الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة amgad osama

الحمدلله استلمت شارك 2014 فئه اولى ورخصت امبارح..
وبقيت من ملاك لاااانسر شااااااارك

مليون تريليون ديشيليون مبروك

المشاركة الأصلية كتبت بواسطة amgad osama

الله يبارك فيك يا باشا
هي العربيه وكيل اول فئه لون فيراني والسعر انا كنت جايبها من الطارق ب 137 لما كانت فالتوكيل ب139 لكن بعد محجزت بيومين سعرها نزل وكلمت المعرض ونزلولي السعر ل134 واستلمت بالسعر دا الحمدلله.

بالنسبه لانطباعي طبعا العربيه واسعه جدا جدا انا عامل بيها دلوقتي 500ك العربيه لحد دلوقتي ممتازه ومريحه.. استهلاك البنزين بيبقى 7.2 وانا مشغل التكييف عالدائري طبعا انا المفروض مركزش معاه دلوقتي بس لاحظت انه فالمعقول واكيد بعد ال1000 يظبط اكتر.

صوت الموتور بيقولو عالي محستش بكده غير لما بقرص بسمع صوت الموتور فعلا بيعلى بس بصراحه صوته جامد والموضوع دا عجبني مش مدايقني خاااالص.
بالنسبه للتكييف مش هتكلم هقولك ياباني يا باشا تلااااااجه ومبحس بتاثير فسحب العربيه والتكيف مفتوح.

بالنسبه للتقفيل انا شايف ان الخامات كويسه مبسمعش صوت طقطقه والكلام دا جربته فطرق مكسره
مسمعتش غير مره واحده تزيق بسيط جدا فالازاز اللي جمبي حاولت اسمعها تاني معرفتش مشعارف دا بيتهيقلي ولا ايه.
اللي مديقني السقف لما بدوس عليه لفوق بيطلع سنه يعني تحس انه مفكوك مشعارف دا طبيعي ولا لا لان دي اول عربيه زيرو اركبها وكنت راكب قبليها لادا فمعنديش خبره بصراحه ياريت لو تفيدني فالموضوع دا خصوصا لو تدوس عليه من نحيه القوايم هتلاقيه مفكوك او مشماسك فالصاج.
برضو اللي مديقني لما بدوس على الباب من جوا وهو مقفول برجلى هتلاقي الباب بيتداس لجوا برضو اقصد مش ناشف يعني.. مشعارف دا مشكله تقفيل ولا دا طبيعي فكل العربيات ولا لأ.

الكاسيت لطيف مش وحش والعربيه فيها 4 سماعات و 2 تويتر صوتهم كويس.
الشنطه طبعا مش واسعه ودا مش ماثر معايا فحاجه.
اللي عجبني برضو ان العربيه عاليه وعفشتها محترمه جدا ودا اللي خلاني افكر فيها انا كنت رايح اتفرج عالريو والrb والبيجو 301 كلهم عربيات كويسه لكن استقريت الحمدلله على لانسر من اول مركبتها
فالمجمل العربيه تحفه وعجباني جدا الحمدلله مش شايف فيها مشاكل بصراحه غير موضوع السقف دا وانا شايفها صفقه رابحه بالنسبه للسعر دا في ظل الاسعار الغريبه اللي بنسمعا اليومين دول.

وانشاءالله لو في اي جديد هشارك معاكوا..

ماتقلقش من موضوع انضغاط السقف ده طبيعي لان وراه عزل الحراراة بتاع السقف وبالنسبة للباب فاي باب هتدوس عليه هيعمل كده علشان ده بلاستيك

التانية تزيد عن الاولي abs وجنوط وairbag للراكب التاني وانا لو منك ماستناش 2015 لانها غالبا زي 2014 فالحق عرض التخفيض

المشاركة الأصلية كتبت بواسطة محمد سمير حسين

مليون تريليون ديشيليون مبروك

الله يبارك فيك يا باشا ربنا يكرمك يارب

المشاركة الأصلية كتبت بواسطة محمد سمير حسين

ماتقلقش من موضوع انضغاط السقف ده طبيعي لان وراه عزل الحراراة بتاع السقف وبالنسبة للباب فاي باب هتدوس عليه هيعمل كده علشان ده بلاستيك

والف الف شكر طمنتني وريحت قلبي متعرفش كنت متعكنن ازاي مالحوار دا بس الحمدلله انه تمام بصراحه العربيه تحفه مكنش فيها غير الحوار دا وحضرتك طمنتني الف شكر يا باشا

بفضل الله أشتريت شارك الفئة الأولى
من أوتو سمير ريان
خليجى بضمان الرواس معاها اسبويلر
أين مراكز خدمة الرواس
و هل مفروض أتصل بيهم لكى أفعل الضمان
(ما شاء الله لا قوة الا بالله)

المشاركة الأصلية كتبت بواسطة عمرو توفيق55

بفضل الله أشتريت شارك الفئة الأولى
من أوتو سمير ريان
خليجى بضمان الرواس معاها اسبويلر
أين مراكز خدمة الرواس
و هل مفروض أتصل بيهم لكى أفعل الضمان
(ما شاء الله لا قوة الا بالله)

معها كاسيت كينود به usb+aux
ولكن الغطاء البلاستيك أعلى المحرك المكتوب عليةmivekغير موجود ولا أعرف لماذا

المشاركة الأصلية كتبت بواسطة khalid naser

السلام عليكم

أنا ان شاء الله بأفكر أشتري عربية و في نيتي أجيب لانسر شارك 2014

بس أنا أول مرة أشتري عربية جديدة و خبرتي فى العربيات مش قد كده
فكنت عاوز أسأل الأعضاء الكرام

ايه الفرق بين الفئة الأولى و التانية فى الشارك

كمان ايه الأفضل مكان أجيب منه أنا كلمت المصرية للسيارات و التوكيل بتاع متسبوشي مش عارف أجيب من التوكيل على طول و لا من معرض

و فيه ناس بتنصحنى أستنى لشهر 10 علشان الموديلات الجديدة ايه رأيكم

و شكرا

هو محدش بيرد عليا ليه!!!!!!!!!

المشاركة الأصلية كتبت بواسطة Khalid Naser

هو محدش بيرد عليا ليه!!!!!!!!!

يا باشا الاستاذ محمد سمير حسين رد على حضرتك

المشاركة الأصلية كتبت بواسطة محمد سمير حسين

التانية تزيد عن الاولي abs وجنوط وairbag للراكب التاني وانا لو منك ماستناش 2015 لانها غالبا زي 2014 فالحق عرض التخفيض

وانا من رايي لو تقدر تجيب الفئه التانيه توكل على الله وجيبها انا معايا 2014 فئه اولى العربيه ممتازه وكل حاجه لكن لو كان فيها جنوط وabs كانت هتبقى فل الفل لكن الحمدلله العربيه ماشاءالله جميله جدا وانا جبت من الطارق واستلمت بعد 8ايام واعرف ان التوكيل هيسلمك فخلال اسبوع من الحجز لو هتجيب اول فئه لو تاني فئه مشعارف ميعاد التسليم..
بس يا باشا دا كل اللي اعرفه..
وربنا يرشدك وتختار اللي فيه الخير انشاءالله والف مبروك مقدما