الموضوع: عداد rpm واطي

المشاركة الأصلية كتبت بواسطة the magice

بعد الكشف على زيت الفتيس وجد انه ناقص ويحتاج للتغيير وانا عملتله موضوع لوحده لانه محتاج اعرف عنه تفاصيل كتير اما بالنسبه للرجه ف في رجه الصبح والعربيه بارده او في اول التسخين عموما والار بي ام بيكون واطي لدرجه مخيفه يعنى 2 او 3 ورجه شدة جدا بتبطل العربيه لو شلت رجلى من على دواسه البنزين فهل في شفاط او حساس شبيه بكده ولا ايه اشغله ولا في مشكله تانيه

زيت الفتيس + زيت الباور الاتنين مش بيتغيروا و ده حسب كاتالوجات صيانة و استخدام العربيات دي فقط لما تلاقيه ناقص بتغيره

مستوي الزيت الفتيس مافيش عندك حاجه تبين مستواه .. فقط عندك طبتين واحده لتفريغ الزيت كاملا و اخري للتزويد و كما وضح الفيديو اللي وضعه حسام بيك هو ده مكان التزويد بتحط خرطوم التزويد في الفتحة دي و اللي هي طبة ألانكيه 17 و بتزود لحد ما ترجع زيت يبقي كده الفتيس اتملي زيت

اما نوع الزيت فالموصي به هو 75w90 API GL-4 و ده قليل جدا و محتاج تدور عليه كتير عشان تلاقيه و شوف بقية المواضيع هنا بتبين بنجيبه منين و اللتر بتاعه ب 80 جنيه و الفتيس بياخد 2.7 لتر كله

معظمنا بيزود من الزيوت العادية المنتشرة في السوق و دي لزوجتها 80w90 API GL-5 و دي موجوده عند شيل و موبيل و التعاون و امارت مصر و لكن دي بتقل الفتيس قليلا في الصباح و مع البروده و مع مرور السنين بتخلي الفتيس يظهرله بعض الاصوات الخشنة قليلا و لكن هنعمل ايه هي دي مصر و اللي متوفر فيها

محتاج انك تشيك علي اولسيل الفتيس لأنه ممكن يكون بيسرب زيت و هو السبب في نقص الزيت و اتمني ترجع لموضوعي عن تغيير الولسيل و حل هذه المشكلة .... فيه كل التفاصيل

بخصوص موضوع الرجة فأنت قلت انها اتحلت ؟؟؟؟ ليه رجعت تاني ؟؟ و هو حلها ازاي ؟؟؟

المشاركة الأصلية كتبت بواسطة the magice

اولا الرجه اتحلت ب ان الميكانيكي علا الار بي لم من مسمار البنزين والعربيه اتظبطت بعدها بيوم ظهرت الحكايه دي اني لما بدور والعربيه بارده عموما بقي سواء صبح او ليل او اي وقت بتبقي في برجله شديده في العربيه وبتبطل لو شلت رجلي من علي دواسه البنزين وطبعا بتتاخر جدا على ما تسخن والميكانيكي قالي ان ده عادي خصوصا احنا في الشتا

الكلام ده مش عادي !!!!! الكلام ده غلط لأن الار بي ام في السلانسيه مينفعش يعلي باني ازود كمية البنزين قليلا تقوم تظبط علي كده و خلاص

العربية عشان تكون مضبوطه تماما المفروض بتظبط نسبة البنزين مع الهواء عشان في اي وقت تدور العربية سواء بارده او ساخنه يكون الار بي ام مضبوط و العربية مش بتبطل و كمان الاستهلاك مضبوط

اللي بيحصل انه زود البنزين و كمية الهواء زي ماهي و ده ممكن يخلي العربية مضبوطه و هي سخنه لكن لما بتبرد اساسا هي بتزود هواء البنزين عشان تبقي عالية للتسخين و بالتالي مع زيادة النبسبة اللي الميكانيكي زودها بيكون البنزين اكتر من الهواء و الخليط كثيف فبتبطل العربية لو سبتها علي نفس النسبة

لكن انت بتزودلها الهواء عشان متبطلش منك

الحل انه يعيد اللي عمله كما كان و يظبلك نسبة الهواء مع البنزين تاني و لكن هواء + بنزين من هواء بس او بنزين بس

الميكانيكى قلك ان دا عادى عشان أحنا فى شتا