ممكن تفكروا معايا بصوت عالى شويه

**Mr_revenger** · 03-01-2014 03:03 PM

السلام عليكم،،،ازيكم يا شباب عاملين ايه !؟ جمعه مباركه وسنه سعيده عليكم ان شاء الله

بقالى فتره مش طويله ومش بالقليله برده معكم على المنتدى ده وبقى قسم الاوبل الاصطباحه بتاعتى بتاعت كل يوم،،،وده نظراً لاقدامى على قرار مصيرى وهو شراء عربيتى المستقبليه وده عندى فى مقام اختيار شريكه حياتى

لانه مش حيتكرر تانى ،،،باختصار هى عربيه العمر،،،وبعد مقارنات كتير بين كذا موديل استقريت على الالمانى،،،،وجوه الالمانى نفسه،،بعد مفاضلات بين الهاتش باك ولا السيدان،،،استقريت على السيدان،،،وطبعاً مبريحش نفسى انا،،،اخر خطوه فضلت محتار فيها،،،،اتكل على الله واجيب الاسترا كوزمو،،،،ولا اغامر واجيب الانسيجنيا !؟!

ةبقالى اكتر من شهرين بقرا كل كلمه بتكتبوها عن العربيتين واقارن وافاضل واحسب واحوش لحد مخلااااااااااااااص

جالى هبل وشلل،،،،،، قولت اشاركم تفكيرى جايز حد فيكم يكسب فيا ثواب وينصحنى ويخلينى اعمل الصح على راى غسان بيه مطر،،،،

العقل بيقول : الاسترا حلوه،،،سعرها مناسب،،،حجمها كويس،،شكلها انيق،،،قطع غيارها الله المستعان،،،معظم عيوبها الناس هنا جربتها واكتشفت طرق علاجها،،،،الاوبشنز فيها محترمه وكافيه،،،صيانتها معروفه،،،،انتشرت نوعاً ما فمفيش منها قلق

القلب بيقول : الانسيجنيا فاجره،،،شكل خزعبلى،،،،امكانيات موتور كاسحه،،،،،اوسع بكتيير،،،مش منتشره حبقى مميز نوعاً ما،،،،فرق السعر ٥٠ الف،،بين الكوزمو واول فئه فى الانسيجنيا ،،،،اوبشنز اقل،،مفهاش سنسور بارك،،مرايات تعتيم،،،بلوتوث،،،،اضاءه ليد فى الصالون،،،اعتقد صيانتها عاليه جدا،،،،قطع الغيار معرفش عنها اى حاجه،،،عيوبها مجهوله بالنسبالى

انا كلمت طنانى باشا واللى بثق جداً فى رايه وبحترمه واستشرته،،،نصحنى بالاسترا بصراحه وخوفنى من صيانه الانسيجنيا،،،،،

بس انتوا عارفين الانسان دعيييييف،،،،، وخايف بعد مجيب الاسترا اقول يا ريتنى وخصوصاً انها حتبقى مره واحده زى مقولتلكم

يلا ميين اول واحد حيفكر معايا بصوت عالى ويقولى اعمل ايييييييييه !!؟

**Mamoud salah H** · 03-01-2014 05:03 PM

والله انا رايي بما انها سيارة العمر يبقي انسيجنيا
واظن التعامل مع التوكييل هو الاساس في الموضوع عشان العربية جديدة واصلا ملهاش قطع غيار برة

**kokowasfy** · 03-01-2014 05:05 PM

اختيارك موفق فى الالمانى و بخصوص الاسترا اوبشنز عالى و فيها كل الى تمناة غير الانسيجنيا اتوبشن اقل بس متور جبار جبار بس على فكرة الاسترا بردو جامد و بس الفرق فى السعر 50 الف كتير صراحة اوى مع اوبشن اقل بس عشان المتور بس

**tananybasha** · 03-01-2014 05:05 PM

انا قلتلك
فى وضعك الحالى استرا
و لو عايز تركب انسجينيا
شغاااااااااااال

**فادى محمد** · 03-01-2014 05:29 PM

انسيجنيا. هي المستقبل

**haisam ali** · 03-01-2014 05:37 PM

انا بحترم الاسترا جداً جداً .... وشايف انها انتشرت ودى لها ميزات كتيير منها قطع الغيار وهيجيلها استيراد من بره ياما واعطالها هتبقى محفوظه عند الناس كلها وهيبقى طبعا سهل بيعها شويه عشان منتشره ودى وجهه نظرى . هذا وبالله التوفيق انشاء الله