الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة amr_8800

تحيه كبيره لكل ملاك الشارك 2014
كنت عايز اعرف معدل استهلاك البنزين عند كل واحد منكم ايه
عشان حاسس انها بتستهلك بنزين اكتر من البومه
ولا انا غلطان

ياباشا استهلاكها عادي بالعكس دي افضل من حاجات كتير بس ماتظلمهاش وتحكم عليها من خلال السواقة داخل المناطق المزدحمة انا كنت في الاول بقول انها بتستهلك كتير بس كانت معظم المشاوير في حتت زحمة ولاحظتها في مناطق معتدلة الزحمة لاقيتها كويسة ما شاء الله عليها

انا رحت من مصر لاسكندريه ورجعت فى نفس اليوم عملت 500 كم ولسه فاضل فيها 170 كم كمان

المشاركة الأصلية كتبت بواسطة amr_8800

طيب يا جماعه هل الاستهلاك اتحسن شويه او فرق بعد صيانة ال 1000 كيلو

الاستهلاك فعلا بيتظبط بعد صيانة الالف ماتقلقش

صيانه الالف صيانه الالف هما بيعملوا حاجه غير تغيير الزيت وتربيط العفشه؟؟؟؟؟؟؟؟؟؟؟

المشاركة الأصلية كتبت بواسطة amr_8800

صباح الخير على كل الشاركاويه
من الاخر كده وبدون مقدمات انا داخل افضفض معاكو شويه عشان مخنوق
في حاجه خنقاني هنا في المنتدى
كل ما حد يسأل على الشارك يطلعلو واحد يرد عليه يقولو شارك لا
وحرام عليك وهضيع فلوسك في الارض وكلام من ده
ويقولو طيب متخليك في الفلوينس عربيه رأئعه ومحترمه واعتماديه وكلام كبير اوي كده
ويقولو لو قعدت جوه الفلوينس هتسحرك
انا بقا نفسي افهم ايه الحلو الي فيها اوي كده يخليها ساحره
على فكره ركبتها كتير عربيه عاديه جدا وعلى السرعات العاليه الشارك برقبتها واحسن منها 100 مره
بجد حاجه تدايق بيتكلمو عن الفلوينس دي على انها مرسيدس مثلا
اصل يعني انا رأ]ي الشخصي اكيد الشارك الي هي ياباني 100% اعتماديه اكتر بكتير من الفلوينس ومتجربه من 2008 ومعروفه
والفلوينس اول ما نزلت كان فيها مشكله في الفتيس ونتشه وبتاع
انما الشارك موتور وفتيس لا يعلا عليع حمار شغل وعمرو ما اشتكى ولا حد قال تعليق واحد عليه
الشكل انا رأيي الشخصي الشارك احلى بكتير كمان
يمكن يكون الفرق في شوية اوبشن زياده بس ده عادي كلنا عارفين ان اليابانيين بينزلو عربيات فقيره في موضوع الابشن ده ومتتعودين على كده
وكل واحد بيجيب عربيه على حسب احتياجاته وفيها الاوبشن الي بيحتاجو بس
نفسي اعرف بقا ايه الواو في الفلونس الي يخلي الناس تقلك من غير نفكير هات الفلونس
والي يقولك دا انت لو سألت الشارك نفسها هتقولك هات الفلونس بجد حسسني ان بقارن بين فيات 128 والفلونس
حد معايا في الكلام ده ولا انا الي اوفر؟؟؟؟
اسف طولت عليكو بس بجد حاجه تخنق

صباح الفل وانا معاك في كل كلمة بس علي فكرة دي كانت النظرة القديمة في الشارك دلوقتي ماحدش بيكلمني عن الشارك الا وبيقولي دي عربية محترمة ومش هحلف بس اقسم بالله هو ده اللي بيتقال (هههههههههههههه) واتفق معك تماما في موضوع الماتور والفتيس ما شاء الله عليهمااااااااااااااااا بس انت نسيت العفشة الممتازةةةةةةةةةةةةةةةةةة ة والثبات الالماني الرهيببببببببب كفاية انها ياباني 100 % وارخص من الكوري السيراتو والالنترا اللي قطع غيرهم تقريبا بقت اغلي من الشارك اللي كانت بترعب الناس واللي عاوز يتاكد يسال علي سعر فانوس السيراتو 2014