ممكن تفكروا معايا بصوت عالى شويه

**Mr_revenger** · 03-01-2014 06:33 PM

المشاركة الأصلية كتبت بواسطة tananybasha

انا قلتلك
فى وضعك الحالى استرا
و لو عايز تركب انسجينيا
شغاااااااااااال

والله العظيم انا مقتنع برائيك يا باشا،،،،بس انا المشكله انى طماع،،،عاوز شكل حلو واوبشنز كتير،،،وقوه موتور وسعر كويس فى نفس الوقت،،،ازاى معرفش

انا قبل مكالمتك اقتناعى بالاسترا كان ٢٠٪ مقابل ٨٠٪ للانسيجنيا،،،بعد كلامنا وصل ل ٨٠ ء٪ ،،،،ال ٢٠٪ الفاضلين دول هما نقطتين واضحين

١- اعرف بالظبط اسعار قطع غيار الانسيجنيا ومصاريف صيانتها كام تقريباً عشان احدد ان كانت بمقدورى ولا لاء
٢- الاوبشنز الاقل فى الانسيجنيا هل سهل ومتاح انى اركبها فيها،،،زى السنسور بارك والبلوتوث وكده ولا صعب

لو تقدر تطمنى وتريحنى فى دول،،،تبقى انت عملت الصح معايا بجد

**Mr_revenger** · 03-01-2014 06:35 PM

المشاركة الأصلية كتبت بواسطة فادى محمد

انسيجنيا. هي المستقبل

كده بقى ٢-٢

طيب فادى باشا،،،مش شايف انها اقل فى الاوبشنز من الاسترا،،،،،يعنى ممكن دى تبقى عيب واضح فى الانسيجنيا ،،،ده غير قطع غيارها،،هل عند سيادتك اى معلومات عنها ان كانت فى المتناول ولا مبالغ فيها !؟

**Mr_revenger** · 03-01-2014 06:39 PM

المشاركة الأصلية كتبت بواسطة haisam ali

انا بحترم الاسترا جداً جداً .... وشايف انها انتشرت ودى لها ميزات كتيير منها قطع الغيار وهيجيلها استيراد من بره ياما واعطالها هتبقى محفوظه عند الناس كلها وهيبقى طبعا سهل بيعها شويه عشان منتشره ودى وجهه نظرى . هذا وبالله التوفيق إن شاء الله

كلامك مظبوط جداً يا باشا،،،،،بس اعتقد ان الانسيجنيا حيجيلها وقت وتبقى كده برده،،،ده غير ان انتشارها الكتير ده عيب وميزه فى نفس الوقت،،انما الانسيجنيا تحس ان مفيش منك كتيير كده،،،،مش عارف،،انا دماغى سخنت من التفكير

**Mr_revenger** · 03-01-2014 06:41 PM

المشاركة الأصلية كتبت بواسطة j a g u a r

انا لسه رادد ليك فى موضوعك التانى ورايي استرا

حشوف ردك حالاً يا باشا،،وشكرا على الرد

**Mr_revenger** · 03-01-2014 06:44 PM

المشاركة الأصلية كتبت بواسطة k.ossama

رأيى ان مافيش حاجة اسمها عربية العمر....ما تزعلش منى، ده رأيى
وبناءً عليه لكل مرحلة عربية تغطى الاحتياجات بتاعتها وأعرف اصونها كويس.
انت عاوز عربية فيها تجهيزات كتير وتكون صيانتها اسهل واضمن وارخص يبقى فى الخيارين بتوعك الاسترا
وممكن مع مرور الوقت بعد عشر سنين مثلاً تكون الاحتياجات بتاعتك اتغيرت وخوفك من مصاريف الصيانة اتغيرت وبالتالي تجيب الفئة الاعلى ساعتها والتجهيزات الأعلى.
انا عن نفسى فكرت كده
تحياتى

دوكتور خالد انت من الاراء اللى بحترمها وتفرق معايا جداً وليها تأثير عليا ،،،اتفق معاك تماماً فى راى حضرتك،،انا بس خايف من انى الوم نفسى بعد كده انى كان قدامى الاحسن من الاسترا وانا استخسرت وطبعاً لما حاجى افكر اغير حخسر كتير،،،عشان كده انا حسبتها انى مدام مش ناوى اغير يبقى اجيب اعلى حاجه عشان تملى عينى وتشبعنى من انى انوى اغير فيما بعد

**Mr_revenger** · 03-01-2014 06:49 PM

المشاركة الأصلية كتبت بواسطة ادهم صبرى 2014

ليه تدفع اكتر لما ممكن تدفع اقل وبنفس الجودة والفخامة والشكل المتميز .... انا لسه شارى سترونتى الجميلة سى اليزية اول فئة اوتوماتيك فيرانى من اسبوع تسليم فورى باوفر برايس 2000 جنية فقط من معرض فى ارض الجولف فى مصر الجديدة ... وبصراحة عربية فى منتهى القوة والفخامة والنعومة ... تحفة بكل المقاييس وبسعر 122.000 جنية فقط ... وبينى وبينك انا شايف ان مافيش فرق كبير بين اول فئة اوتو وبين الهاى لاين ... الواحد اولى ب 10.000 جنية الفرق ...

ادهم بيه،،،انا فى عرضك،،،مش عاوز اتوه تااانى،،،،مصدقت انى رسيت على حاجه حتشقلبلى دماغى لييييه ههههههه

بهرج معاك يا باشا،،،بص انا حفظت الاسترا كويس ومواصفتها والاوبشنز اللى فيها،،،انما السيتروين بصراحه معرفش عنها حاجه،،،،مقدرش افتى ان كانت فى نفس مستوى الاوبل ولا لاء الناس هنا ادرى منى،،،بس لو عندك اى تفاصيل عنها احب ابص عليها،،،وربنا يباركلك فيها ويكفيك شرها ويديك خيرها

**Abdo Taha** · 03-01-2014 08:08 PM

بص انا هاعمل نفسي كأني مكانك بالظبط لو محتار الحيرة دي الاسترا عربية معروفة بكل عيوبها و قطع غيارها جميل

الانسجنيا مش معروف ظروفها في مصر بس بره محدش اشتكى منها بالذات الموتور اللي نازل عندنا الناس بتشكر فيه ، قطع الغيار لازم تتعب شوية و تسأل منصور عليها و تقارنها بالاسترا
متنساش " عربية العمر " لازم تتعب و على رأي المثل ( اتقل عشان تاخد حاجة نضيفة )

نيجي لناحية الكماليات ، انا شايف ان الانسجنيا تتفوق " انا بتكلم على اول فئة " : فيها كل كماليات الاسترا ما عدا الباركينج سينسور و ده هتاخد كماليات بداله زي الشاشة اللي في النص الوان مش لونها احمر و فيها شاشة الوان في العدادات و شايف ان الباركينج سينسور ممكن يتركب بعد كده مش معضله

الموتور و ده الانسجنيا تتفوق فيه بأكتساح

نيجي للبرستيج و التقفيل : التقفيل كويس في الاتنين بس البرستيج بتاع الانسجنيا خصوصا ان حجمها قريب من الفئة الخامسة مخليها مختلفة تماما راكب باشا و ليك برستيجك كفاية حجم الكاوتش و الجنط ليها هيبة مختلفة عن الاسترا و خصوصا ان شكلها جميل و هتبقى زيك زي اللي راكب بي ام او مرسيدس و بما انك عايز عربية العمر فهى افضل شئ

هاجي للعيوب اللي في الانسجنيا و تتفوق عليها الاسترا
الانسجنيا مش منتشرة وده هيتعبك في البيع عن الاسترا و احتمال تخسر فيها زيادة

المبلغ ما بينهم مش قليل و للأسف الانسجنيا لم يعرف ظروفها على الارض المصرية حتى الان عكس الاسترا اللي بقت زي الرز في الشوارع

انا شايف انك لو عايز عربية للمستقبل و و عايز ركوبة خليك في الانسجنيا ادام ظروفك المادية تسمحلك و اهم حاجة الاستخارة و ربنا هيقدملك اللي فيه الخير و متستعجلش و فكر بعمق بس انا لو مكانك هختار الانسجنيا

**ادهم صبرى 2014** · 03-01-2014 09:15 PM

المشاركة الأصلية كتبت بواسطة mr_revenger

ادهم بيه،،،انا فى عرضك،،،مش عاوز اتوه تااانى،،،،مصدقت انى رسيت على حاجه حتشقلبلى دماغى لييييه ههههههه

بهرج معاك يا باشا،،،بص انا حفظت الاسترا كويس ومواصفتها والاوبشنز اللى فيها،،،انما السيتروين بصراحه معرفش عنها حاجه،،،،مقدرش افتى ان كانت فى نفس مستوى الاوبل ولا لاء الناس هنا ادرى منى،،،بس لو عندك اى تفاصيل عنها احب ابص عليها،،،وربنا يباركلك فيها ويكفيك شرها ويديك خيرها

يا باشا مش ها تخسر حاجة اما تتعب نفسك شوية وتروح تتفرج على ستروين سى اليزية هاى لاين على الطبيعه وممكن قبل ما تتفرج عليها تشوف مواصفاتها على النت ... بصراحه انا شايف انها عربية محترمة وفخمة وثابتة ومن شركة عريقة وسعر رخيص جدا ....

**amr elsisi** · 03-01-2014 10:00 PM

بص يا باشا
ممكن اتوهك شوية
انا عربيتي بي 1
وعاجبني كماليات بي 2
عملت عمرة علشان اقرب للبي 2 والحمد لله العرسان كتييير علي الطريق
اغلب الكماليات اتركبت بسهولة يعني انا ممكن بعد كدة اضيف اي لمسة جمال انا شايفها
دة بالنسبة للاسترا
اما الانسجنيا انا بحب القوة بصراحة
انا كان معايا لانوس وندمت اني جبتها بمقارنة بالفيكترا من ناحية القوة
القوة حلوة مافيش كلام خصوصا مع مرور الزمن الموتور بيضعف
طالما اقدر علي الانسجنيا ماديا هاتها وماتفكرش
كدة كدة اربع خمس شهور وحتكون منتشرة
عاوزك طالما انت موسوس زي حالاتي وبتحب دليما تقارن حتي لو معاك عربة
تخيل نفسك داخل التوكيل تعمل شغل ولاقيت انسجنيا واقفة حتعمل اية
الرفاهية سهلة اعملها اما القوة ماتتعوضش
يا اما تجيب «cosmo turbo»