احصائيه عشان نعرف عيوب ec7

**M I D O** · 08-01-2014 10:00 PM

المشاركة الأصلية كتبت بواسطة mahmooud135

على فى عربية اسمها mk وفى ck دول كانو تقفيل صينى واديك شوف العربيات دى ملهاش اثر دلوقتى

لا سيبك من العربيتين دول
جيلي مطلعتش عربية غير الامجراند السلسلة دي هية الي حققت نجاح و انتشار اي حاجة غير كدة تعبانة بس معلش انا شفت علي الفيس ان حضرتك مش مالك للسيارة ودة طبعا ميمنعش انك تهاجمها انا بس بتاكد عشان لو حد دخل وشاف الكلام وشاف المشاكل الي حضرتك كتبتها هيفتكر انك تملك العربية وقابلك كل المشاكل دة مرة واحدة معا العلم انها مشاكل حقيقية بس مش بتظهر لكل الناس ولو ظهرت مش كلها لشخص واحد كل واحد وحظة

**midooo_119** · 09-01-2014 12:02 AM

المشاركة الأصلية كتبت بواسطة mahmooud135

السلام عليكم ورحمة الله وباركته
اولا كل عام وانتم بخير
معلش يا جماعة انا لاقيت مناقشات كتير على هذه السيارة من ساعه اما نزلت ناس تقول كويسة وناس تقول عربية وحشة
ممكن اقول رايى فى العربية من واقع استخدمها ثلاث ايام وطبعا دى مش مده كافية للحكم على العربية بس احب اقول من ناحية التجربة البسيطة للعربية
طبعا العربية صينى وفي ناس كتير متعقدة من الصينى وانا واحد منهم بس بردة بعد مقارنة العربية بفيرنا ولانوس كده احنا بنظلم الكورى العربية تتقارن بالاسبرانزا والبي واى دى ومع كامل احترامي للملاك الايمى الصينى اثبت فى مصر انه غير قادر على المنافسة مهما كان اسم التوكيل
تيجى تلاقى ناس كاتبة مميزاتها انها واسعة - ايرباج - اى بى اس - ثبات طبعا كلام زى الفل بس معلش نبص على الموضوع بطريقة تانية يعنى الكورى ولا اليابانى مش قادر ينزل العربية بجميع الامكانيات وبنفس السعر الاميجراند طبعا صعب محدش فينا فكر لية العربية رخيصة عشان ماتور تعبان يقولك لاء ده ماتور ياريس طيب معلش هو ماتور الياريس لازم اجيب على الار بى ام 3ونصف عشان اجيب عزم للماتور طبعا لاء تقفيل وحش جدا مع العلم ان الفيرنا متقفلة فى مصر برده هى والانوس بويه وحشة صدا داخل الابواب بطارية لازم تتغير لمبة تشيك بتور وير الدبريج بيتقطع الريموت بيعلق الفيبرا اللى فوق الماتور ساحت
كل المشاكل دى مش مشاكل عامه اما بالنسبه لموضوع التقفيل ده ضمير توكيلها مش اكتر و الفيرنا سعرها اغلى من تمنها فمفيش مشكله يبقى عنده ضمير فيها خاصه انها بياعه
هو انا جايب عربية زيرو لية عشان اريح دماغى ولا اوجع دماغى بيها
العربيه مش سيئه للدرجه دى
تيجى لقطع الغيار هتلاقى غالية وغير معمرة بالمرة تيجى لاعادة البيع والصينى كله وحش فى اعادة البيع
حضرتك شوفت اسعار قطع الغيار و لا ده مجرد تخمين و لو مش معمرة اشترى اليابانى منها هتعمر معاك اعاده البيع متوقفه على سمعه العربيه و مين توكيلها و فكره المشترى عن الصينى وانا شفت كذا حد باع الامجراند (ومش عشان مشاكل) بالسعر الطبيعى ليها مخسرش كتير خاصه الى اشتروا فالاول و العربيه سعرها زاد تقريبا 9 الاف عن دلوقتى
يا جماعة بلاش نرمى فلوسنا على الارض ونجرى ورا الشكل والسمع خليك فى المضمون انا واحد من ضمن الناس اضحك علية فى الاسبرانزا جبتها 68 وبعتها بعدها بتسع شهور كانت عاملة 9000 كيلو وبعتها 56 الف جنية خسارة
اكيد محدش هيرمى فلوس فالارض و ان شاء الله الامجراند من العربيات المضمونه لان جيلى هتنافس بقوة و افتكر كلمتى دى
معلش يا جماعه انا اسف لو اسلوبى معجبش حد دى نصيحة من واحد مر بنفس الظروف فى عربية جديدة
حضرتك كلامك محترم و ماتعتذرش و ارجو ان تتقبل مرورى

**M I D O** · 14-01-2014 08:46 PM

المشاركة الأصلية كتبت بواسطة محمد-عيسى

حدث معايا مرتين فى 15 يوم اضغط على دواسة الدبرياج عشان انقل الاقى الدواسة لصقت فى الأرض وماتطلعش و بعدين انقل للنقلة التانية وتفضل لاصقة تحت وبعدين فجأة تنط ترجع للاعلى وتشتغل
زي مايكون الدراع اللى فى الفتيس (اخر واير الدبرياج ) بيعاكس فى حاجة
المهم انا لسة ماشى 590 كيلو فقط
هل احد قابله هذا العيب
وشكرا

ليوة قابلت صديق ليا وردها بايدة و دي تعليقة في واير الفتيس وعملوهالة في الضمان النهاردة

**M I D O** · 14-01-2014 09:54 PM

المشاركة الأصلية كتبت بواسطة محمد-عيسى

اخى ميدو من فضلك كرر مش فاهم اول كلمة
وايه االي ردها من فضلك ؟
وشكرا

والله انا جيت اعدل المشاركة قالي مينفعش تتعدل

بقول لحضرتك ايوة حصلت لواحد صاحبي ورد الدبرياج بايدة و النهاردة في الصيانة عملناهالة

**H_Daim** · 26-01-2014 06:50 PM

بسم الله

بداية المشاكل اللي قابلتها كالاتي:

1- عضة في الفتيس ولو العربية واقفة صعب جداً تجيب الغيار الثالث او الرابع او الخامس.

2- ورة في الكمبروسر، وطبعا شغلته علشان اجربه لأني لسه بليين لاقيت ورة مسموعة جوة ومن برة صوت المراوح مغطي عليها.

3- بقع في الدهان، بقعتين كبيرتين ع الكبوت.

4- قطع في كاوتش باب السائق مش كبير قوي بس خايف يزيد.

الجميل بقا اتصلت عملت شكوى، وقالولي هانكلمك وابقى قابلني

**M I D O** · 26-01-2014 11:20 PM

المشاركة الأصلية كتبت بواسطة h_daim

بسم الله

بداية المشاكل اللي قابلتها كالاتي:

1- عضة في الفتيس ولو العربية واقفة صعب جداً تجيب الغيار الثالث او الرابع او الخامس.

2- ورة في الكمبروسر، وطبعا شغلته علشان اجربه لأني لسه بليين لاقيت ورة مسموعة جوة ومن برة صوت المراوح مغطي عليها.

3- بقع في الدهان، بقعتين كبيرتين ع الكبوت.

4- قطع في كاوتش باب السائق مش كبير قوي بس خايف يزيد.

الجميل بقا اتصلت عملت شكوى، وقالولي هانكلمك وابقى قابلني

بص عشان هيدخوك .. اطلع علي الهياكل في قليوب علي طول عشان موضوع الدهان دة لانة الاكثر اهمية ومترضاش ابدا تترش خليها تعدي علي جهاز عندهم بيرجع البوية زي مكانت

-

الموضوع: احصائيه عشان نعرف عيوب ec7

LinkBack

أدوات الموضوع

عرض

-

-

-

-

-

-

المواضيع المتشابهه

تعالوا نعرف مميزات و عيوب السوزوكي ماروتي

تعالوا نعرف مميزات و عيوب السوزوكي سيلاريو

تعالوا نعرف مميزات و عيوب السوزوكي ألتو

عشان نعرف المصطلحات دي

عيزين نعرف عيوب و مميزات الفكتر cc2000 & cc1600) b).

الكلمات الدلالية لهذا الموضوع

المفضلات

المفضلات

ضوابط المشاركة