الموضة الجديدة لمحاولة وقف مبيعات الصنى

**edodahab** · 06-12-2013 05:17 PM

يا جماعة الخير انتوا اخدتوا كلامى على نفسكوا ليه و كبرتوا الموضوع
انا كان واضح و بقول تانى ان معظم الناس هنا فى المنتدى اللى زيكوا بيخدموا الناس من غير اى مصالح و بدون مقابل
انا كل اعتراضى على حاجتين
اولا الفتى من ناس عمرها ما ساقت العربية و عمالة تفتى و تشتكى و دول موجودين و ممكن حضرتك تدور فى التعليقات و هتلاقيهم
عشان كدة انا عمرى ما بدخل منتدى تانى و افتى على اى عربية عشان ببساطة انا مجربتهاش
ثانيا الناس اللى داخلة المنتدى بتاع نيسان عشان يكرهونا فى العربية و يعملوا اعلانات عن عربيات تانية الله اعلم بقى دول ليهم مصالح مع شركات تانية ولا ايه استفادتهم و دوروا حضراتكوا هتلاقوهم منتشرين
انا اللى اعرفوا ان فيه منتديات تانية للبيجو و باقى الماركات لو هو معاه العربية يكتب خبراته فى المنتدى بتاعه انما ايه المصلحة انه يدخل على منتدى عربية تانية عشان يشتم فيها و هو عمروا ما ركبها
انا عارف انها عربية على قدها و اكيد فيها مشاكل لكن انا متقبل جدا ان حد من ملاك العربية يدخل و يكتب مشكلة حصلتله عشان يفيدنا بخبرته انما تبقى معظم المشاكل و الشكاوى من ناس عمرها ما ساقت العربية هو دة اللى مستفز
انا اسف انى كنت متعصب و قلت كلام شديد بس انتوا كلكوا عارفين الواحد تعب قد ايه عشان يجمع الفلوس دى و يقدر يجيب عربية و بدل ما ادخل هنا عشان استفيد و اتعرف على ناس محترمة بقى يتحرق دمى من الفتى و الهرى كأن الواحد اشترى 128 مثلا و رمى فلوسه فى البلاعة
الحمد لله انى مبسوط من العربية و انا شايفها ممتازة بالنسبة لسعرها
اعتذر مرة اخرى و عذرا للاطالة و ربنا يبارك لكل واحد فى عربيته و يدى كل واحد على قد نيته

**medo-312** · 06-12-2013 09:19 PM

انا معاك فى موضوع الهجوم الغريب على العربية من فترة بس بدأ يقل .. ولما لاحظت الكلام الكتير على العربية قلت ادخل على باقى اقسام الماركات التانية يمكن دى عادة فى نايل موتورز .. الغريب ان الانتقاد ده ماشفتوش فى اى قسم تانى بالقسوة دى .. وكأنها ميزة انفردت بيها الصنى الشكل الجديد .. وعموما هو مش موضوع توكيلات تانية ولاحاجة .. اعتقد ان نيسان عملت حساسية لما عملت 2014 شكل قديم وشكل جديد وكل واحد شايف انه احسن !! والحاجة التانية ان مشاكلها هايفة وسعرها كويس والعربية انتشارها بيتقدم بثبات وده اعتقد ضايق ناس وبدل ماتدافع عن اختيارها صبوا غضبهم على الصنى بطريقة او بأخرى .. مرة شكلها مش عاجبهم ومرة التيل مش عارف ماله .. ومرة واحد قال كنت بازق عربية واحد صاحبى لقيت الكبوت اطبق !! .. المهم سيبك من الكلام ده واستمتع ياباشا بالعربية وغالبية الناس هنا محترمة جدا والأمثلة كتيرة

**edodahab** · 06-12-2013 10:41 PM

المشاركة الأصلية كتبت بواسطة medo-312

انا معاك فى موضوع الهجوم الغريب على العربية من فترة بس بدأ يقل .. ولما لاحظت الكلام الكتير على العربية قلت ادخل على باقى اقسام الماركات التانية يمكن دى عادة فى نايل موتورز :o_stupid[1]: .. الغريب ان الانتقاد ده ماشفتوش فى اى قسم تانى بالقسوة دى .. وكأنها ميزة انفردت بيها الصنى الشكل الجديد .. وعموما هو مش موضوع توكيلات تانية ولاحاجة .. اعتقد ان نيسان عملت حساسية لما عملت 2014 شكل قديم وشكل جديد وكل واحد شايف انه احسن !! والحاجة التانية ان مشاكلها هايفة وسعرها كويس والعربية انتشارها بيتقدم بثبات وده اعتقد ضايق ناس وبدل ماتدافع عن اختيارها صبوا غضبهم على الصنى بطريقة او بأخرى .. مرة شكلها مش عاجبهم ومرة التيل مش عارف ماله .. ومرة واحد قال كنت بازق عربية واحد صاحبى لقيت الكبوت اطبق !! .. المهم سيبك من الكلام ده واستمتع ياباشا بالعربية وغالبية الناس هنا محترمة جدا والأمثلة كتيرة

كلام محترم و ممتاز
انا فعلا هكبر دماغى اللى عايز يشتم يشتم وانا مالى و هستمتع بالعربية
شكرا يا باشا بس تفتكر ايه سر هجوم الناس على النيو صنى
يا راجل دة لولا انى متأكد انها متقفلة فى مصر كنت قلت دى عربية متصنعة فى اسرائيل
طب حتى شجعوا تقفيل بلدكوا و اعتبره ابوك يا اخى

**Car's Sniper** · 06-12-2013 10:49 PM

الصنى الجديدة بالنسبة للصنى القديمة لا تقارن ..القديمة انضف شكلا وخامات وثبات وكل حاجة
لكن لو انا معايا 110000 هاشترى الصنى لانها صفقة رابحة بالنسبة لسعرها
وعلى فكرة والدى كان معاه صنى 2008 واللى من وجهة نظرى انضف موديل نزل ودلوقتى جاب 2013 فالكلام عن تجربة
العربية حلوة جدا بالنسبة للمنافسين ليها فى الفئة السعرية دى

**د.عماد صلاح** · 06-12-2013 11:05 PM

شوف ياباشا ...مفيش داعي للظن السئ ...طالما مبسوط من العربيه و مريحاك يبقي خلاص مايهمكش كلام حد ...اناىمثلا كان معايا افيو و دي كل الناس بتتكلم عن مشاكلها مع كده كانت مريحاني جدا و شكرت فيها قبل مابيعها ....فطالما انت مبسوط خلاص ....الصني الجديده فيها كماليات كتير خاصه السوبر و تقفيلها احسن من الاي اكس بس المشكله الاساسيه الطنابير و الثبات علي السرعات العاليه وده عن تجربه سواقه بتاع 55 كيلو بيها بس القعده مريحه و الفرامل قويه و الصوت لذيذ بس صوت الماتور علي بعد ال 120 تميفها كويس بس العجلربيعمل صوت واضح جوه العربيه حتي مع غلق الزجاج ...ده عربيه واحد زميلي سقتها من 4 اشهر قبل ما اجيب الاوبترا و سقتها عشان اقرر اشتري ايه و المشكله الرئيسيه اللي خوفتني منها ان صاحبي غير الطنابير في صيانه ال10 الالاف

**edodahab** · 07-12-2013 11:03 AM

امين

**toty_305** · 07-12-2013 01:30 PM

-يا باشا مفيش الكلام ده دي ياباني

**medo-312** · 07-12-2013 11:35 PM

المشاركة الأصلية كتبت بواسطة toty_305

-يا باشا مفيش الكلام ده دي ياباني :

**wael_dosoky** · 08-12-2013 10:53 AM

المشاركة الأصلية كتبت بواسطة medo-312

مانقدرش نقول ( لاتقارن ) لانهم شكلين مختلفين يبقى بديهى فى مقارنة .. مش مهم النتيجة لصالح مين بس اكيد طالما فيه اختلاف ( مش خلاف ) يبقى فيه مقارنة .. مثلا .. الشكل الجديد صالونها اوسع وارتفاعها اكبر واستهلاك البنزين اقل .. الشكل القديم موتور اقوى ( 1600 ) صاجها اثقل بحوالى 30% .. ثباتها اعلى على الطريق .. نيجى للشكل العام .. فى ناس شايفة القديم احلى وناس شايفاه ( موديل عواجيز ) وناس مش مقتنعة بالشكل الجديد وشايفاها عربية ( قبيحة التصميم ) وناس شايفاه تصميم جميل ومدى على تويوتا .. مع احترامى لملاك العربيتين وفى النهاية دى اذواق وربنا يبارك فى دى وفى دى ويكفينا جميعا شر الطريق قولوا آمين

اللهم امين اللهم امين اللهم امين

قديماً قالوا "" لولا إختلاف الأذواق لبارت السلع ""