قدرت اقنع زوجي بالعمل ولكن واجهتني مشاكل كتير ساعدوني لاني محتارة

**SAMEH_FOUAD** · 17-12-2013 09:41 AM

خلى بالك عشان فية حاجة تعملى حسابها كويس , واغلب البنات اللى بيتجوزا من راجل اكبر منهم فى السن , بيحسوا بالاحساس دة لما يقابلوا شاب ويظهر ليهم انة حنين وطيب وبيحبك وبيغير عليكى , لكن فى الحقيقة هو بيخفى جواة طرق وحيل عديدة لكيفية استدراجك عشان تقعى فى شباكة وتحبية , وساعاتها مش هتلومى غير نفسك

لان مافيش راجل فى الدنيا ( محترم ) هيقبل انة يحاول يوقع سيدة متجوزة فى شباكة الا لغرض دنىء

لو مش هتقدرى تصدية من دلوقتى , يبقى تتنقلى افضل , لو مأمكنش وحسيتى انك بتضعفى يبقى تسيبى الشغل فورا , خوفا من ان الموضوع يتطور اكتر من كدة

لازم تصدية , واى كلمة غير لائقة يقولها على جوزك او حتى بتلميح , لازم ترديهالة بكل عنف ( دة فى الاول وفى الاخر جوزك وابو بنتك ربنا يخليهالكوا )

* ونصيحة اخوية , حياتك محدش يعرف اسرارها اسمعيها منى نصيحة و حتى لو استريحتى لصديقة وحسيتى انها اختك , بردة ماتحكيش حاجة من اى اسرارك الشخصية

ماتخليش جوزك يندم انة نزلك من البيت وشغلك واتأمنك على اسمة فى غيابة

**ABO MALEK** · 17-12-2013 10:00 AM

اغلقى الباب فى وجه كل شيطان ماكر..(حسم وشدة بدون أدنى إساءة)
الموضوع ف ايدك إنت فقط لاغير.

**khaled_sabry** · 17-12-2013 10:48 AM

من قراءتى للموضوع السابق فالعمل له ضروره ملحه فى حالتك
مش علشان العائد المادى و لكن لكى تكتسبى خبره فى التعامل مع شياطين الانس مثل زميلك فى العمل

المشاركة الأصلية كتبت بواسطة sameh_fouad

خلى بالك عشان فية حاجة تعملى حسابها كويس , واغلب البنات اللى بيتجوزا من راجل اكبر منهم فى السن , بيحسوا بالاحساس دة لما يقابلوا شاب ويظهر ليهم انة حنين وطيب وبيحبك وبيغير عليكى , لكن فى الحقيقة هو بيخفى جواة طرق وحيل عديدة لكيفية استدراجك عشان تقعى فى شباكة وتحبية , وساعاتها مش هتلومى غير نفسك

لان مافيش راجل فى الدنيا ( محترم ) هيقبل انة يحاول يوقع سيدة متجوزة فى شباكة الا لغرض دنىء

لو مش هتقدرى تصدية من دلوقتى , يبقى تتنقلى افضل , لو مأمكنش وحسيتى انك بتضعفى يبقى تسيبى الشغل فورا , خوفا من ان الموضوع يتطور اكتر من كدة

لازم تصدية , واى كلمة غير لائقة يقولها على جوزك او حتى بتلميح , لازم ترديهالة بكل عنف ( دة فى الاول وفى الاخر جوزك وابو بنتك ربنا يخليهالكوا )

المشاركة الأصلية كتبت بواسطة amr011111

انا زى اخوكى وبقولك خلى بالك من نفسك لان الشخص ده بيعاملك كده لحد ما يوصل لهدف معين
خليكى جامده فى التعامل معاه
يعنى موقف زى اللى حصل ده لما قابلك وقالك انتى كنتى فى مكتبه
كنتى تردى بكل صلابه لو سمحت انا عارفه انا بعمل ايه ومش محتاجه مساعدتك

ولو الشغل مش محتاجاه يبقى بلاش منه احسن

+11111111111111111111
و اكرر - لو مش حتقدرى تصدى هذا "الرجل" يبقى تسيبي الشغل احسن و اكرملك

**S O P H O S** · 17-12-2013 01:15 PM

ربنا يثبتك علي طريق الحق

**friendship7897** · 17-12-2013 01:39 PM

المشاركة الأصلية كتبت بواسطة eng_hatemfathy

معذرة النصيحة دى لم تتجاوب مع الحدث التى هى به الان ويتلخص فى امرين
الاول -هل تخبر زوجها باوضاع العمل وتتحمل نتيجة وصوال المعلومة له الان ام تخفيها وتتحمل عواقب الاخفاء بجانب الاثم ان كان يرفض هذا الوضع حين يعلمه او امرها بعكسه
ثانيا -ما موقفها فى العمل وقد علم عنها امور خاصة قد تستخدم اداة ضغط وقد وجد بالفعل من اصبح سبيلا للفتنه سواء لنفسه او لغيره ولا يعلم ماذا تخبأه الايام

هذه النقاط يجب ان تحظى بنصح لانها محور الاستشارة على قدر ما فهمت وفهم الاخوة
وقد يكون ما وصل للاخت friend ship واجابت عنه هو مطلق العمل والحفاظ على النفس ضد اى طامع او منتهز او ....... الخ
الامر لا يتعلق باثبات الذات او القوة او ما شابه
الامر يتعلق بشخصية معينة فى موقف معين امام اناس معينين وبالتالى النصح يجب ان يركز على الحالة المعينة وليس مطلق الامر

فعلاً تم الرد بمطلق الأمر وليس بالرد المباشر
والرد عموماً بعد التحليل للشخصيات من خلال الموضوعين الأول والثاني
شخصية الزوجة ( إنسانة ) ، شخصية الزوج
شخصية الإخصائي ( كما وصفوه أغلبية المشاركات ، ولا داعي للإعادة )
فإنسانة هي خجولة وخام وهتتحدى كل دا ومش هتسيب العمل
ومش هتخلي زوجها أو هذا الأخصائي اللعوب عائقاً لنجاحها
وكمان مش هتسيب الخجل يسيطر على نفسها ( ودا واضح من شخصيتها )
فعندما أقول لها سيبي العمل لو غير مضطرة – وهو الحل المنطقي ( بالنسبة لها فهو حل كالإعدام ) – والله أعلم
مع ملاحظة إن إحنا اللي نصحناها بعدم ترك زوجها أو ترك السعودية في موضوعها الأول رغم وجود صفات سيئة لزوجها والذي يبدو أمين وجدير بالثقة للوهلة الأولى ، ولكن مع الحياة تتأكد أنه مستغل وانتهازي ( ربنا يهديه ) .
ونصحنها بأن تحاول تتعلم وتطور من نفسها للخروج من أوقات فراغها الكتيرة اللي هو السبب فيها لوجود زوجة أولى وأولاده وأعماله ووجباته وإلتزاماته تجاه البيت التاني خاصةً
ونرجوا أن لا تتشتت في قرارتها مرة أخرى بين ترك زوجها من عدمه
فأخيراً :
1) لا تتركي العمل
2) لا تحكي لزوجك فلو حكيت له هتتطور المشكلة إلى الأسواء
3) لا ترضي بالتقليل من شأنك
4) لا تجعلي الخوف في داخلك
5) لا تنتظري المساعدة من الغير
6) لا تحزني أبداً من الحرمان
7) لا تبكي على ماض
8) لا تعيشي على وهم
9) لا تنطقي بغير كلمات الحق
10) لاتقنطي من رحمة الله
11) لا تنزعي الإيمان والطيبة من قلبك
12) لا تكفي لسانك عن ذكرالله ولا تتقوفي عن الإستغفار ولا تقصري من صلواتك

المشاركة الأصلية كتبت بواسطة khaled_sabry

من قراءتى للموضوع السابق فالعمل له ضروره ملحه فى حالتك مش علشان العائد المادى و لكن لكى تكتسبى خبره فى التعامل مع شياطين الانس مثل زميلك فى العمل

المشاركة الأصلية كتبت بواسطة khaled_sabry

و اكرر - لو مش حتقدرى تصدى هذا "الرجل" يبقى تسيبي الشغل احسن و اكرملك

+11111

**أبو صلاح** · 17-12-2013 01:54 PM

السلام عليكم
مبدئيا علشان محدش يفهم كلامي غلط انا مش بحسد الاخت او بكذبها
ربنا يباركلها
لكن لفت انتباهي امرين اولهم فعلا موجود في الشعب السعودي وهو ان دخل مراته بيعتبر نفسه انه دخل ليه هو شخصيا فكويس انه سابلك ثلث الراتب
الامر التاني ومحدش يفهم كلامي ان بكذب
لس راتب 9000 ريال في حد ذاته مشكوك فيه (حاسس ان الزوج ليه يد فيه مش عارف ازاي بس هم دماغهم فردة جزمة وقت ما بيحاول يفكر بيعمل كوارث)
انا لي خبرة سنيتن هنا في السعودية في المجال الطبي من مستوصفات وصيدليات وشركات ادوية
الراتب ده كبير جدااااااا
الراتب ده اعلى اصلا من راتب طبيب عام اللي هو المفروض بيعمل دخل للمكان لا يقل عن 50 الف ريال شهريا
الراتب ده لا يمثل راتب سعودي يعمل في وظيفة ادارية داخل منشأة طبية سواء امين مخزن او استقبال او امن او حتى المدير العام للمنشأة الطبية بيوصل لحد 8000 بالعافية ومش اي حد كمان
والله انا شغال معايا صيدلي سعودي براتب 4000 ريال وشغال دوام 10 ساعات في مخزن الادوية
واعرف مدير عام لمستوصف ايراده الشهري 550 الف ريال وهو ليه دور كويس في الايراد ده راتبه 5000 ريال
وفي مدير مستوصف تاني بس ده صاحب المكان تقريبا بيعتبره شريكه والراجل ده سنه فوق الاربعين وخبرة ومعاه شهادات ادارة منشآت طبية راتبه 12 الف ريالبس ده ليه ظروف خاصة
موظفين الاستقبال راتبهم لا يتعدى 2500 ريال
الممرضين والممرضات راتبهم لا يتعدى 3000 ريال
فنيين المعمل راتبهم ايضا لا يتعدى 3000 ريال
فرد الامن ايضا لا يتعدى 3000 ريال
خدو بالكم انا بتكلم على الموظفين السعوديين

حضرتك بقى وظيفتك ايه علشان تاخدي 9000 ريال

راجعي نفسك تاني وشوفي الغلط فين

**إنسانة** · 17-12-2013 05:48 PM

وعليكم السلام ورحمة الله وبركاته

جزاكم ربي كل خير وكما هو متوقع منكم لم تقصرو معي في نصحي

انا ملاحظه ان فيه اجماع تقريبا على اني اترك العمل واني مش محتاجة الوظيفة

ايوه انا حاليا مش محتاجة الوظيفة ماديا لكن انا في بلد غريب و ساكنه في شقة مفروشة بالايجار الشهري ومعنديش لا بيت ولا دخل ولا معايا فلوس

وبنتي سعوديه واهل جوزي مش عارفين موضوع جوازه والموضوع مخيف لو لاقدر الله حصل اي حاجة لزوجي

فانا محتاجه سكن وسالت عن الشقق لقيت اسعارها لا يقل عن 650 الف ومش ممكن هقدر اخد قرض بدون وظيفه وحتى لو بوظيفة لازم مرتب كبير

وجوزي مش هيقدر ياخد قرض الا لو هيوفر اقساطه لانه عليه قرض اصلا وساحب مرتبه

والشقه دي هاخدها باسمي عشان انا مش عايزه يكون لبنتي علاقة بابناء زوجي الاخرين مستقبلا وطالما هما مش عارفين عننا حاجة خلاص هنبعد عنهم بقدر المستطاع

فانا محتاجة وظيفة عشان اامن نفسي وبنتي مستقبلا بدخل وسكن واعتمد على نفسي وابعد عن اي مشاكل محتملة لاني مش عايزة من حد اي حاجة بس ابعد عن المشاكل وهكون مرتاحة

دا غير حاجتي اني اشوف ناس واتكلم والله قبل ما يكون عندي بنتي دي كان صوتي بيروح من اقل كلام من كتر مانا مش بتكلم فترات طويلة

انا حتى مش فاكره اني كنت بخرج وازور حد ولا اروح عند اي حد او صاحبات قبل زواجي ايام الثانوية والمتوسطة حياتي كلها بين الجدران مش بشوف الدنيا الا من التلفزيون وبعد الزواج بقي التلفزيون و الانترنت !

نفسي بقى اعيش زي الناس الطبيعية

يتبع

**إنسانة** · 17-12-2013 05:50 PM

عايزه اوضح حجات معينه للي التبس عليه الامر

انا مش قصدي ان زوجي بياخد من المرتب انه شخص طمعان فيه

اتفقت معاه على كدا لاني عايزه اشتري شقه وهو هياخد القرض على اسمه وهياخد من مرتبي للقرض وللحضانة وتمن المواصلات

دا تمن خروجي من المنزل ف التكلفة دي انا هتحملها عشان مضيفش عبء عليه زياده

لان الحضانة بتاخد 1200 من 7 ل 4 و السواق بياخد 1400 و على توصيلي وتوصيل بنتي رايح جاي فيه طبعا باصات ارخص بس بهدله و القرض هياخد شهريا حوالي 3000 وشويه

فمش هياخدهم لنفسه حتى لو حد هيعتبر انه المفروض يدفع للشقه ويتكفل بالسكن لكن عشان يوافق على الشغل كان لازم اخفف عنه عبء الشقة والمصاريف اللي هيدفعها زيادة

بالاضافة انه تكلف 3 شهور تدريب كان متحمل مصاريف زيادة بدون ما يكون لي انا اي دخل

دا اخدته من نصيحتكم في الموضوع الي فات عشان كدا ذكرت النقطه دي وكنت فاكره انها هتكون واضحه

يتبع

**إنسانة** · 17-12-2013 05:51 PM

بخصوص موضوع المرتب للتنويه فقط انا لا اعلم اي شيء عن مرتبات الناس ولا اعرف نقطة ان كتير او قليل وقولته عشان اوضح اني عملت الي اشرتو عليا اعمله ومفكرتش في موضوع كبير او غيره لو اي مرتب كنت هذكره زيه زي اي معلومه كتبتها وسط السرد بدون مادقق على اي شيء تاني

ولكن طالما ان فيه حد شافها من زاوية تانية فلا باس هوضح الاشكال وبعتذر لو ذكر المرتب شيء مش كويس مكنتش اعرف المسالة دي

المركز الطبي دا مش مستشفى او حتى مش تابع لوزارة الصحه دا مركز طبي للرعاية النهارية خاص لذوي الاحتياجات الخاصة تابع لوزارة الخدمة المدنية فيه عيادات وفيه مسابح وفيه ملاعب وفيه مركز تدريب وظيفي وفيه حجات كتير هو زي المدينة مجمع كبير

وظيفتي مش متعلقة بالطب خالص او الادارة او الامن

متعلقة بتدريب ذوي الاحتاجات الخاصة اللي عندهم اعاقة جسدية بالاضافة للاعاقة العقلية دا تخصصي ودا مش مرتب فقط مرتب بالاضافه لبدل تربية خاصة 30% وانا زيي زي السعوديات بقصد في التعامل مش بيعاملوني على اني اجنبية

معرفش غيري مرتباتهم كام انا مسألتش اي حد عن اي معلومه خارج التدريب

اذا كان فيه تدخل فهو تدخل في نقطة وحده وهي ان زوجي جاب خطاب من امير المنطقة عشان يسجلوني زي السعوديات في موضوع الوظيفة

يتبع