ملاك لانسر شارك 2014 واهلا بالجميع

**fares mostafa** · 04-09-2014 10:03 PM

السلام عليكم ورحمة الله وبركاته
انا بفضل الله اصبحت شركاوي من امبارح
فئه اولى فضي من معرض القرش ب134.5
انا سعيد اني بقيت واحد منكم
بس عايز اعرف اه اللي بيتسلم مع العربية عشان اراجعه قبل ما استلم الورق؟

**محمد سمير حسين** · 06-09-2014 10:33 AM

المشاركة الأصلية كتبت بواسطة fares mostafa

السلام عليكم ورحمة الله وبركاته
انا بفضل الله اصبحت شركاوي من امبارح

فئه اولى فضي من معرض القرش ب134.5
انا سعيد اني بقيت واحد منكم

بس عايز اعرف اه اللي بيتسلم مع العربية عشان اراجعه قبل ما استلم الورق؟

الف مبروك

**ADEL ELSHERIF** · 06-09-2014 11:23 AM

[quote=محمد سمير حسين;3875736165]الواحد فعلا والله كل ما بيلاقي حد بيشتري العربية دي بيحس ان حقها بيرجعلها تاني لانها تستحق ان تكون في مكانة اعلي من مكانتها الحالية ربنا يبارك لنا جميعا[/q
انا جديد في التعليق في الجروب والحمد لله لسه مستلم العربيه فئه اولي من 4 ايام انا بشتغل في ابو ظبي وعايز اقول ان العربيه دي منتشرة جدا هنا الحمد لله .. وانا فعلا مبسوط منها جدا فعلا موتور محترم جدا بحس اني راكب عربيه مش اقل من الفين سي سي وكمان مع التكييف طبعا بس هل فعلا مهم ان اول الف كيلو لازم السرعه ماتزدش عن 100 عشان انا بصراحه بقرص عليها.

**mido102** · 06-09-2014 02:20 PM

لازم تلين اول الف كيلو والسرعة فعلا متزدش عن ١٠٠

**eng_ahmadkamal** · 06-09-2014 05:33 PM

السلام عليكم.
ممكن حد يقولنا إيه الفرق في المواصفات بين
1- شارك Half Sport
2- شارك Full Sport

وهكون شاكر ليكو جدا, وهل مشمولين في التخفيضات الحالية وسعرهم كام بعد التخفيض

**fares mostafa** · 08-09-2014 02:21 AM

الله يبارك لنا جميعا ويحفظها علينا نعمة

**Omar Sakr** · 08-09-2014 11:22 AM

السلام عليكم و رحمة الله و بركاته

بداية أحب أرحب بكل الناس اللى مشاركة فى الموضوع ده و بقدر مجهوداتهم جدا ... بأذن الله أنا بفكر جديا أغير عربيتى الحالية ب الشارك الجميلة .. و بدأت أقرا فى الموضوع اللى أحنا فيه ده و الحمد لله وصلت لصفحة 42

أمبارح قريت على صفحة الرواس أن موديل 2015 نزل و كلمتهم و عرفت أن اللى أتغير أن الأشارات بقت فى المرايات و مكانهم فى الصاج موجود حلية نيكل و شكل الجنط أتغير فقط و أنه معندهمش غير الفئة التانية بس دلوقتى .
إن شاء الله أنا ناوى على الهاى لاين عشان عايز أركب الكاملة و نفسى فى فتحة سقف .

أنا قرأت مشاركتكم لحد صفحة 42 و مشكلتى مع عزل العربية .. عربيتى الحالية شيرى أيه 15 و صوت موتورها عالى و مسموع و عزلها فقير برضه و بالتالى حتى لو الزجاج مقفول أنت برضه سامع الشارع و الكلاكسات كأنك مش قافل الشباك عادى خالص

مشكلتى مش مع صوت الموتور العالى لأنى أتعودت عليه المشكلة فى صوت الشارع ... ممكن تحددوا لما بتقفل الزجاج هل صوت الموتور هو اللى واصل و حضراتكم سامعينه و هل هو مزعج مش حتعرف تكلم اللى قاعدين عالكنبة مثلا و لا الصوت عالى بس فى اللذيذ مش مزعج ؟ ولا بقا أصلا صوت الشارع معاك تماما فى العربية ؟ و حضرتك تقيم عزل العربية كم %%% ؟

و هل عزل العربية مقصود بيه كمان العزل الحرارى اللى ورا الموتور و لا عزل الصوت الخارجى اللى هو الكاوتش اللى حوالين أطارات الأبواب ؟؟ يعنى هل مع السفر و المشى الطويل فى أى حرارة عالية أو صهد جاى لجوه العربية ؟ ولا أيه بالضبط ؟؟؟

متشكر لحضراتكم جدا و بإذن الله أكون واحد منكم قريب ... و أحب أشكر كل الناس اللى شاركت فى الموضوع ده لأن بجد أرائهم مفصلة و مجهودهم واضح و السلام عليكم

**rady_2000** · 08-09-2014 04:29 PM

ياجماعة انا معايا لانسر شارك 2014 فين مكان usb فيها

**rady_2000** · 08-09-2014 04:30 PM

لانسر شارك 2014 هاى لاين فين مكان usb فيها

**amr_8800** · 09-09-2014 11:33 AM

المشاركة الأصلية كتبت بواسطة rady_2000

لانسر شارك 2014 هاى لاين فين مكان usb فيها

افتح درج التابلوه هتلاقي usb فوق على الشمال
دور كويس عشان هو مكانه رخم شويه
بس فيه ميزه بتحط الفلاشه وتنساها

ؤبعدين قولي انت معاك لون ايه ووكيل ولا خليحي
انا معايا هاي لاين ٢٠١٤ سوده وكيل