنا في مصر حب كثرة الكلام والمبررات لصعوبة الحالة اﻹقتصادية بس أنا بحب المختصر المفيد واﻷوبترا من وجهة نظري هي واﻷفيو دخلت شركة شيفروليه من باب التسلل لما جي إم إشترت دايوو وعربيات أساءت لعائلة شيفرولية العظيمة بشكلها المنغولي المعوق وأدائها المتواضع وأعطالها الكثير وربنا يبارك لكل ملاكها مش معنى إن أي زميل في المنتدى عنده عربية فنروح مكسوفين منه ومنقولش عيوبها بحجة هو حاطط دم قلبه بيها ومن المبدأ ده مفيش أي حد حيقول رأيه الصربح في عربية وحتطلع حتى لادا وال 127 وال 128 والزستافا عربيات عظيمة
صديقي المواطن ربنا يوسع عليك وعلى غيرك وتجيب أحسن منها وأنا ركبت اﻷوبترا ماتوال سنة 2006 زيرو بره وقعدت فيها 6 شهور تخليص دين من واحد باعلي الوصل وخلصت منها وخش حضرتك إتفرج علر توب جير موسم كامل أو موسمين كانوا جايبين اﻷوبترا عربية إختبار وشوف طريقة كلامهم عنها الكوميدية وإستهزائهم بيها

ملحوظة اﻷوبترا مش عربية وحشة ولكن مينفعش نقارنها بعربيات أعلى منها زي ال 406 أو الصني أو حتى الكوروللا ولكن هي تعتبر التطور الطبيعي للي يركب 127 ثم شاهين ثم لانوس ثم فيرنا ثم أوبترا أكتر من كده ﻷ ثم يا تاج رأسي وقرة غيني فين هو الشكل الكلاسيكي للأوبترا واضح إن أنا وإنت محتاجين نحدث معلوماتنا عن معنى كلمة شكل كلاسيكي
وبالتوفيق وإلى اﻷمام ومن نصر إلى نصر
ودمتم للنضال