ملاك لانسر شارك 2014 واهلا بالجميع

**Dr.Ahmed Saad** · 26-11-2014 09:03 AM

انا بفكر اشترى لانسر شارك 2015 ولكن انا قلقان جدا من موضوع عزل الصوت ومش قادر اقيمة لانى ما جربتش العربية فيا ريت اى من حضراتكم يوضح هذا العيب بالتفصيل وجزاكم الله خيرا

**محمد سمير حسين** · 26-11-2014 09:32 AM

وفي كمان فرع في شارع الشيخ ريحان قصاد وزارة الداخلية

**محمد سمير حسين** · 26-11-2014 09:35 AM

تليفون سبير كار (اعتقد ده فرع التجمع)01227933332

**Dr.Ahmed Saad** · 27-11-2014 02:58 AM

متابع

**محمد سمير حسين** · 27-11-2014 08:48 AM

المشاركة الأصلية كتبت بواسطة dr.ahmed saad

انا بفكر اشترى لانسر شارك 2015 ولكن انا قلقان جدا من موضوع عزل الصوت ومش قادر اقيمة لانى ما جربتش العربية فيا ريت اى من حضراتكم يوضح هذا العيب بالتفصيل وجزاكم الله خيرا

يا دكتور ربنا يباركلك ويوفقك للاصلح موضوع العزل ده الناس بصراحة كبرته اوي واديتله اكتر من حجمه كل اللي عاوز اقولهولك ان لو الشباك مقفول مش هتسمع اي حاجة غير صوت احتكاك الكاوتش وده علي الاسفلت الخشن بس وده مالوش علاقة بعزل ولا بغيره ولو الشباك مفتوح زي اي عربية هتسمع الاصوات المحيطة كلها واعتقد ده الطبيعي ومن الاخر علشان ماتتعبش نفسك صوت الموتور رياضي وعالي وصوت الكاوتش عالي مع خشونة الاسفلت ومن هنا الناس قالت ان العزل سئ والعيب التاني علشان اسهل عليك هو ضيق الشنطة النسبي حوالي 480 لتر علي ما اعتقد غير كده العربية بسم الله ما شاء الله عليها محدش اشتكي منها وعاوز اقولك ان لو ربنا كرمك واشتريتها مع الوقت مش هتفرق معاك الحاجات دي خالص وعن تجربة

**عماد الدين عزت** · 27-11-2014 10:40 PM

انا معجب بالسيارة شارك الفئة الثانية وكيل ولكن اريد اضافة مسند يد امامى وسبويلر خلفى هل يمكن الاضافة بمعرفة الوكيل وما القيمة اوخارج التوكيل وما التكلفة وهل يخرج السيارة من الضمان مع خالص تحياتى .

**dactara** · 28-11-2014 12:51 AM

مسند اليد بيتباع عند اى حد ب 100 بيركب كبس
سبولر برة التوكيل بيبدأ من 400

**Dr.Ahmed Saad** · 28-11-2014 04:03 AM

ربنا يجازيك خير يا استاذ محمد سمير على الرد والتوضيح ويجعلة فى ميزان حسناتك انا موضوع الشنطة مش فارق معايا هى المشكلة كانت فىموضوع الصوت العالى لانى بسافر كتير بالعربية علشان كدة كنت قلقان
لية سؤال تانى الشارك الخليجى لية ضمان زى التوكيل بيشمل كل شئ ولا الافضل نشترى من التوكيل

**عماد الدين عزت** · 28-11-2014 01:28 PM

المشاركة الأصلية كتبت بواسطة dactara

مسند اليد بيتباع عند اى حد ب 100 بيركب كبس
سبولر برة التوكيل بيبدأ من 400

شكرا على الرد ولكن ممكن تحدد لى اماكن تركيبهما بالقاهرة و هل يخرج السيارة من الضمان .

**محمد سمير حسين** · 28-11-2014 05:46 PM

المشاركة الأصلية كتبت بواسطة dr.ahmed saad

ربنا يجازيك خير يا استاذ محمد سمير على الرد والتوضيح ويجعلة فى ميزان حسناتك انا موضوع الشنطة مش فارق معايا هى المشكلة كانت فىموضوع الصوت العالى لانى بسافر كتير بالعربية علشان كدة كنت قلقان
لية سؤال تانى الشارك الخليجى لية ضمان زى التوكيل بيشمل كل شئ ولا الافضل نشترى من التوكيل

العفو يا دكتور احنا كلنا عاوزين ننفع بعض لان انا عارف ده بيبقي شقي العمر علشان كده فكر كويس وخد وقتك واسأل براحتك وتحت امرك في اي وقت وبمناسبة السفر وبدون تحيز من اكتر العربيات المناسبة للسفر علشان ثباتها مع علوها وعفشتها بالاضافة الي انها حاصلة علي 5 نجوم في اختبارات الامان وبالنسبة لضمان الخليجي احب اقولك ان مافيش حاجة اسمها ضمان خليجي لان الوحيد اللي بيدي ضمان هو وكيل شركة ميتسوبيشي في مصر وهو دايموند لان الفكرة كلها هو ان لا قدر الله لو العربية طلع فيها مشكلة فدايموند هايغيرها علي حساب شركة اليابان وليس علي حسابه لكن الرواس او هايتريد لو هيغيرو هيكون علي حسابهم الخاص واعتقد ده مش هيكون بالساهل طبعا يارب تكون الفكرة وصلت لكن الخليجي مميزاته انه بيدي اوبشن اعلي من الوكيل وبسعر اقل