احصائيه عشان نعرف عيوب ec7

**mirag2000** · 05-01-2014 08:26 PM

يعنى ياميدو مفيش اى طريقة نسكت صوت حزام الامان دا خالص

**M I D O** · 05-01-2014 08:43 PM

المشاركة الأصلية كتبت بواسطة mirag2000

يعنى ياميدو مفيش اى طريقة نسكت صوت حزام الامان دا خالص

للاسف مفيش وعلي قد ما هوة غبي علي قد ما هوة مفيد لانة بيجبرك تلبس الحزام وبيحميك لو حصل حادث لاقدر الله

**M I D O** · 05-01-2014 11:26 PM

المشاركة الأصلية كتبت بواسطة mirag2000

عادى يابرنس ندور على المكان اللى بيسكتوا ونضحك علية

في حاجة بتتباع عاملة زي مشبك الحزام بتتركب مكان اللوك بتاع الحزام عشان توقف الصوت اكنك لابس الحزام

**M I D O** · 07-01-2014 11:26 PM

المشاركة الأصلية كتبت بواسطة mirag2000

مش بقولك ياميدو لازم نشوفلها حل المصرى لازم يسيب التاتش بتاعة

هههههههههههههههه احنا مبنغلبش يا باشا

**M I D O** · 08-01-2014 09:38 PM

المشاركة الأصلية كتبت بواسطة mahmooud135

السلام عليكم ورحمة الله وباركته
اولا كل عام وانتم بخير
معلش يا جماعة انا لاقيت مناقشات كتير على هذه السيارة من ساعه اما نزلت ناس تقول كويسة وناس تقول عربية وحشة
ممكن اقول رايى فى العربية من واقع استخدمها ثلاث ايام وطبعا دى مش مده كافية للحكم على العربية بس احب اقول من ناحية التجربة البسيطة للعربية
طبعا العربية صينى وفي ناس كتير متعقدة من الصينى وانا واحد منهم بس بردة بعد مقارنة العربية بفيرنا ولانوس كده احنا بنظلم الكورى العربية تتقارن بالاسبرانزا والبي واى دى ومع كامل احترامي للملاك الايمى الصينى اثبت فى مصر انه غير قادر على المنافسة مهما كان اسم التوكيل
تيجى تلاقى ناس كاتبة مميزاتها انها واسعة - ايرباج - اى بى اس - ثبات طبعا كلام زى الفل بس معلش نبص على الموضوع بطريقة تانية يعنى الكورى ولا اليابانى مش قادر ينزل العربية بجميع الامكانيات وبنفس السعر الاميجراند طبعا صعب محدش فينا فكر لية العربية رخيصة عشان ماتور تعبان يقولك لاء ده ماتور ياريس طيب معلش هو ماتور الياريس لازم اجيب على الار بى ام 3ونصف عشان اجيب عزم للماتور طبعا لاء تقفيل وحش جدا مع العلم ان الفيرنا متقفلة فى مصر برده هى والانوس بويه وحشة صدا داخل الابواب بطارية لازم تتغير لمبة تشيك بتور وير الدبريج بيتقطع الريموت بيعلق الفيبرا اللى فوق الماتور ساحت
هو انا جايب عربية زيرو لية عشان اريح دماغى ولا اوجع دماغى بيها
تيجى لقطع الغيار هتلاقى غالية وغير معمرة بالمرة تيجى لاعادة البيع والصينى كله وحش فى اعادة البيع
يا جماعة بلاش نرمى فلوسنا على الارض ونجرى ورا الشكل والسمع خليك فى المضمون انا واحد من ضمن الناس اضحك علية فى الاسبرانزا جبتها 68 وبعتها بعدها بتسع شهور كانت عاملة 9000 كيلو وبعتها 56 الف جنية خسارة
معلش يا جماعه انا اسف لو اسلوبى معجبش حد دى نصيحة من واحد مر بنفس الظروف فى عربية جديدة

طبعا انا مقدر كل كلمة قولتها بس صدقني عيب العربية دي انها زي البطيخة انت وحظك بسبب التقفيل الزفت المصري لاكن تعالي نتكلم في النقطة التانية موضوع الكوري انة ينزل عربية بنفس السعر بص يا باشا ..
الكوري زمان كان عامل ازاي ودلوقتي عامل ازاي سيبك من كدة
الهيونداي النترا الجديدة اية الي وصل سعرها مرة واحدة من 120 تقريبا ل 150 ومفيش حاجة اتغيرت و متقليش الدولار لانة انخفض . هل العربية لما كانت ب 120 ووصلت ل 150 غيرو خامات فيها للافضل ؟؟ هل تم اضافة اي اوبشن او عوامل امان للعربية يعمل فارق السعر ؟؟ طبعا لا
الفكرة ان المستوردين في مصر طماعين العربيات برة مصر رخيصة مش غالية تيجي في مصر تلاقي عربية ب 100 الف وباعتلها في سنة 10 ولا 11 الف عربية و الناس بتجري تحجزها و الكل يقلك عربية حلوة يقوم المستورد رافعلك السعر 10 الاف وبعد سنة كمان 10 في سنتين اصبح سعر العربية 120 الف بدل 100 وطبعا في مصر الكلام دة بياخد 6 شهور مش سنتين زي ما اتكلمت عن الالنترا
الامجراند لو تقفيل صيني مش تقفيل غبور ممكن تعملها بالجمارك بارباح غبور 100 الف و السعر دة هيخليها تبيع مش هتوقف البيع بس طبعا مش بالانتشار الحالي بس ما علينا هات نفس العربية تقفيل الصين وشيل علامة جيلي وحط مثلا هيونداي او كيا وشيل تمن العربية من 100 الف وحط 150 الف العربية و ضمان غبور 5 سنين العربية هتبيع ولا لا ؟؟
العربية هتقضي علي معظم العربيات في الفئة الاقل من 150 الف لو حصل كدة
العربية حاليا عاملة تقريبا 84000 تعالي كمان سنة لو موصلتش 100 الف يبقي ليك كلام هية كانت ممكن تجيب 100 الف حاليا بس غبور مرفعش السعر عشان الاسبرانزا انفي المنافس لية ولو رفع السعر الكل هيتجة للانفي لاكن اتقل كمان سنة لما الناس كلها تشتري امجراند خصوصا معا ايقاف انتاج الفيرنا السنة الجاية هتلاقي العربية دي سعرها عدي ال 100 الف و اعادة البيع اترفعت معاك بسبب الانتشار و هتلاقي بدائل قطع غيار كوري و ياباني و حركات بدل الصيني و العربية هتبقي رقم 1 في السوق ..
بالنسبة للمحرك تعبان . بصراحة اول مرة اشوف حد بيقول كدة المحرك ما شاء الله جميل بس عيبة لازم تقرص عشان تطلع العزم غير كدة المحرك كويس مش وحش وعندك مثلا الاوكتافيا كانت برضو لازم تقرص عشان تطلع عزم العربية ودة بسبب حجم العربية الكبير ..
الخلاصة العربية ممتازة لو تقفيل الصين وبعيدة عن الايد المصرية
العربية جيدة بالتقفيل المصري بخوازيقة ولازم تطلع عينهم في الصيانات لو قابلك مشكلة عشان تتحل ولازم وقفة من الملاك ضد غبور عشان يتعدل
مفيش بدائل في السوق في فئة الاقل من 100 الف ودة سبب ان الناس بتشتري الامجراند
الانتشار السريع للعربية
الشكل و الاوبشن و اسم غبور و الضمان 5 سنين
كل دي عوامل هتخلي العربية رقم واحد في السوق رغم عيوبها
اسف للاطالة وربنا يحفظلك عربيتك ولو عندك مشاكل روح في الصيانات و اديهم علي دماغهم لو مرضيوش يعملولك الي يرضيك

**M I D O** · 08-01-2014 09:45 PM

حضرتك انا لسة شايف مشاركة ليك حالا علي جروب العربية و بتقول ان مش كل المشاكل دي قابلتك ودي مشاكل الاعضاء في الصفحة :d
انت خضتني علي فكرة قلت ازاي في 3 ايام بس قابلة كل المشاكل دي اول مرة تحصل و برضو زي ما قلتلك المشاكل دي كلها مشاكل تقفيل مبتجيش لشخص واحد كل واحد وحظة

الموضوع: احصائيه عشان نعرف عيوب ec7

LinkBack

أدوات الموضوع

عرض

-

-

-

-

-

المواضيع المتشابهه

تعالوا نعرف مميزات و عيوب السوزوكي ماروتي

تعالوا نعرف مميزات و عيوب السوزوكي سيلاريو

تعالوا نعرف مميزات و عيوب السوزوكي ألتو

عشان نعرف المصطلحات دي

عيزين نعرف عيوب و مميزات الفكتر cc2000 & cc1600) b).

الكلمات الدلالية لهذا الموضوع

المفضلات

المفضلات

ضوابط المشاركة