الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة ahmed y

الله يبارك فيك يا أستاذ عمرو
أنا اشتريتها أول فئة وكيل ب ١٣٥٠٠٠ من سمير ريان أستلام فوري لون أحمر غامق الحمدالله نزله بالكاسيت العريض شكله جميل احسن كتير من الكاسيت اللي في الموديلات اللي فاتت, أول فئه خليجي كانت ب ١٣١٠٠ من غير ضمان و كانت زياده dvd pioneer وكاميرا خلفيه, كنت قلقان من موضوع الضمان و فتوكلت علي الله و خليتني في الوكيل

أستلمت معاه الإستبن و الكوريك و شنطة العده و مثلث عاكس و ٢ مفتاح ريموت و ٢ كتالوج عربي و انجليزي و كتيب الخدمة و لسه مستلمتش الضمان كلمت الوكيل أول صيانه بعد ١٠٠٠ كم

ولسه مرخص تلات سنين الحمدالله الضريبه في السنة ٢٨٥ والتأمين الإجباري ١١٨ في السنه و ٤٥ ورق فحص اتكلفت تقريبا ١٣٠٠ ,٣ سنين و الطفايه ١٣٠

العربيه جميله جدا و واسعة. الشنطه مش حاسس انها ضيقه أوي كده حجمها معقول مش قد ال ٣٠١ بس كويسه اول مستلمتها فولت العربيه و التفويله المفروض تعمل ٥٢٠ كم مش عارف ده كتير ولا قليل

العفشه كانت ناشفه شويه والكوتش لاقيته ٤١ ظبته علي ٣٠ و الدنيا بقت أحسن صوت العربيه عالي شويه بس مش مضايقني اعتقد انه هيقل بعد التليين وان شاء الله امشي شويه بس و اقلكم انطبعاتي عن العربيه انا كنت محتار بينها و بين ٣٠١ بس الحمدالله انا سعيد بأختياري ربنا يبعد عنها الحوادث يارب

كلمت الوكيل علشلن أسأل علي الكماليات الإنذار ٧٧٠ و السينسور بارك ٥٥٠ و مسند اليد الهاي كوبي مش موجود دلوقتي

ياريت تساعدوني بخصوص الكماليات اللي عاوز ازودها اركبها في التوكيل و لابره وايه احسن مكان اركب فرش جلد فيه

في حاجه مش عارف ليها حل و لا لأ المفتاح مبعرفش اشيلوا من العربيه لو الفتيس علي اي حاجه غير p في حل اني اشيل المفتاح و هي علي n.

و حاجة تانيه ال lock مش بيقفل أول مانحرك بالعربيه لازم أنا اقفله هي حاجه بسيطة بس عاوز اعرف لو ركبت أنذار الأوبشن ده هيكون موجد

معلش أنا معلوماتي علي قدي أوي في العربيات في هصدعكم بأسئله كتييير شكرا يارجاله

الف مبروك يا استاذ احمد على العربية ربنا يديك خيرها ويكفيك شرها بالنسبة للفرش الجلد من خلال اراء الكثير من الناس على المنتديات وايضا الصور فان جينز كار هو الافضل هو فية بعض الناس قالت ان سعرة غالى شوية بس هما بيسخدمو خامات محترمة وشغلهم رائع ذى فرش الفبريكة وانا انصحك تتفرج على شغلهم الاول علشان تقدر تقرر واهتم بالموضوع لان الفرش الحلو بيفرق جامد فى الصالون انا للامانة ماتعملتش معاهم

الف شكر يا دكتور طيب بالنسبة للكماليات لو ركبتها بره التوكيل اخرج من الضمان والاسعار كويسه ولا وحشه

المشاركة الأصلية كتبت بواسطة ahmed y

الف شكر يا دكتور طيب بالنسبة للكماليات لو ركبتها بره التوكيل اخرج من الضمان والاسعار كويسه ولا وحشه

حقيقى انا ما عنديش فكرة عن الاسعار ولكن جهاز الانذار فى انواع كتيرة وكل نوع لة سعر يفضل تسال كويس فى موضوع السعر واذا كان فرق السعر مش كبير ركبة فى التوكيل افضل علشان لاقدر اللة لو حصل اى شئ فى كهربة العربية ها يطلعك كهربة العربية من الضمان وخصوصا ان غالبية التوكيلات فى مصر سمعتها مش كويسة

المشاركة الأصلية كتبت بواسطة dr.ahmed saad

حقيقى انا ما عنديش فكرة عن الاسعار ولكن جهاز الانذار فى انواع كتيرة وكل نوع لة سعر يفضل تسال كويس فى موضوع السعر واذا كان فرق السعر مش كبير ركبة فى التوكيل افضل علشان لاقدر اللة لو حصل اى شئ فى كهربة العربية ها يطلعك كهربة العربية من الضمان وخصوصا ان غالبية التوكيلات فى مصر سمعتها مش كويسة

بالفعل جهاز الانذار بالذات ركبه في التوكيل انا عن نفسي ركبته في التوكيل وبعد ما ركب فضل مهنج في العربية وعمال يدي سرينة انذار وده قبل ما امشي من عندهم راحو واخدين العربية تاني وفكوا الجهاز وقالولي ان الجهاز ده مش نافع مع كمبيوتر العربية وادوني ميعاد تاني بعد اسبوع وبالفعل روحت وركبو جهاز تاني وشغال ما شاء الله عليه تخيلوا بقي لو الموضوع بتاع التهنيجة ده كان حصل ولنا بركب الجهاز بره التوكيل والله كانو عملو عليا احلي شغل في التوكيل

المشاركة الأصلية كتبت بواسطة amr_8800

مهندس محمد
دائما كل ردودك مفيده

بس عندي سؤال صغير هو الانذار ده ركب على ريموت العربيه الاصلي ولا ليه ريموت منفصل

عشان عايز اعرف يركب على السمارت كي عندي ولا لأ

تاني حاجه فينك مختفي ليه الايام دي ؟؟

ازاي معاليك يا عمرو باشا والله الفترة اللي فاتت دي كنت مشغول شوية في الشغل وشكرا علي سؤالك وعاوز اقولك انك انت اللي دايما بتفيد الجروب باهتمامك ومتابعاتك بالنسبة للانذار هو بالفعل متركب علي مفتاح العربية العادي وبيتبرمج علي الlock وunlock بتوع المفتاح بس لو ركبتو خليهم يقللو الحساسية بتاعته علشان مش اي لمسه للعربية تشغل الانذار لان ده ممكن يأثر علي بطارية العربية

المشاركة الأصلية كتبت بواسطة amr_8800

شكرا جدا يا محمد بيه
ان شاء الله اركبو في صيانة ١٠٠٠٠

ربنا معاك ومبروك مقدما