الموضوع: قدرت اقنع زوجي بالعمل ولكن واجهتني مشاكل كتير ساعدوني لاني محتارة

بخصوص الراتب كده وضحت الصورة وفعلا ممكن يكون ده المقابل العادي
وبخصوص الورقة اللي جابها زوجك من الامير ده امر قانوني وعادي والقانون هنا بيسمح لزوجة السعودي الاجنبية العمل في مكان وتعتبر ضمن السعودة

بخصوص خبرات التعامل خصوصا في التعامل هتتعلميها مع الوقت
انا بعد لما اتخرجت وكنت محاسب تحت التدريب في شركة كان مديري دايما بيلبسني في الحيطة لدرجة والله اني ساعات كنت بعيط من المواقف اللي بيعملها
لكن بعد سنة بالظبط والله روقته وبقيت العب انا بيه
عموما اول شيء لازم تعرفي توقفي الناس عند حدها وعادي جدا بدون كسوف
ربنا يوفقك

المشاركة الأصلية كتبت بواسطة إنسانة

بخصوص الاخصائي مش ممكن اقول عنه انه ساقط هو متهور وعصبي وتصرفاته خطأ لكن مش ممكن يكون له نوايا بالسوء دا وبالاخص ان والدته مش سعودية تركيه وعاشت وضعي

دا توضيح لاني يمكن اختصرت اختصار اساء لغيري فانا مش ممكن اقول انه بيعمل كدا لاغراض سيئة الانسان دا لايمكن يكون فيه كل البلاوي دي وهو قالي لما سالني ليه قبلتي على نفسك الوضع دا

ووضحت موقفي عشان ميفتكرش اني ببيع نفسي قالي والدته وافقت بارادتها على والده وجت السعودية وانفصلت وسافرت بعدها وهو عاش مع والده و زوجة اب

ومسالتوش على فكرة هو قال بنفسه بعد توضيحي ومكنتش مهمته للمعلومة اساسا

ف هو تصرفاته مش طبيعية لانه عرف الوضع الي انا فيه ودا بالنسبالي محسسني على طول ان فيه حاجة غلط ومش المفروض يكون كدا ومش عارفة اتصرف وخايفة من الوضع دا

من فضلكم شورو عليا انا اتصرف ازاي بدون ماتخدو فكرة سيئة عن الناس الي بذكرها في كلامي لا زوجي ولا الاخصائي اشخاص سيئين او شياطين انا يمكن مش عارفة اوصل مشكلتي بشكل اوضح

اسمحيلى ببعض التجاوز
وياريت فعلا تعتبريني زى اخوكى و تتقبلى كلامى السخيف لانى انا شايف حاجه غلط و لازم انبهك
علاقتك بالاخصائى ده غلط - غلط - غلط - و الله العظيم غلط و لو فضلتى بالاسلوب ده فانتى مقبله على كارثه
هو دلوقتى بيحاول يلعب دور المدافع عنك (او الراجل بتاعك) و ده حيؤدى الى انه يقرب منك اكتر من حدوده كزميل عمل - وواضح ان ده حصل بالفعل
و الاخطر ان واضح كمان انه بداء يتقرب ليكي على المستوى العاطفى و ده اللى استشفيته من بين السطور فى ردك السابق من خلال ثقتك بحسن نواياه معلله ده بتشابهه ظروف والدته (على حد زعمه) مع ظروفك

بصى - حضرتك عندك نقطه ضعف عاطفيه كبيره اوى و هى علاقتك مع جوزك اللى عمره ضعف عمرك تقريبا - و اللى يعتبر جوزك على الورق نتيجه لإنشغاله بعائلته - وجودك فى الغربه و احساسك الفطرى كأنثى بإنك محتاجه سند - و الجزئيه دى حتبقى مدخل اى حد من شياطين الانس للتقرب ليكي
واضح اوى من كلامك ان الاخصائى بيلعب على الجزئيه دى

موضوع تشابهه ظروف والدته معاكى و الكلام ده كله مش مبرر و كون انه سمحل للنفسه اصلا انه يكلمك فى الموضوع ده ده فى حد ذاته اكبر دليل على سوء نيته و كان هدفه فقط من الحوار ده فتح مجال للحوار فى خصوصياتك فيما بعد و ايجاد مبرر امامك لفرض وصايته عليكي ( و ده حصل فعلا لما كلمك بعنف بعد ما دخلتى للدكتور كأنه جوزك )

اكرر لو فشلتى فى تحجيم علاقتك بالاخصائى و قصرها على الشغل فقط ده يبقى تسيبى الشغل افضل

الكلام اللى انتى بتقوليه ده بيتشابهه مع الفصول الاولى لعشرات القصص اللى سمعتها و اللى للاسف انتهت نهايات سيئه

الناس مسكت في الاخصائي والشغل وسابت الكارثة الكبيرة!

جوزك لا يتقي الله فيكي..جوزك عند الله مكروه..

بتشتغلي وياخد 6000 ويسيب لك 3000؟ والله العظيم إن لو اختي بتقولي كدا لكنت اتبريت منها..

ممكن حد يجيبلي حاجة من الدين او من العرف او من التشريعات تقولي انه يرضي ربنا او المجتمع انه الراجل ياخد فلوس مراته عشان يشغلها؟ اقسم بالله انه جوزك ربنا هينتقم منه..

انتو ازاي كدا ياعالم؟ سبتوا اهم حاجة وبتحكوا في حاجة ثانوية؟ الست دي تتعرض لظلم بيّن وانتوا بتنصحوها بحاجات ثانوية؟ مكان فيه رجالة؟ طب والكارثة بتاعت انه بيبلطج عليها في فلوسها ايه نظامها؟

انتي هتقدري تفرضي شخصيتك على اي حد لكن محتاجة وقت، والاهم انك تحترمي جوزك..اللي انتي مستحيل تحترميه لانك شايفاه حرامي وبيسرق فلوسك كل شهر، فطبيعي هيحصلك حاجات غير عادية مع زمايلك في الشغل...يارب كلامي يكون واضح.

لاحول ولا قوة إلا بالله العلي العظيم...حاجة تحرق الدم عالصبح.