ملاك لانسر شارك 2014 واهلا بالجميع

**محمد سمير حسين** · 27-02-2014 08:34 AM

المشاركة الأصلية كتبت بواسطة amr_8800

يا جماعه عندي سؤال صغير
هو الاستبن جنط حديد اسود ولا جنط اسبور زي الي راكبين في العربيه
اصل انا لسه شايفه دلوقتي من يوم ما استلمت العربيه ولقيته جنط حديد

انا مستلمه حديد وكنت مستغرب زيك ولما سئلت عرفت انه مابيكونش جنت ماتقلقش

**محمد سمير حسين** · 27-02-2014 08:36 AM

المشاركة الأصلية كتبت بواسطة besokate

ايه رايك فى صيانه الالف مهمه ولا اى كلام بعيد عن موضوع المياة ده

مهمة طبعا علشان تحافظ علي ا لعربية من اولها وكمان علشان ماتخرجش من الضمان علي ما اظن والله اعلم

**amr_8800** · 27-02-2014 10:27 AM

المشاركة الأصلية كتبت بواسطة محمد سمير حسين

انا مستلمه حديد وكنت مستغرب زيك ولما سئلت عرفت انه مابيكونش جنت ماتقلقش

شكرا يا فندم على الرد والاهتمام
بس بجد موضوع ان الاستبن حديد دي حاجه رخمه اوي بصراجه

**besokate** · 27-02-2014 05:45 PM

المشاركة الأصلية كتبت بواسطة محمد سمير حسين

مهمة طبعا علشان تحافظ علي ا لعربية من اولها وكمان علشان ماتخرجش من الضمان علي ما اظن والله اعلم

اصلى اللى عرفته انهم بيحطوا زيت توتال وده مش كويس بيخلى صوت الماتور عالى
وبعدين ناس كتير مابترحش الضمان تانى

**محمد سمير حسين** · 27-02-2014 10:29 PM

المشاركة الأصلية كتبت بواسطة besokate

اصلى اللى عرفته انهم بيحطوا زيت توتال وده مش كويس بيخلى صوت الماتور عالى
وبعدين ناس كتير مابترحش الضمان تانى

اللي اعرفه ان زيت توتال ده مش وحش وطالما هما حطوه يبقي اكيد هو مناسب للعربية وبالنسبة لصوت الماتور العالي فدي بالنسبة لي مش بتسببلي مشكلة بالعكس والله دانا بحس انه ميزة لانه بيدي احساس رياضي وبيدي احساس بقوة وشراسة العربية وتحياتي لك ولكل من في هذه الصفحة

**محمد سمير حسين** · 27-02-2014 10:32 PM

المشاركة الأصلية كتبت بواسطة amr_8800

شكرا يا فندم على الرد والاهتمام
بس بجد موضوع ان الاستبن حديد دي حاجه رخمه اوي بصراجه

يا باشا العفو احنا لازم نفيد بعض ومتزعلش نفسك من الاستبن لانه هو مجرد حاجة احتياطي تستخدم وقت المشكلة فقط وبعد عمل اصلاح للعجلة الاساسية يتم تركيبها مرة اخري وخلع الاستبن

**Omar Gamal** · 02-03-2014 01:36 AM

السلام عليكم يا جماعة

كنت عايز أستفسر بس عن جودة الصوت في الشارك 2014؟ عال، واطي شوية؟ نقي ولا في الدرجات العالية الصوت فيه شخللة أو حاجة مش مضبوطة؟ و يا ريت لو تفيدونا كمان بجودة ال bass

ألف شكر و منتحرمش منكم يا جماعة

**محمد سمير حسين** · 02-03-2014 08:37 AM

المشاركة الأصلية كتبت بواسطة omar gamal

السلام عليكم يا جماعة

كنت عايز أستفسر بس عن جودة الصوت في الشارك 2014؟ عال، واطي شوية؟ نقي ولا في الدرجات العالية الصوت فيه شخللة أو حاجة مش مضبوطة؟ و يا ريت لو تفيدونا كمان بجودة ال bass

ألف شكر و منتحرمش منكم يا جماعة

كويس مافيهوش مشاكل ده في الفئة التانية اللي معايا لكن في الهايلاين اكيد طبعا حاجة تانية

**محمد سمير حسين** · 02-03-2014 08:50 AM

عاوز اقول علي ملحوظة كده علي الماشي رغم ان الصفحة دي بقالها حوالي شهرين فقط او اقل الا ان نسبة المشاهدات لها عالي وصل دلوقتي 4120 مشاهدة زي ما حضراتكو شايفين وده معناه ان في ناس كتير مهتمة بيها وان العربية بتحاول تفرض نفسها بنفسها لان الدعاية اللي كانت بتتعمل لها كانت ظالمة وده طبعا بياكد الكلام اللي قولناه في اول الموضوع خالص ان الشارك السنة دي واللي فاتت ليها كلام تاني وكذلك الطلب علي العربية زايد جدا في المعارض لدرجة انها تقريبا خلصت والناس بقت بتحجزها وياريت الناس تقول رايها في كلامي

**amr_8800** · 02-03-2014 08:44 PM

المشاركة الأصلية كتبت بواسطة محمد سمير حسين

عاوز اقول علي ملحوظة كده علي الماشي رغم ان الصفحة دي بقالها حوالي شهرين فقط او اقل الا ان نسبة المشاهدات لها عالي وصل دلوقتي 4120 مشاهدة زي ما حضراتكو شايفين وده معناه ان في ناس كتير مهتمة بيها وان العربية بتحاول تفرض نفسها بنفسها لان الدعاية اللي كانت بتتعمل لها كانت ظالمة وده طبعا بياكد الكلام اللي قولناه في اول الموضوع خالص ان الشارك السنة دي واللي فاتت ليها كلام تاني وكذلك الطلب علي العربية زايد جدا في المعارض لدرجة انها تقريبا خلصت والناس بقت بتحجزها وياريت الناس تقول رايها في كلامي

كلام حضرتك مظبوط جدا جدا
العربيه فعلا اكتر من ممتازه وتستاهل كل قرش بيدفع فيها
والسبب في ان سمعتها وحشه هو التجار والصنايعيه الي هيموتو لو عرفو ان البومه هيتوفق انتاجها السنه دي
بس لو تلاحظ كل الي بيقول على العربيه دي وحشه او مش كويسه هتلاقيه عمرو مركبها ولا حط رجلو فيها كلو هيقلك اصلي سمعت اصلي حكولي
انما اسمع من ملاكها بقا هتلاقيهم بقولو فيها شعر عشان ميعرفش قيمة الشارك غير الي راكبها
حتى من ايام المكنه القديمه ال 1500 برضو

انا كنت راكب بومه واقدر اقولك الفارق كبييييييير اوي اوي طبعا لصالح الشارك
مع احترامي لكل ملاك البومه (البومه عربيه محترمه فعلا بس الشارك حاجه تانيه خالص)

ان شاء الله الايام الجايه ايام الشارك
لانها تعتبر ارخص عربيه ياباني في مصر