دايهاتسو ماتيريا .... إنطلق بخيالك ( تقرير مفصل بالصور)

**bakry89** · 02-10-2008 07:47 AM

المشاركة الأصلية كتبت بواسطة hobiko

طب ماقولتلناش يا باشا اخبار العزل ايه .......؟؟؟؟؟؟؟
يعنى لما تقفل الأزاز بتحس بالدوشة اللى برة مثلا وصوت الموتور اخباره اية ....؟؟؟

أنا أسف جدا على التأخير في الرد

بالنسبه لعزل الكابينه فهو في رأيي أكثر من رائع فلن تحتاج إلا إلى تحريك أصابعك تجاه أزرار رفع الزجاج حتى تصبح معزولا عن العالم الخارجي تمام العزل

فلن تسمع أصوات إحتكاك الكاوتش بالأرض ولا إلى صوت الموتور لأنه أساسا ليس له صوت مرتفع

وبطبيعة الحال لابد من إحساسك بالطريق من حولك يعني هتحس بالدوشه اللي بره ولكن مش بصوره مزعجه

أتمنى يكون ربنا قدرني في إجابة السؤال

وأنا في إنتظار أي إستفسار بعد إذن الأستاذ إسلام

**bakry89** · 02-10-2008 08:39 AM

المشاركة الأصلية كتبت بواسطة Noha-M

الف الف الف شكر على الانطباع بتاع حضرتك لانه وضح تساؤلات كتيرة فى دماغى بس برده موضوع العفشة الناشفة دة هل هو وحش للدرجة دى؟ يعني العربية بترزع جامد فى الطرق المكسرة

العفو يا أستاذه نهى أتمنى تكوني إستفدتي من الموضوع
واسف جدا على التأخير

بالنسبه لموضوع العفشه فأنا كنت قلت إنه كل شهرين تلاته بيروح مركز خدمة بريدجستون السريعه علشان يربطوله العفشه بتاعة العربيه

هو الكلام ده حصل فعلا بعد شراء العربيه بشهر ونص تقريبا وإستمر بعديها بمعدل كل شهرين تلاته ولمدة 7 شهور تقريبا وبعد كده بقى بيكسل يودي العربيه لدرجة إني أنا اللي كنت باخدها أوديها تتربط لأنه ملوش خلق على الحاجات دي
يعني في السبع شهور دول وديناها بتاع مرتين أو تلاته بس وبعد كده مرحناش تاني

قصدي من الكلام ده إن ميكونش حصل سوء فهم وتفتكري إن ده لازم يتم بصوره دوريه يا إما العفشه هتبقى سايبه
لأ مش بالضروره إنما لو مودتيهاش هتحسي بخشونة العفشه بصوره بسيطه مش أوي يعني

وبالنسبه لسؤالك:
هو عموما أنا عمري ما حسيت بالموضوع ده وأنا راكب قدام يعني الشكوى كلها بتيجي من ورا بس
واللي بيحصل مش زي ما إنتي متخيله إنها بتترزع أوي يعني في الطرق المكسره إنما اللي هتحسي بيه إنك قاعده مش مستريحه وإنك حاسه بتضاريس الطريق اللي العربيه ماشيه عليه وهتبان أكتر لما أي عجله في العربيه (وخصوصا اللي ورا) تتهبد في حفره في الطريق مره واحده

بس مش أكتر

وإسمحيلي أقول لحضرتك على حاجه من واحد مجرب العربيه
أنا حاسس إن حضرتك موهومه بالعربيه وهي داخله دماغك أوي بس فيه حاجه مخلياكي متردده أنا مش عارف هي إيه
لو كان توقعي صح فأنا بقولك شيلي الحاجه دي من دماغك العربيه والله زي الفل وتمام ومش هتعرفي تلاقي فيها عيوب لأني حاولت ألاقي فيها عيب واحد علشان أكره صاحبي فيها قبل ما نشتريها وملاقيتش حاجه أقولها له غير إن شكلها مش حلو

فلو كانت في دماغك هاتيها وعلى ضمانتي أنا بس متنسيش ترشيها زي الماتيريا اللي في الصوره دي

وكل سنه وإنتي طيبه

ومره أخرى في إنتظار أي إستفسار من الإخوه الأعضاء بعد إذن إسلام باشا

عيد سعيد

**Noha.M** · 07-10-2008 08:39 PM

كل سنة و انت طيب يا بكرى و الف شكر على المعلومات المهمة دى و بجد وضحت الرؤية اوى بالنسبة لى

ربنا يكفيك شر لعنة الفراعنة :d

**ara** · 07-10-2008 11:04 PM

موضوع حلو اوى و معلومات مفيدة جدا.. انا بحب و بحترم العربية ديه
تسلم إيديك على الشغل ده :)

**AHMEDCAR** · 08-10-2008 01:45 PM

مجهود رائع تستحق الشكر عليه

**bakry89** · 08-10-2008 02:46 PM

المشاركة الأصلية كتبت بواسطة Noha-M

كل سنة و انت طيب يا بكرى و الف شكر على المعلومات المهمة دى و بجد وضحت الرؤية اوى بالنسبة لى

ربنا يكفيك شر لعنة الفراعنة :d

وإنت طيبه يا نهى
العفو أنا معملتش غير الواجب

بس أتمنى إني أكون قدرت أوصل إحساسي ناحية العربيه ليكي ولكل الأعضاء

كفانا وإياكم شر اللعنه

**adel1414** · 13-10-2008 08:07 AM

الماتيريا الهاف اوبشنز مانيوال تفرق ف اية عن الكاملة مانيوال؟يعنى فيها abs&airbag ولا لا ؟

**zeyad1810** · 13-10-2008 08:28 AM

موضوع رائع
تسلم ايدك

**M.Osman** · 08-11-2008 10:28 PM

شكرا عالتقرير بس بصراحة العربية بتخنق من شكلها ....:(

**دينا أبوالعلا** · 20-11-2008 12:19 PM

شكرا يا اسلام علي الشرح الفظييييييييييييييييييييي ييييع .انا معايا بيكانتو بس فعلا لما بشوف الماتيريا بحس انه واحد ماشفش حبيبته بقاله كتيييييييييييييير وقابلها صدفه بموووووووووووووت في العربيه دي من اول مره شوفتها ونفسي طبعا فيها بس هي غاليه عليا
ربنا يبارك للجميع ويكفيكو شر عربياتكو

الموضوع: دايهاتسو ماتيريا .... إنطلق بخيالك ( تقرير مفصل بالصور)

LinkBack

أدوات الموضوع

عرض

بالنسبه لعزل الكابينه -

العفشه -

-

-

عفوا -

-

المواضيع المتشابهه

هوندا بريو - تقرير مفصل بالصور

تقرير مفصل بالصور عن تركيب سبويلر لنيسان صنى

كيا كادينزا 2011 ... تقرير مفصل بالصور (منقـــول)

تقرير مفصل عن كيا سول بالصور

تقرير مفصل عن الادا كالينا بالصور

الكلمات الدلالية لهذا الموضوع

المفضلات

المفضلات

ضوابط المشاركة