الموضوع: الموضة الجديدة لمحاولة وقف مبيعات الصنى

المشاركة الأصلية كتبت بواسطة khaled lanos

اتفق مع حضرتك ان اغلب ملاكها بيحبوها وربنا يبارك لهم في عربياتهم..ولكن اختلف مع حضرتك مش كل ملاكها بيحبوها وبيشكرو فيها..حضرتك انا متابع المواضيع من اول ما نيسان عملت الصني الشكل الجديد وممكن اجيب لحضرتك روابط ناس ملاكها وأعضاء قدام في المنتدى كمان بيشتكو من حجات كتير فيها وفيه اللي مكنش لاقي قطع غيار..الخ.
الفكرة كلها اني مش لاقي سبب مقنع ان في حملة ضد صني..مكان أولى تقوم حملات ضد البيجو الـ 307 أو السيراتو 2014 او الكورولا 2014 مثلا.
تقبل تحياتي.

يا باشا انا عارف ان فيه ناس اشتروا العربية و عندهم مشاكل فيها بس العبرة بحاجتين اولا الشكاوى مش فى حاجات اساسية و ثانيا النافى س دول يمثلوا كام فى المية من ملاكها
الاجابة فى الشارع و اكيد حضرتك متابع انتشار العربية المذهل و اكيد اى حد اشترى العربية دى سئل مليون مرة و متنساش ان الشعب المصرى مبيرميش فلوسه فى الارض

المشاركة الأصلية كتبت بواسطة amrelsaqqa

متضامن معاك وحاسس بيك في موضوع ان الواحد بيزعل لو لقى حد بيشتم في حاجة هو دفع فيها فلوس خصوصا لو هو شايفها كويسة او على الاقل كويسة على قد فلوسها


بس ده ما يمنعش ان كل واحد يقول وجهة نظره بحرية ومفيش حاجة اسمها الموضة الجديدة وان الناس بتحاول توقف المبيعات وشغالين لحساب توكيلات تانية والكلام ده كله ! مع كامل احترامى لحضرتك


اانا اتفرجت على الـ 301 و نيسان صنى في نفس اليوم ونفس الساعة ( بيجو وادى النيل ونيسان شارع سوريا )


البيجو ابهرتنى ، والنيسان قرفت من شكلها وتقفيلها وصالونها وصاجها وكاوتشها ( وجهة نظري وانا حر فيها )


بغض النظر عن سعرها مناسب لامكانياتها وانها صفقة رابحة او لا ، العربية ما عجبتنيش بصفتى الشخصية وما ينفعش بحال من الاحوال يتم تسويقها على انها "الصنى الشكل الجديد" لان ده ظلم لاسم صنى ( وبردو دى وجهة نظري وانا حر جدا فيها )

ناس كتير اشترتها على انها "الصنى الجديدة" والحقيقة ان القديمة فئة اعلى منها وافضل بكتير ، فيما عدا الوسع الداخلى واستهلاك البنزين فقط

زي ما التوكيل بردو اللى في شارع سوريا كاتب في البروشور ان عفشتها الخلفية ، مالتى لينك ! ولما جيت اناقش السيلز ، قعدوا يراوغوا في الكلام ! بصراحة لا تعليق !

في النهاية هى عربية ليها مميزاتها وعيوبها وسعرها كويس وفي عربيات غيرها ومليانة عيوب بردو وما تستاهلش سعرها ، بس في نفس الوقت كل واحد يقول رأيه فيها بكل حرية ، ومفيش حاجة اسمها ركبتها وسوقتها عشان احكم عليها ، لان دى بردو انا شايفها "الموضة الجديدة" لما حد يقول رأيه في حاجة تلاقي اللى بيرد يقول له انت ما سقتهاش بنفسك او انت بتفتى !!

لما اقول رأيي في كاوتش العربية وصاجها ، مش لازم اسوقها ، لما اقول رأيي في تقفيل وخامات صالونها ، مش لازم اسوقها !
لما الاقى حالات كتير قدامى من ملاك العربية بيشتكوا منها ، ما عملش نفسى مش شايف عشان ما سوقتهاش بنفسى !

عربيتك كويسة ، استمتع بيها ، ربنا يباركلك فيها ، وسيبك من اللى "عاوز يوقف مبيعاتها" ، لان لا انا ولا انت هيدخل في جيبنا جنيه زيادة لما بيجو او نيسان او كيا او هيونداي او تويوتا يبيعوا اكتر ، العربية انتشرت بالفعل زي ما ماحضرتك قلت (و ده يهمنا في قطع الغيار واعادة البيع وبس ) ، يبقى لا داعى للقلق وسيب اللى يقول يقول ياعم :)

يا صديقى حضرتك بتنكر حاجة واضحة زى الشمس بس غالبا حضرتك مش متابع المنتدى كويس
حضرتك تابع الموضوعات من وقت ما العربية نزلت و هتكتشف ان كلامى صح مليون المية و ان فعلا فيه هجوم غير مبرر من ناس كتير معظمهم مش من ملاك العربية
و لو حضرتك شفت باقى المنتديات مش هتلاقى الهجوم دة حتى على عربيات اقل بمراحل من الصنى و دى ظاهرة غريبة جدا
الشئ الملفت للنظر ان المنتدى فى وادى و السوق و الشارع فى وادى تانى، هنا المنتدى مليان شكاوى و افتراءات و احاسيس و السوق شغال مبيعات خيالية
و زى ما حضرتك قرفت من الصنى فيه ناس اكتر بكتير اتوهموا بيها و جابوها و نفس الناس دول قرفوا و رجعوا و جالهم حالات اغماء من عربيات تانية، دى اذواق و اراء و كل واحد حر
بس الرأى لازم يبقى مبنى على خبرة و دراسة تجربة يعنى مش اى حد ماشى فى الشارع يفتى و يقولك العلاج دة احسن من دة او العربية دى احسن من دى
انا معاك ان فيه حاجات خارجية ممكن تقول رأيك فيها لكن رأيك فى اداء العربية لازم يبقى من خلال تجربة
اما بالنسبة انها متساويش سعرها فأحب اضيف عليك ان مفيش عربية فى مصر تستاهل سعرها و متقنعنيش ان السيراتو و الكورولا تستاهل اكتر من ٢٠٠ الف مثلا ، للأسف دة الواقع المصرى
انا كل اعتراضى على الناس اللى معجبتهومش العربية لاسباب مش مقنعة و نازلين تقطيم فى اللى جابوها و هجوم شرس عليها، خلاص يا عم انت شايف انك من الناس الفاهمة اللى مجبوش العربية و كل اللى جابوها متخلفين و لبسوها سيبهم يفرحوا بيها و ربنا يعينهم عليها و الاغرب انك تلاقى ناس كتير جابوا عربيات تانية و مع ذلك كل مشاركاتهم فى منتدى النيسان عشان يهاجموا العربية و ملهومش اى مشاركات فى المنتدى بتاعهم، بجد ناس غريبة
عذرا للاطالة و تقبل تحياتى و انا مازلت مقتنع ان فيه هجوم غير مبرر على العربية و الله اعلم بالنيات و ربنا يدى كل واحد على قد نيته

المشاركة الأصلية كتبت بواسطة edodahab

يا صديقى حضرتك بتنكر حاجة واضحة زى الشمس بس غالبا حضرتك مش متابع المنتدى كويس
حضرتك تابع الموضوعات من وقت ما العربية نزلت و هتكتشف ان كلامى صح مليون المية و ان فعلا فيه هجوم غير مبرر من ناس كتير معظمهم مش من ملاك العربية
و لو حضرتك شفت باقى المنتديات مش هتلاقى الهجوم دة حتى على عربيات اقل بمراحل من الصنى و دى ظاهرة غريبة جدا
الشئ الملفت للنظر ان المنتدى فى وادى و السوق و الشارع فى وادى تانى، هنا المنتدى مليان شكاوى و افتراءات و احاسيس و السوق شغال مبيعات خيالية
و زى ما حضرتك قرفت من الصنى فيه ناس اكتر بكتير اتوهموا بيها و جابوها و نفس الناس دول قرفوا و رجعوا و جالهم حالات اغماء من عربيات تانية، دى اذواق و اراء و كل واحد حر
بس الرأى لازم يبقى مبنى على خبرة و دراسة تجربة يعنى مش اى حد ماشى فى الشارع يفتى و يقولك العلاج دة احسن من دة او العربية دى احسن من دى
انا معاك ان فيه حاجات خارجية ممكن تقول رأيك فيها لكن رأيك فى اداء العربية لازم يبقى من خلال تجربة
اما بالنسبة انها متساويش سعرها فأحب اضيف عليك ان مفيش عربية فى مصر تستاهل سعرها و متقنعنيش ان السيراتو و الكورولا تستاهل اكتر من ٢٠٠ الف مثلا ، للأسف دة الواقع المصرى
انا كل اعتراضى على الناس اللى معجبتهومش العربية لاسباب مش مقنعة و نازلين تقطيم فى اللى جابوها و هجوم شرس عليها، خلاص يا عم انت شايف انك من الناس الفاهمة اللى مجبوش العربية و كل اللى جابوها متخلفين و لبسوها سيبهم يفرحوا بيها و ربنا يعينهم عليها و الاغرب انك تلاقى ناس كتير جابوا عربيات تانية و مع ذلك كل مشاركاتهم فى منتدى النيسان عشان يهاجموا العربية و ملهومش اى مشاركات فى المنتدى بتاعهم، بجد ناس غريبة
عذرا للاطالة و تقبل تحياتى و انا مازلت مقتنع ان فيه هجوم غير مبرر على العربية و الله اعلم بالنيات و ربنا يدى كل واحد على قد نيته

تمام جدا وعلى فكرة بالعكس انا مقتنع ان العربية تساوى سعرها جدا ، بس لو هشتري نيسان هجيب القديمة بصراحة طالما الاتنين قريبين في السعر
انا واحد صاحبى كان جاب القديمة قبل ما الجديدة تنزل على طول وبعدين كان هيروح يبيعها ويجيب الجديدة ومهندس من جوة التوكيل قال له اوعى تعمل كدة القديمة احسن في كل حاجة

المشاركة الأصلية كتبت بواسطة amrelsaqqa

تمام جدا وعلى فكرة بالعكس انا مقتنع ان العربية تساوى سعرها جدا ، بس لو هشتري نيسان هجيب القديمة بصراحة طالما الاتنين قريبين في السعر
انا واحد صاحبى كان جاب القديمة قبل ما الجديدة تنزل على طول وبعدين كان هيروح يبيعها ويجيب الجديدة ومهندس من جوة التوكيل قال له اوعى تعمل كدة القديمة احسن في كل حاجة

مش فى كل حاجة يا باشا ، لو كدة مكنش حد جاب الجديدة
الجديدة اوسع و اعلى و انعم و استهلاكها للبنزين اقل دة غير ال Abs , ebd , airbags