ملاك لانسر شارك 2014 واهلا بالجميع

**احمد محمد نجيب** · 13-02-2015 04:01 AM

يا جماعه حد يساعدنی فی موضوع مدايقنی انا بسمع صوت تصفيرهوا خفيف من باب السواق من بداية 120 وبيزيد مع السرعه سالت واحد معاه موديل 2015 قاللی عندی برضه حد قابلته المشكله دی وعرف طبيعتها او حلها ياريت تفيدونی انا مخنوق من الصوت ده ومش عارف اعمله ايه العزل زی الزفت صراحه

**vet.mohamed** · 13-02-2015 08:35 PM

سعر فانوس خلفي شارك

**محمد سمير حسين** · 13-02-2015 11:29 PM

صوت الصفارة ده بيجي من الهوا مع المراية وموجود عندي برده بس مش ملحوظ

**M.A.T** · 14-02-2015 05:14 PM

هو النور العالى بيشتغل ازاي

**5yatovic** · 14-02-2015 11:47 PM

السلام عليكم كل عام وانتم بخير جميعا
انا الحمد لله معايا شارك 2014 بقالي تقريبا 6 شهور
زكنت عملت ليا صيانة الالف كيلو في دايموند موتورز المنصورة(برقان) غيروا الزيت وخلافه
المهم ماشئ الله العربيه ممتازة جدا وعاليه عن الارض واستهلاكها في البنزين اقتصادي جدا على حد معرفتي بيها
دلوقتي انا المفروض اعملها صيانة ال10 الاف كيلو او ال6 شهور يعني بس عندي استفسار عن كذا نقطة لو حد يقدر يفيدني فيهم واكون شاكر ليه
1/ناس كتيرة بتشتكي من التوكيل والمعاملة والسرقة !! هل الكلام دا صحيح ولا ايه النظام وايه افضل توكيل وهل اقدر اغير مثلا مركز الصيانة من دايموند للرواس مثلا او اي حد تاني بعد ماعملت الصيانة في دايموند اول مرة
2/ناس كتيرة عمالة تتكلم عن الكاسيت والخليجي وانه صيني ومااعرفش في ايه !! انا الكاسيت اللي عندي عاوز اعرف هو صيني ولا لا مع العلم اللي معايا خليجي وفئة اولى
3/ واخيرا ان شاء الله في صوت زي شرز او (تكتكة) بيقعد ثانية او 2 لما الف الكونتاكت واشغل الطابلوه قبل بدايه تشغيل الموتور خالص !! ياترى ايه طبيعة الصوت دا واشك في ايه .. علشان باذن الله لو روحت التوكيل ابقى عارف باتكلم في ايه .. وحاجة تانية بالنسبة للعفشة طبعا حضراتكم عارفين الطرق العظيمة بتاعتنا هل اقوله يشيك على العفشة في التوكيل ولا ايه النظام
وشكرا جزيلا لكم

**محمد سمير حسين** · 15-02-2015 09:26 AM

المشاركة الأصلية كتبت بواسطة vet.mohamed

سعر فانوس خلفي شارك

اتصل ب 16606 وبعد كده اختار خدمة ما بعد البيع واسألهم علي اللي حضرتك عاوزه هايجوبوك باذن الله

**محمد سمير حسين** · 15-02-2015 09:29 AM

المشاركة الأصلية كتبت بواسطة m.a.t

هو النور العالى بيشتغل ازاي

بتكون الاول مشغل النور الواطي وتشد دراع النور نحيتك مرة واحدة بس هتلاقي النور العالي اشتغل وهيظهرلك علي الشاشة علامة لونها ازرق معناها النور العالي شغال ولو عاوز تطفيه بنفس الطريقة شد دراع النور ناحيتك هيطفي النور العالي ويفضل النور الواطي بس وتختفي العلامة الزرقاء من علي الشاشة

**M.A.T** · 15-02-2015 01:33 PM

حضرتك تقصد كده تقليب النور صح

يعنى النور بيقيد طول ما انا شادد الدراع صح كده

**vet.mohamed** · 15-02-2015 07:15 PM

المشاركة الأصلية كتبت بواسطة m.a.t

حضرتك تقصد كده تقليب النور صح

يعنى النور بيقيد طول ما انا شادد الدراع صح كده

لا بيفضل شغال مجرد ما تحركة ناحية الزجاج

**5yatovic** · 15-02-2015 07:55 PM

لو تقصد انك تشغل العالي ويرجع للعادي اول ماتسيب ايدك من عليه دا ممكن تعمله بعد ماتشغل النور العادي هتسحب (الدراع بتاع النور) عليك بسرعة او تلمسه لمسه خفيفة هتلاقيه بيقلب نور زي ماانت عاوز بس تسحب سحبة خفيفة او يعني تضغط