الموضوع: روقت جولف 3 مرات النهاردة الصبح ;) و من غير السبورت مود كمان :)

المشاركة الأصلية كتبت بواسطة Ahmed Amin

ما بلاااااش الغرز دي ياريس,, إنت لسه مغير فردة قريب مش كدا ياريس.

مش قلت لك الثبات حلو بس في حالتك كان محتاج شوية تعود لأنك نازل من ميجان. :wink2:

ربنا يبارك لك فيها ياريس, وبلاش تهور بقي.

نفسي و الله ابطلها يا ابو حميد :) انا كويس و ابن ناس و الله بس الجري دة المرض اللي عندي ؛)
خلي بالك ان كل اللعب دة مش علي سرعات عالية؛ كلة في range ال90 ل130-140 بس هو لعب غرز و اختيار lane قح مع امتي تدوس و امتي تهدي حتي لو هيعدي منك بس انت هتظبط lane مفتوحة بينما هو هيstuck قدام. انما لو كان كمل معايا و خدنا الحتة اللي من بعد نفق التجمع دية مع بعض كان هيبقي الموضوع صعب لان دي حتت جري صرف و علي سرعات عالية اوي؛ انا كنت بجيب بالميجان 180 في الحتة دي و مكنتش هعرف اجيبها و انا مطمن ابدا بالبيجو؛اخري فيها بجيب 160 و اهدي تاني

المشاركة الأصلية كتبت بواسطة monamize4

كدة يبقى انت كنت بتجرى مع جولف 6 بالموتور ال na التعبان ال 102 حصان
و الموتور دا نازل ف معظم جولف 6 اللى فمصر و دى يتعلم عليها عادى جدا
و لولا الفتيس ال dsg كانت بقت فضيحة

خلى بالك ان دى لو كانت ال 1.4T ال 160 حصان ,, كانت عملت الدنيئة مع ال 301
ال 301 لا كانت هتسد ف تسارع و لا ثبات و لا اى حاجة

انا قلت بنفسي لو كنا دخلنا بقي في حتة فاضية اوي كان هوا طلع مني عشان انا مش بجيب اكتر من ال١٦٠ بال٣٠١ بس في الحاجات اللي زي كدة مش الhp هي اللي بتفرق انما العزم و اللي بيسوق و اللي انا اعرفة ان الموديل دة فتيس dsg اللي هو ميزتة الوحيدة ان النقلات عندة in no time و العزم بتاعة عالي. و اكيد طبعا مفيش عربية عادية هتسد مع turbo في سكة مفتوحة انما علي الدائري كل شئ ممكن ؛)

المشاركة الأصلية كتبت بواسطة nonalaziza

مع إني مش بحب الجري و الشد بس الصراحة إحساس ال adrenaline rush ﻻ يعوض و كفيل انه يضبط المود طول اليوم ولا الحوجه لقرش الكابتشينو اياه هههههههههه

بالظبط كدة؛ احساس كدة لما تضرب غرزة علي ١٦٠-١٧٠ و تكمل او تتزنق و تفلفص بكام غرزة ورا بعض و بعدين تفتكر انا نسيت تتنفس الكام ثانية اللي فاتت و انك اتعزلت عن العالم و مش سامع اللي راكب معاك ولا حتي الراديو لا يعادلة احساس :) a script to get high ؛)

المشاركة الأصلية كتبت بواسطة atshe

ايوة بقى يا برنس

بفرح لما بشوف الوحوش السوداء سخنين

لو كنت معاك كنا لابسناه فى اقرب حيطه xd

ربنا يسترها عليك متسخنش كده تانى

لا انا سخنان علي طول :) :) و عامل حادثة دمار قبل كدة بالميجان و مفيش فايدة في؛ الغريب اني عمري ما خبط اي عربية و انا بشد و بضرب غرز؛ انما دايما و انا سايق هادي و في حالي و مليش علاقة بحد تيجي الناس تخبطني او البس طوبة كبيرة بعيدة عن السور ب٣ متر. حتي حادثة الميجان اللي دمرت العربية كنت ماشي علي ٩٠ و ماشي في حارتي مليش دعوة بحد!!!!!
ربنا يستر طريقنا كلنا