الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة mhkorayem

طبعاً الشارك بسعرها دلوقتى عربيه ممتازه ومنافسه جداٌ وهي الافضل مفيش كلام
بس بخصوص اسعار قطع الغيار لا سامحني كلامك مش مظبوط لان انا كنت حاجز الشارك فعلا ولما رحت سالت عل اسعار قطع الغيار بنفسي في التوكيل وقارنتها باسعار قطع غيار الكوؤي من التوكيل برضوا لقيت فرق كبيييييييييير فلغيت الحجز وانا حزين بس بفرق الاسعار دي مكانش هيناسبتي خالص وخاصة اني مش بحب اغير حاجه غير اصلي من التوكيل ومليش في جو الحرفيين والبدايل والحاجات دي
ودي حبه امثله للاسعار
على سبيل المثال
فلتر الزيت 30 جنيه كيا ----- 75 جنيه شارك
فلتر بنزين 200 جنيه كيا ----- 780 جنيه شارك
علبه الدركسيون 3000 جنيه كيا ----- 8200 جنيه شارك
قيس على كده بقى كل حاجه تقريباً

بالنسبه بقى لسعر فانوس الكيا اللي حضرتك بتتكلم عليه ده سعر الفانوس الليد وده طبعاً لا يقارن بفانوس الشارك لان فانوس الشارك عادي مش ليد فلازم يبقى ارخص عاوز تقارن فانوس الشارك قارنه بفانوس السيراتو العادي مش الليد وفي الحاله دي هتلاقي فانوس الشارك اغلى كتير يمكن قرب ضعف التمن

أنا حبيت اوضح ده عشان نقطه قطع الغيار دي مهمه جداً في قرار الشراء لناس كتير فحبيت اوضح ده عشان محدش يشتري العربيه عن عدم علم زي ما انا كنت هعمل لاني اعتمت على كلام مسؤول المبيعات اللي قالي لأ اسعار قطع الغيار عاديه خالص وكنت هلبس في حاجه مكنتش هقدر على مصارفها بعد كده
وأن كان الموضوع ده لايعيب العربيه وهي بسم الله ما شاء الله عربيه محترمه جداً بس لازم الواحد يكون عارف اسعار قطع غيارها فبل الشراء ويكون عارف انه هيقدر يسد عليها

اهلا بحضرتك انا بس كنت عاوز اعرف حضرتك بتتكلم عن سيراتو موديل كام ولو حضرتك تعرف سعر فانوس النيو سيراتو الامامي العادي اذكره وقارنه بسعر فانوس الشارك الامامي وبالنسبة لباقي قطع الغيار ( الاستهلاكية)زي التيل مثلا هتلاقي طبعا وبدون شك ان الشارك اغلي برده مش الشارك بس لا كل الياباني هتلاقيه اغلي من الكوري بس طبعا زي ما حضرتك عارف ان في فرق في العمر الافتراضي في صالح الياباني يعني لو عملت معادلة وخدت في الاعتبار العمر الافتراضي هتلاقي السعر متساوي تقريبا وبعتذر للاطالة

المشاركة الأصلية كتبت بواسطة mhkorayem

شوف هي نصيحه انا هنصح اي حد بيها لما يكون هيشتري ينزل ويسال بنفسه عن الاسعار ويفارن بنفسه عشان يشوف كده مناسب ليه ولا لأ وده لزم بيانه عشان محدش ياخد كلامنى على انه الرأي الخير ويرجع يزعل بعد كده فكل مواضعنا دي ممكن تكون استرشاديه لكن بردوا ساعة الشرا الواحد المفروض يتعب بنفسه شويه ويتاكد من كل حاجه بنفسه
ارجع بقى للموضوع
انا لما سالت على فلتر البنزين في التوكيل قالي بـ 710 وفي 10% ضريبه يبقى 780 جنيه
مش عارف حضرتك جبت منين الـ 950 جنيه
طبعاً اول حاجه فكرت فيها طيب هو بيتغير كل قد ايه ؟؟؟؟ يمكن بيقعد أكتر من فلتر بنزين الكيا والهيونداي اللي معايا بكتيير وبكده يبقى معوض فر السعر
سالته هو بيتغير كل قد ايه قالي كل 50.000 كم طيب اذا كنت انا معايا ماتريكس فلتر البنزين بتاعها الاوريجينال 165 جنيه بيقعد 40.000 كم (ونفس الكلام للكيا لأن طبعاً انت عارف انه نفس الفلتر) والحمد لله العربيه أنا عامل بيها 200.000 كم لحد دلوقتي عمر ما حصل معايا مشكله بسبب الفلتر ده يبقى ايه بقى المبرر للسعر ده في اللانسر

اما بخصوص اسعار الكورولا فطبعاً اسعار قطع غيار اللانسر افضل لكن لازم تحط في الاعتبار ان الكورولا الجديده اسعار قطع غيارها ناااااااااااااااااااااااا اااااااااااااااار بشكل مبالغ فيه جداً
كفايه اني اقول لك ان في زكيل لنا في المنتدي كان عامل مقارنه بين الكورولا والاسترا والـ 508 وكانت اسعار الكورولا أغلى كتير من الاسترا الالماني ومن الـ 508 الفرنساوي اللي هي فئه اعلى كتير من الكورولا

بالنسبه للبوجيهات فهما تقريباً واحد لان السيراتو لها بوجيهات بلاتنيوم ودي سعرها زي سعر اللانسر
أما تيل الفرامل الامامي فأنا مسألتش عليه بس من كلام حضرنك وكلام ناس تانيه على المنتدي فهي فعلاً اغلى في السيراتو مش عارف ليه بس دي حاجه من الحاجات القليله جداً اللي هتلاقي سعرها اغلى في السيراتو

فانوس اللانسر سامحني هو مش بـ 1900 جنيه زي ما حضرتك بتقول لانه في التوكيل قال لي 2750 جنيه يعني برضوا أغلى من السيراتو بفرق 500 جنيه تقريباً يعنى لاقدر الله لو حادثه ربنا يحفظنا ويحفظك واحتاجت فانوسين هتوفر في الفوانيس بس ازيد من 1000 جنيه
هلى فكره انا معتمد على سعر فانوس السيراتو من كلام حضرتك لكن انا مسألتش على سعره ومعرفش هو فعلاً كده ولا لأ

وفي النهايه ده ميقللش من ان اللانسر عربيه محترمه جداً واسعار قطع الغيار مش هي اللي هتقلل منها خالص وإلا بقى كانت تبقى المرسيدس عربيه زباله وخساره فيها الفلوس ومحدش يشتريها عشان اسعار قطع غيارها غاليه
فطبعاً ده مش العامل اللي هنحكم بيه على العربيه ككل لكنه نقطه مهمه برضوا في المعادله لازم تبقى محطوطه في الحسبان ساعة الشراء وكل واحد يشوف ايه اللي يناسبه

واسف على الاطاله وشكراً

اولا احب اصبح علي الجميع وعلي حضرتك وعاوز اقولك ان حضرتك عملت خلاصة للكلام كله في اخر فقرة وهي ان معني كده ان المرسيدس والبي ام وحشة لان طبعا قطع غيارهم اغلي طبعا دي نقطة وده طبعا كلام مش مظبوط النقطة التانية ان احنا ماينفعش نحكم علي شرائنا للاي عربية علي قطع الغيار فقط يعني حضرتك غيرت تفكيرك كله فجأة واتجهت لحاجة تانيه غير الشارك ده طبعا عامل مهم بس ليس الاهم نيجي بقي للاهم ايه هو انك وقت ما تحب تركب عربيتك تلاقيها وماتعملش معاك فصول بايخة تسندك يعني بمعني اصح الاعتمادية والكلام ده طبعا مش في اول تلات اربع سنين الكلام ده علي المدي البعيد (long term( والانسر علي فكرة كانت واخدة المركز الاول علي مستوي العربيات كلها بما فيها الاوروبي والكورولا من حيث الاعتمادية والكلام ده كان منشور في مجلة اجنبية واكيد حضرتك بتسمع عن شوية حاجات غريبة بتحصل وفي عربيات جديدة مش قديمة كمان زي الافيو مثلا بالرغم من انها مش رخيصة دي بحوالي 110 الف (الاوتوماتيك) وعلي فكرة قطع غيارها ارخص من الشارك والكيا كمان(علي ما اعتقد) وشكلها مقبول مش وحش وارخص في السعر يبقي ده معناه ان احنا نروح بقي نشتريها لكن حضرتك ماشتريتهاش واحنا كمان ماشتريناهاش ليه لان اكيد احنا سمعنا عن انها عربية مش متينة ومش حمارة شغل وسامحوني علي لفظ حمارة بس هو ده التعبير الدارج نقطة كمان انا عاوز انوه عنها ايه هي بقي ان الالنترا والسيراتو الجديدة (مش القديمة) لو احنا فكرنا في حاجة مهمة قوي مش هانشتريهم وده تفكيري الشخصي ايه هو بقي ان الفوانيس بتشكل نقط ضعف جامدة جدا بسبب انها كبيرة قوي ومتداخلة في الكابوت والرفرف بشكل كبير مما يعرضها للكسر بسهولة وربنا يسترها علي الجميع ويحفظنا جميعا ده بالنسبة للشكل بالنسبة للعفشة بتاعة الشارك اكيد الجميع سمع عنها والارتفاع عن الارض مع الحفاظ علي الثبات اثناء السرعات العالية فحدث ولا حرج وبالنسبة للماتور المايفك الرياضي فده موضوع تاني ما شاء الله عفي جدا اما بقي الفتيس فمحدش اشتكي منه من 2008 وده خير اثبات علي جودته طب الوسع الداخلي اخباره ايه اوسع عربية في فئتها طب الشكل الخارجي بقي مسالة ازواق بس انا عن نفسي معجب جدا بشكلها وفيها ميزة حلوة في الشكل انك تحس انها مناسبة لعصور كتيرة يعني شكلها الواحد مايتزهقش منه ومواكب للعصر وهجومية بشكل كبير طب التكييف بقي اشد من الالماني وطبعا الكوري ودية شهرة الياباني كله مش اللانسر بس نيجي بقي لاخر نقطة وهي قطع الغيار اغلي طبعا من الكوري وارخص من الاوروبي ليه بقي لان سامحوني يا ملاك الكوري هو كده الياباني كتصنيف وسمعة اعلي من الكوري ومايحدش يجادل لو سمحتو فاكيد حاجاته اغلي بس عمر افتراضي اعلي وسامحوني يا ملاك الياباني ان الالماني كتصنيف اعلي من الياباني علشان كده قطع غياره اغلي لكننننننننننننننننننننن هل مع كل المميزات اللي انا قولتها للشارك اجي علي اخر نقطة اللي هي قطع الغيار وماشتريهاش علشانها تفكيري الشخصي لا طبعا ليه بقي لاني بحتاج العربية كل يوم وبستفاد من مميزاتها كل يوم لكن قطع الغيار بغيرها وقت الحاجة فقط يعني علي فترات يعني بمعني اخر الواحد هيستفيد بالمميزات كل يوم لكن قطع الغيار هزعل منها كل فترة ومش عاوزين ننسي حاجة مهمة ---- تفائلوا بالخير تجدوه---- يعني مش عاوزين نقول لو حصل ولو حصل ولو حصل لا يا جماعة عاوزين كل واحد يفرح بالمتاح تحت ايديه حتي لا نضيع ما نملم بما لا نملك واخر حاجة بقي علشان انا طولت عليكو بالنسبة للكيا سيراتو انا بحترمها جدا ومن العربيات اللي كنت بفكر في شرائها لكن النيو سيراتو بصراحة لا والف لا وبصراحة لما سعرها علي قوي لاقيت ان الياباني اولي بالسعر ده فرحت للانسر علي طول ومحدش يزعل مني ده راي الشخصي يا جماعة واهلا بارائكم وردودكم حتي يستفيد الجميع والسلام ختام

المشاركة الأصلية كتبت بواسطة محمد سمير حسين

اولا احب اصبح علي الجميع وعلي حضرتك وعاوز اقولك ان حضرتك عملت خلاصة للكلام كله في اخر فقرة وهي ان معني كده ان المرسيدس والبي ام وحشة لان طبعا قطع غيارهم اغلي طبعا دي نقطة وده طبعا كلام مش مظبوط النقطة التانية ان احنا ماينفعش نحكم علي شرائنا للاي عربية علي قطع الغيار فقط يعني حضرتك غيرت تفكيرك كله فجأة واتجهت لحاجة تانيه غير الشارك ده طبعا عامل مهم بس ليس الاهم نيجي بقي للاهم ايه هو انك وقت ما تحب تركب عربيتك تلاقيها وماتعملش معاك فصول بايخة تسندك يعني بمعني اصح الاعتمادية والكلام ده طبعا مش في اول تلات اربع سنين الكلام ده علي المدي البعيد (long term( والانسر علي فكرة كانت واخدة المركز الاول علي مستوي العربيات كلها بما فيها الاوروبي والكورولا من حيث الاعتمادية والكلام ده كان منشور في مجلة اجنبية واكيد حضرتك بتسمع عن شوية حاجات غريبة بتحصل وفي عربيات جديدة مش قديمة كمان زي الافيو مثلا بالرغم من انها مش رخيصة دي بحوالي 110 الف (الاوتوماتيك) وعلي فكرة قطع غيارها ارخص من الشارك والكيا كمان(علي ما اعتقد) وشكلها مقبول مش وحش وارخص في السعر يبقي ده معناه ان احنا نروح بقي نشتريها لكن حضرتك ماشتريتهاش واحنا كمان ماشتريناهاش ليه لان اكيد احنا سمعنا عن انها عربية مش متينة ومش حمارة شغل وسامحوني علي لفظ حمارة بس هو ده التعبير الدارج نقطة كمان انا عاوز انوه عنها ايه هي بقي ان الالنترا والسيراتو الجديدة (مش القديمة) لو احنا فكرنا في حاجة مهمة قوي مش هانشتريهم وده تفكيري الشخصي ايه هو بقي ان الفوانيس بتشكل نقط ضعف جامدة جدا بسبب انها كبيرة قوي ومتداخلة في الكابوت والرفرف بشكل كبير مما يعرضها للكسر بسهولة وربنا يسترها علي الجميع ويحفظنا جميعا ده بالنسبة للشكل بالنسبة للعفشة بتاعة الشارك اكيد الجميع سمع عنها والارتفاع عن الارض مع الحفاظ علي الثبات اثناء السرعات العالية فحدث ولا حرج وبالنسبة للماتور المايفك الرياضي فده موضوع تاني ما شاء الله عفي جدا اما بقي الفتيس فمحدش اشتكي منه من 2008 وده خير اثبات علي جودته طب الوسع الداخلي اخباره ايه اوسع عربية في فئتها طب الشكل الخارجي بقي مسالة ازواق بس انا عن نفسي معجب جدا بشكلها وفيها ميزة حلوة في الشكل انك تحس انها مناسبة لعصور كتيرة يعني شكلها الواحد مايتزهقش منه ومواكب للعصر وهجومية بشكل كبير طب التكييف بقي اشد من الالماني وطبعا الكوري ودية شهرة الياباني كله مش اللانسر بس نيجي بقي لاخر نقطة وهي قطع الغيار اغلي طبعا من الكوري وارخص من الاوروبي ليه بقي لان سامحوني يا ملاك الكوري هو كده الياباني كتصنيف وسمعة اعلي من الكوري ومايحدش يجادل لو سمحتو فاكيد حاجاته اغلي بس عمر افتراضي اعلي وسامحوني يا ملاك الياباني ان الالماني كتصنيف اعلي من الياباني علشان كده قطع غياره اغلي لكننننننننننننننننننننن هل مع كل المميزات اللي انا قولتها للشارك اجي علي اخر نقطة اللي هي قطع الغيار وماشتريهاش علشانها تفكيري الشخصي لا طبعا ليه بقي لاني بحتاج العربية كل يوم وبستفاد من مميزاتها كل يوم لكن قطع الغيار بغيرها وقت الحاجة فقط يعني علي فترات يعني بمعني اخر الواحد هيستفيد بالمميزات كل يوم لكن قطع الغيار هزعل منها كل فترة ومش عاوزين ننسي حاجة مهمة ---- تفائلوا بالخير تجدوه---- يعني مش عاوزين نقول لو حصل ولو حصل ولو حصل لا يا جماعة عاوزين كل واحد يفرح بالمتاح تحت ايديه حتي لا نضيع ما نملم بما لا نملك واخر حاجة بقي علشان انا طولت عليكو بالنسبة للكيا سيراتو انا بحترمها جدا ومن العربيات اللي كنت بفكر في شرائها لكن النيو سيراتو بصراحة لا والف لا وبصراحة لما سعرها علي قوي لاقيت ان الياباني اولي بالسعر ده فرحت للانسر علي طول ومحدش يزعل مني ده راي الشخصي يا جماعة واهلا بارائكم وردودكم حتي يستفيد الجميع والسلام ختام

كلام مظبوط ومحترم واتفق معاك واضيف ان اﻻلمان مبيعرفوش يعملوا حاجه وحشه ومعندهمش حاجه اسمها فرز تانى وده فى كل منتجاتهم مش السيارات بس ولو روحت تقولهم عاوز فرز تانى هيقولك معندناش وياتى بعدهم اليابانيين نفس الكلام مفيش فرز تانى فى بس كفاءة واخﻻص وجوده فى المنتج اما كوريا تعتمد على الشكل واﻻبهار اكثر من الجوده واﻻختلاف فى الراى ﻻ يفسد للود قضية وتقبلو تحياتى

المشاركة الأصلية كتبت بواسطة tifa2015

كلام مظبوط ومحترم واتفق معاك واضيف ان اﻻلمان مبيعرفوش يعملوا حاجه وحشه ومعندهمش حاجه اسمها فرز تانى وده فى كل منتجاتهم مش السيارات بس ولو روحت تقولهم عاوز فرز تانى هيقولك معندناش وياتى بعدهم اليابانيين نفس الكلام مفيش فرز تانى فى بس كفاءة واخﻻص وجوده فى المنتج اما كوريا تعتمد على الشكل واﻻبهار اكثر من الجوده واﻻختلاف فى الراى ﻻ يفسد للود قضية وتقبلو تحياتى

الله ينور يا استاذ تيفا لازم نكون بنتكلم بصراحة ان الماكينات الالمانية افضل ماكينات افضل كمان من الياباني فبصراحة ماينفعش اجي اقارن ياباني بالماني وتطلع الياباني افضل علشان قطع غيارها ارخص وبالتالي كل اللي يقدر يشتري الماني يغير قراره ويروح للياباني كذلك مع الكوري بالتفكير ده كل اللي يقدر يجيب ياباني يغير قراره ويروح يشتري كوري ده مش بس كده كمان واحد يكون قادر يشتري سيراتو او النترا ويغير قراره ويشتري فيرنا او لانوس لان قطع غيارهم رخيصة وهكذا .....الخ لكن التفكير المنطقي السليم ان نتعامل مع معطيات السوق ونستفيد بالمعلومات المتاحة ونحدد قراراتنا واحنا بنشتري وبالتالي نقارن الكوري بكوري والياباني بياباني والالماني بالماني والفيرنا باللانوس وهكذا علشان منبقاش بنقارن مابين حاجتين ووجه المقارنة غلط وعلي فكرة هو ده اللي كان مخلي سوق الشارك نايم شوية ليه بقي علشان الانسر البومة كانت واخدة زبونها طب هي واخدة زبونها ليه الاجابة بسيطة مش علشان هي افضل من الشارك لا بالعكس كل المميزات تصب في صالح الشارك من تكنولوجيا احدث وشكل افضل وبمراحل ووسع وثبات ووووووو ......الخ لكن كانت الناس بتعمل بنصيحة ناس تانيين وقبل ما يشتروا بيروحوا يسالوا سؤال ايه هو بقي السؤال لو سمحت يا بابشمهندس (الميكانيكي طبعا) هو انهي احسن البومة ولا الشارك يروح البشمهندس (الميكانيكي) رادد وبدون تردد البومة طبعا شارك ايه يا عم يروح الاخ المشتري سالو تاني طب ليه البومة افضل (اكيد طبعا لازم يسال ايه الاسباب) يروح الباشا رادد عليه هو كده وخلاص لان البومة بقالها كتير في الشارع ومنتشرة وحاجاتها ارخص لكن الشارك مش منتشرة (وهو اساسا عمره ما ركب الشارك) ياستاذي خليك في البومة طب لو هانحلل كلامه (الميكانيكي اقصد) هتلاقي انها اجابة سطحية وماجبش سيرة الشارك غير في انها وحشة علشان مش منتشرة وطبعا اللي عاوز يشتري ده معزور عاوز يحط فلوسه في حاجة مضمونة فبيمشي ورا كلام واحد عمره ما ركب الشارك ولا يعرف عنها حاجة والميكانيكية معزورين لانه عاوز ياكل عيش ومن مصلحته ان الناس كلها تركب البومة علشان دي اللي بيفهم فيها وبيعرف يصلحها لكن الشارك مابيعرفش فيها حاجة (ماعدا بعض الميكانيكية بيفهموا فيها ودول بقي اللي عارفين قيمتها وبيفضلوها عن البومة) وانا من الناس اللي كنت هاتخدع في موضوع قطع الغيار ان البومة ارخص لكن رحت التوكيل وقولت اقطع الشك باليقين واقارن واشوف الفارق الرهيب في قطع الغيار ما بين البومة والشارك كانت المفاجأة الكبري ان الاسعار متقاربة جدا والفارق بسيط قوي ممكن يكون 50 -60 -70 جنيه او حتي 100 مش كده وبس ده في حاجات طلعت البومة اغلي من الشارك فيها زي المرايات واتكدو بنفسكو فبصراحة لاقيت ان مافيش مبرر اني اشتري البومة وافضلها عن الشارك(وانا من الاول كان نفسي في الشارك) وطلعت كل الحكايات اللي بتتقال عن الشارك اشاعات ادت الي هروب الناس عن شرائها في البدايات مما ادي الي قلة انتشارها لكن بعد كده العربية ما شاء الله انتشرت في الشارع بشكل كبير اكثر من الاول بكتير ولسه كمان الناس بتقبل علي شرائها وبتطلبها علشان كده انا دايما بقول ان الشارك هيكون ليها كلام تاني في الفترة القادمة والسلام ختام

العربية بتنتشر بالفعل وكفاية انى فى منطقتى احنا 3 لسه جايبنها فى وقت واحد واعتقد انها عملت مبيعات فى 2014 متعملتش فى السنين اللى فاتت كلها والله اعلم