الموضوع: ممكن تفكروا معايا بصوت عالى شويه

المشاركة الأصلية كتبت بواسطة hameditsh

لو الخبر ده صح class-leading 1.6 turbos for opel astra, zafira tourer & cascada

يبقى اصبر وهات الاسترا تربو بس الماتور الجديد 1.6 sidi turbo لان الموضوع هيفرق وزن الاسترا اخف من الانسجنيا ب ٢٢٠ كيلو فهتحس بلذة الماتور وبالذات في المواقف اللي عايز تنط بالعربيه ... على عكس الانسجنيا انا معاك العربيه شكلها وهمي وتضرب الباسات سي سي ... بس صدقني العربيه تقيله في الطلعه بس في top speed تجيب ٢٥٠ مرتاح ... بس بجد حرام ادفع ٢٤٥٠٠٠ في عربيه مفيهاش باركنج سنسور .... انا لو منك تعالى على نفسك شويه وصبر وحوش وهات ال highline هتحس بفرق جاااامد keyless entry , 8" touchdisplay, shark anttena , front & rear sensors, full leathers seats وكل حاجه تخطر في بالك

وفي الاول والاخر الموضوع راجعلك

والله ياباشا الموضوع ده فعلاً لو بجد حيبقى تحفه،،،بس مظنش انهم حيطبقوه فى القريب العاجل،،،،وطبعاً حته انك تبقى متعود ان رجلك فى عربيتك على طول وتقعد فتره طويله متمرمط مواصلات،،،،الموضوع متعب لاقصى درجه وبدأت افكر انى ارجع عربيتى القديمه لحين ميسره،،،

انا عينى على اخر فئه زى منتا وضحت بس انا لو حطيت مبلغ زى ده فى عربيه احتمال ابويا يحبسنى فى شنطتها

المشاركة الأصلية كتبت بواسطة ahmed sa3ed

انا مقدر حالتك النفسيه الى انتا فيها دى

هههههههههههه بس نعمل ايه الواحد مش بيدفع ملاليم فى العربيه الواحد بيدفع تحويشه ممكن بالاربع سنين يحوشها

المهم نخش فى الموضوع انا كنت محتار زيك كدا لمده سنه ونص فاتت ولسا قدامى 4 شهور كمان

بس انا جبتها من فئه الريو وال 301 وهكذا لحد فئه الاوبل انسينيا وباسات

وشفت كل عربيه وكل ماركه عيوب ومميزات المهم استقريت على عربيه انا مش عايز اتوهك واقولك شوفها او هاتها بس انا هقولك استقريت عليها ليه وهى البيجو 508

اولا قوه موتور اوبشن كتير واسعه كبيره تقفيل محترم والاهم متجربه لمده سنه وشويه لحد دلوقتى


نيجى بقى للاختيار بتاعك انا عايز ااقولك انسينيا بس المشكه انها منتشرتش لسا بس بميل ليها

للفخامه الى هتبقى باينه جدا على الاسترا

قوه الموتور بتاعها

والفئه الى موجوده فيها اعلى من فئه الاسترا

الى هى اصلا استرا كورولا سيفيك سيراتو


يبقى انا بميل للانسينيا علشان هتبقى راكب عربيه فئاتها 508 باسات ds5

وربنا يوفقك وهات الانسينيا

الله عليك يا معلم وانت بتلعب فى دماغى تانى،،،بس لا يا عم انا مش حضعف ،،،،على فكره انا فعلا كنت بفكر فى ال ٥٠٨ وبدات اتشدلها بس شوفت ريفيوهات ليها ودخلت قسم البيجو وقريت كومنتات الناس عنها،،،اكبر مشكله فيها موضوع البنزين ٩٥ ده،،،،،،حيبقى صعب عندى اوى فى الاسماعيليه،،،،ده غير انى مش عارف بصراحه اسعارها وصلت لكام نااااو بفئاتها،،،،،،،،

نيجى بقى لاختيار سيادتك وهو الانسينيا واللى انا ميال ليه فعلا،،،بس المشكله انها شكل وقوه موتور اعلى طبعاً بس للاسف اقل فى الاوشنز من الاسترا تخيل بقى،،،،!! ده غير ان تابلوه الاسترا بصراحه اشيك من الانسينيا،،،متضحكش عليا لو قولتلك انى كنت مختار الاسترا عشان اضاءه الليد اللى جوه فى التابلوه،،،تخيل بقى !!؟
على العموم انا مستنى اعرف بس نظام صيانت الانسينيا ايه عشان اقدر احدد حقدر عليها ولا لاء

والله الموفق والمستعان