الموضوع: الموضة الجديدة لمحاولة وقف مبيعات الصنى

المشاركة الأصلية كتبت بواسطة edodahab

الكلام بتاع حضرتك كله جميل و مثالى بس انا اعرف ناس من توكيلات تانية و اصحاب مصالح بيهاجموا عربيات لصالح عربيات
و متنساش ان حضرتك متعرفش الاشخاص الحقيقية و ايه مدة صدقهم
انا مبدافعش عن العربية بجهل و تابع مداخلاتى هتلاقى انى بتكلم بكل حيادية و زى ما فيه ناس كدة فيه ناس اكتر محترمة بتقدم النصحية لوجه الله
اما بالنسبة لنظرية المؤامرة لو حضرتك مصدق ان فيه تلات اعضاء جدد قرروا يجيبوا العربية و كانوا مقتنعين بيها تماما و كلهم سبحان الله بقدرة قادر يغيروا رأيهم فى اخر لحظة انت حر بس انا مش مصدق عشان واسعة اوى
شكرا ليك و عذرا للاطالة
و ربنا يستر طريقنا

على فكره هما مش تلاته دول بقى اربعه
عشان أنا كمان غيرت راي قبل ما انزل احجز بـ 12 ساعه بناء على نصيحه حد أعرفه شغال في مجال السيارات وأنا واثق انه ملهوش هدف في انه يغشني
وبدأت رحله البحث تاني من أول وجديد وبقيت عمال أطلع وانزل بالسعر لحد ما اتجننت فكرت في الاوبترا واللوجان والساجا والبيرسونا والريو والـ rb و 301 لحد ما وصلت للكروز وبردوا مفيش فايده وفي الأخر استقريت على صني برضوا بس الشكل القديم وإن شاء الله أشتريها اليومين الجايين دول عشان اخلص من صداع البحث اللي مبيخلصش
واحب أقول لحضرتك ليه الناس بتغير رايها في أخر لحظه عشان متظنش في الناس سوء النيه

لأن ببساطه ممكن حضرتك تسيب عربيتك وتنزل تلف لفه على معارض السيارات وتبتدي تسأل الناس هناك رايكم ايه في العربيه هتلاقي انه على أفضل حال 70% هيقولولك أبعد عنها بما فيهم المعارض اللي عندهم العربيه وبيبيعوها مع ملاحظه كمان ان العربيه بتتباع عندهم بؤفر برايس يعني المفروض مكسبها بالنسبه لهم أعلى لكن برضوا هتلاقي كتير أوي هيقول لك بلاش وده اللي حصل معايا

لما تدخل المنتدي هتلاقي أعضاء مش قليلين بيشتكوا من العربيه بشكل عام ومن الفرامل بشكل خاص وهتلاقي ناس مقدمه شكاوي في حماية المستهلك وده حتى لو افترضنا زي ما حضرتك بتقول ان دي ناس مغرضه بتشتغل لصالح شركات تانيه فده برضوا هيخليني كواحد بيحط فلوس في عربيه يقلق ويبعد عشان ميضيعش فلوسه في حاجه مش مضمونه وده برضوا اللي حصل معايا

ضيف على ده ان ناس كتير من اللي بتفكر فيها بتفكر فيها عشان الوبشنز والسعر مش عن أقتناع تام لأن شكلها مش جذاب ومبهر زي عربيات تانيه شكلها تحفه فلما الواحد بيكون مش مقتنع بشكل عربيه بس بيشتريها عشان الاوبشنز ويلاقي ناس مش قليله بتقول له بلاش في الغالب بيكون ده على هوا شيء داخلي جواه بأن شكلها مش عاجبه وده برضوا اللي حصل معايا (ودي طبعاً اذواق في الأول والأخر)

أنا حبيت أقول الكلام ده عشان بس أوضح لحضرتك أن مش معنى ان الناس بتغير رايها في عربيه فده مش معناه انهم مغرضين ولا برضوا معناه ان العربيه وحشه فبلاش سوء الظن بالناس
ولو فتحنا مجال للشك فنوايا الناس فده هيفتح برضوا شك في نوايا حضرتك من الموضوع وهتلاقي ناس ممكن تقول على حضرتك من شركه نيسان وبتحاول تروج للعربيه مش كده برضوا ولا ايه
عشان كده بلاش نفكر بنظريه المؤامره دي عشان ملهاش لازمه وهتخلي المنتدي يفقد قيمته كمرجع لأي حد عاوز يستفسر عن اي حاجه تخص العربيات

وعموماً بعد لف كتير الخلاصه مفيش عربيه كامله المهم تلاقي العربيه اللي تناسب امكانياتك وفيها الاساسيات اللي انت عاوزه وفيها عيوب انت تتقبلها ودي حاجات بتختلف من شخص للتاني

وفي الأخر ربنا يبارك لحضرتك في عربيتك ويسعدك بيها ويبعد عنك شرها يارب

المشاركة الأصلية كتبت بواسطة edodahab

كلام محترم و ممتاز
انا فعلا هكبر دماغى اللى عايز يشتم يشتم وانا مالى و هستمتع بالعربية
شكرا يا باشا بس تفتكر ايه سر هجوم الناس على النيو صنى
يا راجل دة لولا انى متأكد انها متقفلة فى مصر كنت قلت دى عربية متصنعة فى اسرائيل
طب حتى شجعوا تقفيل بلدكوا و اعتبره ابوك يا اخى

يا باشا سبب الهجوم مش عشان مصري ولا حاجه لكن عشان راي ناس كتير شغاله في السوق
طيب هقولك على حاجه حصلت معايا واللع على ما أقول شهيد
انا وانا بدور على العربيه رحت شوفتها في أحد فروع نيسان وبعدين سألت بتاع المبيعات عن الفرق بين الجديده والقديمه وطبعاً القديمه مش عنده أصلاً لان نيسان بطل يبعها بصوره مباشره من فتره
طبعاً قعد يحور ويقولي دي فيها مزايا ودي فيها مزايا وشوف اللي تعجبك والكلام ده ولما قعت اضغط عليه عشان يقول لي رايه بصراحه وقلت له طيب انت لو بتشتري النهارده تشتري مين فيهم بامانه قال لي الشكل القديم قلت له هتختارها رغم انها استهلاك البنزين اعلى واوبشنز اقل قالي هي طبعاً الاختيار بتاعك بس انا شايف القديم افضل وده مثال لراي واحد من كتير قابلتهم ورايهم مختلفش كتير عن كده عشان كده الناس مقلقه من العربيه
بخصوص بقى الصناعه الاسرائيلي بما ان جت سيره الموضوع أحب أقول لك ان اللي اسرائيلي فعلا الاسبيرانزا لان هي شركه شيري اللي هي شراكه بين شركه صيني واخرى اسرائيلي بنسبه 50% لـ 50% وده ممكن اي حد يلاقيه لو عمل سيرش بسيط على الجوجل عن الشيري

المشاركة الأصلية كتبت بواسطة mhkorayem

على فكره هما مش تلاته دول بقى اربعه
عشان أنا كمان غيرت راي قبل ما انزل احجز بـ 12 ساعه بناء على نصيحه حد أعرفه شغال في مجال السيارات وأنا واثق انه ملهوش هدف في انه يغشني
وبدأت رحله البحث تاني من أول وجديد وبقيت عمال أطلع وانزل بالسعر لحد ما اتجننت فكرت في الاوبترا واللوجان والساجا والبيرسونا والريو والـ rb و 301 لحد ما وصلت للكروز وبردوا مفيش فايده وفي الأخر استقريت على صني برضوا بس الشكل القديم وإن شاء الله أشتريها اليومين الجايين دول عشان اخلص من صداع البحث اللي مبيخلصش
واحب أقول لحضرتك ليه الناس بتغير رايها في أخر لحظه عشان متظنش في الناس سوء النيه

لأن ببساطه ممكن حضرتك تسيب عربيتك وتنزل تلف لفه على معارض السيارات وتبتدي تسأل الناس هناك رايكم ايه في العربيه هتلاقي انه على أفضل حال 70% هيقولولك أبعد عنها بما فيهم المعارض اللي عندهم العربيه وبيبيعوها مع ملاحظه كمان ان العربيه بتتباع عندهم بؤفر برايس يعني المفروض مكسبها بالنسبه لهم أعلى لكن برضوا هتلاقي كتير أوي هيقول لك بلاش وده اللي حصل معايا

لما تدخل المنتدي هتلاقي أعضاء مش قليلين بيشتكوا من العربيه بشكل عام ومن الفرامل بشكل خاص وهتلاقي ناس مقدمه شكاوي في حماية المستهلك وده حتى لو افترضنا زي ما حضرتك بتقول ان دي ناس مغرضه بتشتغل لصالح شركات تانيه فده برضوا هيخليني كواحد بيحط فلوس في عربيه يقلق ويبعد عشان ميضيعش فلوسه في حاجه مش مضمونه وده برضوا اللي حصل معايا

ضيف على ده ان ناس كتير من اللي بتفكر فيها بتفكر فيها عشان الوبشنز والسعر مش عن أقتناع تام لأن شكلها مش جذاب ومبهر زي عربيات تانيه شكلها تحفه فلما الواحد بيكون مش مقتنع بشكل عربيه بس بيشتريها عشان الاوبشنز ويلاقي ناس مش قليله بتقول له بلاش في الغالب بيكون ده على هوا شيء داخلي جواه بأن شكلها مش عاجبه وده برضوا اللي حصل معايا (ودي طبعاً اذواق في الأول والأخر)

أنا حبيت أقول الكلام ده عشان بس أوضح لحضرتك أن مش معنى ان الناس بتغير رايها في عربيه فده مش معناه انهم مغرضين ولا برضوا معناه ان العربيه وحشه فبلاش سوء الظن بالناس
ولو فتحنا مجال للشك فنوايا الناس فده هيفتح برضوا شك في نوايا حضرتك من الموضوع وهتلاقي ناس ممكن تقول على حضرتك من شركه نيسان وبتحاول تروج للعربيه مش كده برضوا ولا ايه
عشان كده بلاش نفكر بنظريه المؤامره دي عشان ملهاش لازمه وهتخلي المنتدي يفقد قيمته كمرجع لأي حد عاوز يستفسر عن اي حاجه تخص العربيات

وعموماً بعد لف كتير الخلاصه مفيش عربيه كامله المهم تلاقي العربيه اللي تناسب امكانياتك وفيها الاساسيات اللي انت عاوزه وفيها عيوب انت تتقبلها ودي حاجات بتختلف من شخص للتاني

وفي الأخر ربنا يبارك لحضرتك في عربيتك ويسعدك بيها ويبعد عنك شرها يارب

طيب بما ان موضوع الشراء خلص بالنسبة لحضرتك نقولك الف الف مبروك وربنا يديك خيرها ويكفيك شرها .. نيجى بقى للصنى .. ممكن تسأل نفسك او تجيب ورقة وقلم وتكتب العيوب اللى مقلقة الناس منها وتحلل اراء الناس اللى زى صاحبنا بتاع التوكيل وتشوف الرد المبهم اللى رده معناه ايه .. ميول شخصية ؟؟ واللا عيوب فى العربية وماقالش عليها ليه ؟! .. صدقنى واحد صاحبى باسأله ليه العربية مش عاجباك قاللى مش عارف هي كده .. طيب ياعم قول سبب يقوللى مش عارف يمكن شكلها !! .. وطبعا انا عارف ان كان فيها مشكلة فى التيل وبيتغير فى التوكيل بس مش فى كل العربيات .. بس كده .. حد يقول ياجماعة مشكلة خطيرة فى العربية ماتلاقيش رد .. هو كده !! .. ناس تقولك ابعد عنها .. ليه ياعم الحاج ؟؟ .. هو كده .. ولا حول ولا قوة الا بالله

المشاركة الأصلية كتبت بواسطة medo-312

طيب بما ان موضوع الشراء خلص بالنسبة لحضرتك نقولك الف الف مبروك وربنا يديك خيرها ويكفيك شرها .. نيجى بقى للصنى .. ممكن تسأل نفسك او تجيب ورقة وقلم وتكتب العيوب اللى مقلقة الناس منها وتحلل اراء الناس اللى زى صاحبنا بتاع التوكيل وتشوف الرد المبهم اللى رده معناه ايه .. ميول شخصية ؟؟ واللا عيوب فى العربية وماقالش عليها ليه ؟! .. صدقنى واحد صاحبى باسأله ليه العربية مش عاجباك قاللى مش عارف هي كده .. طيب ياعم قول سبب يقوللى مش عارف يمكن شكلها !! .. وطبعا انا عارف ان كان فيها مشكلة فى التيل وبيتغير فى التوكيل بس مش فى كل العربيات .. بس كده .. حد يقول ياجماعة مشكلة خطيرة فى العربية ماتلاقيش رد .. هو كده !! .. ناس تقولك ابعد عنها .. ليه ياعم الحاج ؟؟ .. هو كده .. ولا حول ولا قوة الا بالله

الله يبارك فيك ولو أني لسه مشترتش أنا هشتري ان شاء الله الكام يوم الجايين دول
بخصوص بتاع المبيعات اللي في الوكيل طبعاً لايمكن يقول لزبون بشكل مباشر على مشاكل في العربيه بس ممكن عن طريق كلامه تحس باللي هو عاوز يقوله من غير ما يقوله مباشرة وده اللي أنا حسيته من كلام
المشاكل اللي الناس بتكلم عليها غالباً بيعرفوها من ملاك العربيه وأخرها على سبيل المثال اللي لسه مكتوب من أعضاء معانا هنا عن استدعاء الوكيل لعربياتهم لتغير ماستر الفرامل ومنظومه الفرامل بالكامل على حد كلامهم وده لينك للموضوع
http://www.nilemotors.net/Nile/394527-a.html
طبعاً تصرف الوكيل ده شئ محترم جداً بس ده برضوا معناه أن كان في مشاكل فعلاً مش مجرد أشاعات عشان كده بقول لحضرتك ان اللي بيقول فيها مشاكل مش بيألف ده بيقول شيء موجود حتى لو كان مش عند كل الناس بس موجود بنسبه مش قليله
لكن العربيه دي لو الوكيل ظبط المشاكل اللي فيها فعلاً هتبقى رقم واحد في رنج السعر ده وبلا منافس

المشاركة الأصلية كتبت بواسطة edodahab

اولا الف مبروك على العربية
ثانيا و بدون الدخول فى النوايا عشان محدش يعرف حد هنا الا قليل و لو فتحتنا الباب دة محدش هيصدق حد
القصة يا أخى الفاضل ان انا جبت العربية عن اقتناع ان فيها مشاكل بس بالنسبالى مشاكلها اقل بكتير من مميزاتها و زى ما اتفقنا ان مفيش عربية بالسعر دة خالية من العيوب و المهم ان المشاكل متكونش خطيرة و يكون ليها حلول
و طبعا زى اى حد لفيت و دورت و سألت و جربت عربيات كتير قبل ما أقرر و الحمد لله ان كان فيه اتنين صحابى معاهم العربية و دة خلانى اجرب العربية و اعرفها كويس و بالمناسبة واحد منهم والده جاب العربية بعد ما ساقها و جربها و اقتنع بيها و اكيد لو كانت العربية وحشة مكنش خلى والده يجيبها
و بعد ما جبت العربية بدأت ادخل المنتدى عشان أتعرف على زمايل من ملاك العربية و نتبادل الخبرات و لكن اللى اكتشفته ان الشعب المصرى فتاى بطبعه و كل شويه تلاقى هجوم شرس على العربية من ناس عمرهم ما ركبوها لدرجة انك تحس انك راكب عربية تانية من كلامهم و على النقيض ملاك العربية مبسوطين منها و بيحاولوا يدافعوا عن الهجوم الغير مبرر دة
الغريب ان الهجوم دة مش موجود فى باقى المنتديات على باقى العربيات متفهمش ليه و تستغرب اكتر لما تسيبك من المنتدى و تنزل الشارع و تشوف الانتشار المذهل الصنى و تسأل نفسك معقولة كل الناس دول رموا فلوسهم فى الارض و الكام واحد اللى فى المنتدى هما اللى ناصحين و بيفهموا
يا صديقى بعيدا عن دفاع الملاك و هجوم الفتايين المفروض انك لما تلاقى حد جاب عربية تباركله حتى لو العربية مش عاجباك مش تقعد تقطمه و تحسسه انه رمى فلوسه
و بعدين سيبك من الصنى و غيرها يا راجل دة الناس اللى معاها فيرنا و لا لانوس و دول اقل بكتير من الصنى و تقفيل مصرى برده معظمهم مبسوطين منها و و عمرهم ما اشتكوا منها مش هنيجى على الصنى و نطلع فيها القطط الفاطسة و ان فيها مشاكل خطيرة و ان معظم اللى اشتروها نادمانين و نفسهم يبيعوها
خلينا نقول كلام منطقى و حيادى
يا ريت اى حد مجربش العربية يبطل فتى و لو اى حد عايز ينقض العربية ينقض بس يكون عن خبرة و يكون نقد حيادى و علمى
معلش طولت عليك سيبك من الهرى ده و استمتع بالعربية و ربنا يكفيك شرها

شكراً ليك ولو أني لسه مشتريتش أنا لسه هشتري ان شاء الله
طالما أنت مبسوط بالعربيه يبقى سيبك من كلام الناس ولو حد بيسأل عن العربيه قول له رايك بمنتهى الامانه وأجرك على الله وزي ما قلت لك مفيش عربيه بلا عيوب حتى لو هتركب مرسيدس أنا وأنا بدور وصلت لحد الكروز عشان أخلص وأشتري حاجه كويسه ولما قلت هشتري الكروز وبدأت أسأل لقيت شكاوي من الجير بوكس فقلت على ايه بقى وفر فلوسك
الخلاصه مفيش حاجه بلا عيوب المهم تتقبلها والنيسان زيها زي غيرها فيها عيوب وفيها مزايا
بس كان ملهوش لازمه نشك في الناس وفي نواياها لأن معتقدش في حد له مصلحه أنه يزم في عربيه وخلاص وموضوع المنافسين ده مش منطقي لان مش معنى الهجوم زي ما انت بتقول على الصني بس
أنا شايف أنه من الواضح أن في مشاكل ممكن تكون مش عند كل الناس بس في مشاكل موجوده فعلاً لازم نعترف بيها ولو الوكيل حل المشاكل دي هتبقى العربيه رقم واحد في الفئه دي
لكن قبل ما الواحد يتأكد من حل المشاكل دي فعلياً تبقى شراء الصني الجديده زي البطيخه وانت وحظك بقى عشان كده أنا فضلت أني أضحي بالاوبشنز عشان أبعد عن المشاكل

حزين عليكي يا بلدي