عاوز رايكم فى البواب الجديد ده ..

**smsm2015** · 29-10-2013 03:57 PM

السلام عليكم

عاوز اخد رايكم فى حاجة عندى شقة تمليك ومش قاعد فيها المهم بدفع لها صيانه + اجرة البواب + نور السلم + المياه مبلغ 58 جنيه المبلغ ده بيسرى على الكل سواء قاعد او مش قاعد وده من ايام والدى الله يرحمه بالنسبه لاجرة البواب فى ناس بتديله 30 جنيه وناس ثانيه بتديله 25 جنيه انا بديله 25 جنيه وتقريبا انا الوحيد اللى بديله 25 جنيه حسب كلامه وهو عارف كدا قبل ما يمسك العماره من كام شهر ان فى ناس هتديله 25 جنيه وناس ثانيه هتديله 30 جنيه وفى ناس مش قاعده بتديله 35 جنيه المهم عاوزنى ازوده 5 جنيه قولتله ولا مليم انا المفروض ادفع نصف الاجره بتاعتك والصيانه ونور السلم والمياه لانى مش قاعد فى الشقة يعنى المفروض ادفع 29 جنيه وده المتبع فى كل العمارات رد على وقالى انا مش ذنبى انك مش قاعد فى الشقة طيب ما الاستاذ فلان مش قاعد و بيدينى 35 جنيه ايه رايكم وانا صح ولا غلط ....

**ahmedteam** · 29-10-2013 04:05 PM

بص انا رايى ان البواب ده عينك فى العماره من مصلحتك ان تكون علاقتك بيه كويسه و لو فى مره حبيت تشيل حاجه فى شقتك هيخلى باله منها او هيقضيلك مشاوير و هيبلغك مثلا لو جه محصل الكهرباء او المياه

و كمان ال 5 جنيه كل شهر غالبا مش هيفرقوا معاك اوى

فانا شايف انك تديله ال 30 او اكتر بنيه صدقه عنك و عن اولادك و ربنا يوفقك

**midoabdeen** · 29-10-2013 04:11 PM

مع كامل احترامى لحضرتك
بس هى ال5 جنيه اللى حضرتك بتتكلم فيها دى تعمل ايه
حضرتك لو نزلت تجيب شويه لب وسودانى هتصرف اكتر منهم
ياسيدى الفاضل ال30ج اللى حضرتك بتفاصل فيهم انت بتصرف قدهم 5-6 مرات يوميا مستكترها فى واحد فى شهر كامل

**smsm2015** · 29-10-2013 04:12 PM

المشاركة الأصلية كتبت بواسطة ahmedteam

بص انا رايى ان البواب ده عينك فى العماره من مصلحتك ان تكون علاقتك بيه كويسه و لو فى مره حبيت تشيل حاجه فى شقتك هيخلى باله منها او هيقضيلك مشاوير و هيبلغك مثلا لو جه محصل الكهرباء او المياه

و كمان ال 5 جنيه كل شهر غالبا مش هيفرقوا معاك اوى

فانا شايف انك تديله ال 30 او اكتر بنيه صدقه عنك و عن اولادك و ربنا يوفقك

عارف هى الفكره مش فى ال 5 جنيه هى الفكره ان الموضوع غلط من بدايته من ايام والدى لانه برده مكنش قاعدين فيها وبندفع التزامات العماره كامله لكن المفروض يدفع النصف فى كل حاجة باعتبارنا مش قاعدين فيها وده عن تجربة لشقة اخرى فمنعى ذلك ان البواب ده بياخذ اكثر من حقه منى فازاى يطالبنى بان ازوده انا ببصلها من النقطة ده ...

**Mohamed_Hamid** · 29-10-2013 04:23 PM

الأخ بيتكلم فى مبدأ مش موضوع 5 جنيه اللى هى ملهاش قيمة اصلا
البواب تفكيره استغلالى . بس معلش هو فعلا عينك فى العمارة والمفروض علاقتك بيه تبقى كويسة. اعتبرها صدقة

**salodas** · 29-10-2013 04:57 PM

يا رجل ... انا فكرت الموضوع كبير

**أبو_يوسف** · 29-10-2013 04:58 PM

ممكن نور السلم والمياه يتوزعوا فعلا على السكان المقيمين بالعمارة فقط
اما مرتب البواب دا رقم ثابت هو متعين عليه لازم ياخده كامل حتى لو العمارة كلها فاضية

**ابو لؤى** · 29-10-2013 05:15 PM

ياباشا مش هتفرق معاك 5 جنيه هتفرق معاه هو

**الفجر** · 29-10-2013 05:23 PM

لاول مرة فى حياتى انتقد صاحب موضوع هنا

حضرتك بتكلم فى خمسة جنية فرق !!
ومحيرينك لدرجة دى

**smsm2015** · 29-10-2013 05:49 PM

يا جماعة والله العظيم انتم فاهمنى غلط الفكره مش فى ال 5 جنيه الفكره ان البواب نفسه استغلالى شويه حتى انه فيه احد السكان مش قاعد ومتخانق معاه ومش بيتفعله اجرة خالص وواحد ثانى قاعد وبرده نفس الكلام مش بيدفعله اجره وخلو بالكم انا فى اول الموضوع قولت انا عاوز اعرف الصح من الغلط لو كنت صح خلاص ولو كنت مخطى اصحح غلطى وجزاءاكم الله كل خير اخوانى الاعزاء على ردودكم الكريمه ...