دايهاتسو ماتيريا .... إنطلق بخيالك ( تقرير مفصل بالصور)

**saidbakr** · 08-05-2009 05:47 PM

المشاركة الأصلية كتبت بواسطة madoo

لا طبعا الماتيريا الثبات بتاعها جميل جدا انا والله جبت بيها 180 وكانت زى الفل وصحابى كمان ملاحظين كده انا ساعات بسرح مع نفسى وفجأه ابص على العدادت الاقى نفسى معدى ال 140 ومش حاسس

بص ياباشا قاعده العجلات قريب من بعض وده ميزة علشان الجبال اللى عندنا فى المحروسه
ثانيا العربيه كتوتل واطيه فده فى الثبات حلو اوى ومش خنيق مثلا زى السيفيك وانا قولت ليه علشان قاعده العجلات القريبيبن من بعض

والله انا مش بقول كده علشان هى معايا انما والله عربيه زى الفل

أولا احب ان اشكرك عميق الشكر على اهتمامك و الرد، و ما دام الحديث أخذنا إلى موضوع الثبات و الاتزان، كنت اريد ان نصل الى اتفاق حول معنى او تعريف الاتزان و الثبات.
حضرتك اخبرتنا ان سيارتك في احيان عديدة تصل سرعتها الى 140 كيلومتر في الساعة و هذا عظيم و هناك العديد من السيارات في فئات اقل من الماتيريا تصل الى هذه السرعات و لكن السؤال هل عند هذه السرعة و لو افترضنا انك رغبت في تغيير اتجاه السيارة فجأة يمينا او يساراً ( تنتش العربية يمين مثلاً ) فماذا سوف يحدث عندها؟ هلى ستفقد التحكم بشكل جزئي ام سوف يحدث الأسوء و تنقلب السيارة اما انه لن يحدث اي فقدان للتحكم و ستواصل القيادة بالشكل المعتاد؟

**madoo** · 17-05-2009 07:08 PM

فماذا سوف يحدث عندها؟ هلى ستفقد التحكم بشكل جزئي ام سوف يحدث الأسوء و تنقلب السيارة اما انه لن يحدث اي فقدان للتحكم و ستواصل القيادة بالشكل المعتاد؟

لا بتكون ثابته وزى الفل ولو لاقدر الله اتقلبت اكيد مش هكون معاكوا هنا دلوقتى هههههههههههه

انا مره كنت ماشى فوق ال 140 وبكلم صحابى فى موضوع وبشرحه حاجه بأيديا فسبت ايديا الاتنين وبتكلم معاه فهو صرخ وقالى حرام عليك احنا معدين ال140 بس العربيه كانت ثابته والباور بتاعها بيفصل على السرعات العاليه فبيكونناشف وثابت مكانه

**ams** · 09-06-2009 12:23 AM

المشاركة الأصلية كتبت بواسطة saidbakr

لكن السؤال هل عند هذه السرعة و لو افترضنا انك رغبت في تغيير اتجاه السيارة فجأة يمينا او يساراً ( تنتش العربية يمين مثلاً ) فماذا سوف يحدث عندها؟ هلى ستفقد التحكم بشكل جزئي ام سوف يحدث الأسوء و تنقلب السيارة اما انه لن يحدث اي فقدان للتحكم و ستواصل القيادة بالشكل المعتاد؟

اعتقد ان منطقيا التحكم فيها هيبقى اصعب من العربيات التانية
لان حمل الرياح على المساحة الجانبية الكبيرة نسيبا هيقلل من قدرتها عالمناورة و فى عربيات معروف انها ممكن تتقلب بسهولة زى الديهاتسو تريوس الشكل قبل الحالى و اللادا نيفا
و الله اعلم

**احمدعبدالعزيز** · 10-06-2009 02:55 PM

شكرا على التقيم الرائع والشرح الوافى

**egyptianmafia** · 20-06-2009 07:51 AM

................

ممنوع الكتابة بلغة الفرانكو

مشرف القصم

**Samir Elshahawy** · 06-07-2009 02:41 PM

تقرير رائع و عربية تحفة , و خاصة الفيديو كأني ركبتها و جربتها , فعلا حلم جميل
بصراحة أنا بأفكر فعلا من حوالي شهر في العربية دي لولا السعر كنت جبتها لأني ضد الشراء في الوقت الحاضر بالاسعار دي

**saidbakr** · 06-07-2009 02:53 PM

المشاركة الأصلية كتبت بواسطة se_coralsea

تقرير رائع و عربية تحفة , و خاصة الفيديو كأني ركبتها و جربتها , فعلا حلم جميل
بصراحة أنا بأفكر فعلا من حوالي شهر في العربية دي لولا السعر كنت جبتها لأني ضد الشراء في الوقت الحاضر بالاسعار دي

وجهة نظر أؤيدك فيها، بالفعل جشع الوكلاء فاق الحدود و لابد من تأكيد و تأييد حملة خلوها تصدي.