اشتريت mg5 و فاقت كل توقعاتي

**RedBull_30** · 25-11-2014 11:15 PM

المشاركة الأصلية كتبت بواسطة carrier

العربية دى تستاهل تقلها دهب فعلا

واللى بيقولوا قطع الغيار هيا مش لها توكيل ....

امال اللى بيقتنوا الجاجوار فى مصر يعملوا ايه ....

دى ازواق ومواصفتها الفنية الهايلة بجد مخليانى افكر فيها العام القادم ان شاء الله

بس انا ليا سؤال عندك
انت لس حماسك ليها زى ماهو ولا زاد ولا قل وتقييمك عيوب ومميزات

اهلا بحضرتك

مبدئيا العربية اللي كانت معايا قبلها هي الجين 2 و فضلت معايا 5 سنين و كانت عربية محترمة و في خلال الوقت ده انا كنت بسوق كمان عربيات اخواتي سيراتو كوبيه و سيات ليون 2011 و كمان عربية والدي اوكتافيا A5 كاملة خليجي ... اللي اقصده هو اني جربت عربيات شوية واقدر اقيم عربية زي ال mg لو الناس اعتبرتني محايد ..
انا لسة منبهر بيها والمفروض انها تدخل صيانة ال 10000 عن قريب ..
من وقت للتاني بكتشف جديد فيها .
بالنسبة للعيوب :
انا ساكن في مكان اشارة الراديو فيه بطبيعتها ضعيفة لكن وقت ما كان معيا الجين 2 كنت بسمع الراديو بشكل طبيعي , لكن ال MG بصراحة بلاقي صعوبة في سماع الراديو مش كل المحطات بستقبلها بشكل واضح وهتلاحظو ان العربية مفهاش اريال واضحة .. مش عارف هم اعتمدو على صاج العربية انه يكون انتينا ولا عملو زي شركات تانية بتعتمد على الزجاج الخلفي .
كمان المراية اللي في داخل الصالون بيطلع منها زنة قرفاني جدا ومنتظر دخولي الصيانة الجاية وهتكلم عنها .
غير كده انا راضي عن العربية بشكل كامل.
بامانة هي لافته الانتباه و تحس ان الناس نفسها تشتريها بس لو عملو كده الناس التانية مش هتحترمهم ..

**ahmzd** · 07-12-2014 11:25 PM

المشاركة الأصلية كتبت بواسطة hunting_eagle

الف مبروك العربية و تتهنى بيها ان شاء الله

لو انا فاكر صح اول مرة شوفت فيها العربية كان في توب جير و شكروا في المواد المستخدمة في التصنيع و دول ما بيعجبهمش العجب

:)

ما تزعلش حضرتك من موضوع ان السعر غالي .. مفيش عربية في مصر تساوي سعرها حتى لو خصمت منها الجمارك .. كل العربيات سعرها بقى مبالغ فيه .. المهم انك مبسوط من العربية و حافظ عليها و مبروك عليك

تحياتي

أكتر مشاركة عجبتني في الموضوع كله.. روح ربنا يبارك لك يا شيخ!

**Ahmed Tarek 00** · 18-12-2014 06:21 PM

ربنا يباركلك فيها

**carrier** · 21-12-2014 10:47 PM

المشاركة الأصلية كتبت بواسطة redbull_30

اهلا بحضرتك

مبدئيا العربية اللي كانت معايا قبلها هي الجين 2 و فضلت معايا 5 سنين و كانت عربية محترمة و في خلال الوقت ده انا كنت بسوق كمان عربيات اخواتي سيراتو كوبيه و سيات ليون 2011 و كمان عربية والدي اوكتافيا a5 كاملة خليجي ... اللي اقصده هو اني جربت عربيات شوية واقدر اقيم عربية زي ال mg لو الناس اعتبرتني محايد ..
انا لسة منبهر بيها والمفروض انها تدخل صيانة ال 10000 عن قريب ..
من وقت للتاني بكتشف جديد فيها .
بالنسبة للعيوب :
انا ساكن في مكان اشارة الراديو فيه بطبيعتها ضعيفة لكن وقت ما كان معيا الجين 2 كنت بسمع الراديو بشكل طبيعي , لكن ال mg بصراحة بلاقي صعوبة في سماع الراديو مش كل المحطات بستقبلها بشكل واضح وهتلاحظو ان العربية مفهاش اريال واضحة .. مش عارف هم اعتمدو على صاج العربية انه يكون انتينا ولا عملو زي شركات تانية بتعتمد على الزجاج الخلفي .
كمان المراية اللي في داخل الصالون بيطلع منها زنة قرفاني جدا ومنتظر دخولي الصيانة الجاية وهتكلم عنها .
غير كده انا راضي عن العربية بشكل كامل.
بامانة هي لافته الانتباه و تحس ان الناس نفسها تشتريها بس لو عملو كده الناس التانية مش هتحترمهم ..

العربية حلوة
وثباتها هايل
وتقفلها ممتاز
وفيها اوبشنز جميل وانا فعلا معجب بيها

بس
هيا اعتقد من 2011 وانتشار العربية فى الباى باى فين وفين لما تشوف واحدة
المهم
الشركة الى الان مستغبية فى اسعارها
والاغرب
انها مفلستش رغم ان مبيعاتها بلغة السوق تعتبر ..... صفر

عايز تفسير .......

**RedBull_30** · 22-12-2014 06:16 PM

المشاركة الأصلية كتبت بواسطة carrier

العربية حلوة
وثباتها هايل
وتقفلها ممتاز
وفيها اوبشنز جميل وانا فعلا معجب بيها

بس
هيا اعتقد من 2011 وانتشار العربية فى الباى باى فين وفين لما تشوف واحدة
المهم
الشركة الى الان مستغبية فى اسعارها
والاغرب
انها مفلستش رغم ان مبيعاتها بلغة السوق تعتبر ..... صفر

عايز تفسير .......

تفتكر ان عربية بالمواصفات اللي حضرتك ذكرتها المفروض تكون بكام بغض النظر عن انها متصنعه في الصين ؟

ردا على استفسارك .. لو جيت مثلا و بصيت على اي دولة خليجية صغيرة , هتلاقي ان في توكيلات سيارات مبيعاتها قليلة و في نفس الوقت ناجحة و قيس ده كمان على عدد سكانهم ,
فما بالك مصر..
البروتون ظهرت في مصر في يمكن في 2003 وانا في 2008 اشتريت جين 2 جديدة والناس انتقدتني , و بيعتها بعد 5 سنين واعتقد انها منتشرة حاليا وقطع غيارها موجودة كمان استيراد ده غير المحلات المعروفة بيها ..
العيب مش في العربية .
احنا كمصريين بصراحة تحس ان عندنا ولاء لكل شيء وفعلا بنطبق المثل اللي بيقول اللي نعرفه احسن من اللي منعرفوش .. يقولك مثلا الناس راكبة النترا الجديدة ومحدش بيشتكي انا بقى اعمل نفسي بفكر واركب ام جي !!
العيب فينا احنا .
ممكن استفسارك يبقى ليه نقطة تانية : تبقى بعد الشر شركة من اياهم (غسيل اموال) ..

انا كنت داخل عموما عشان ابلغكم ان عمل صيانة ال 10000 وكانت في اليكس أوتو في اسكندرية الطريق الصحراوي ..
تربيط عفشة و تغيير زيت و فلتر 610 جنيه ..
بعد ما عملو الصيانة بيعملو ريسيت لشاشة الصيانة و هنا المهندس مبقاش عارف يعملها ريسيت ,
_ لقيته بيقولي الكمبيوتر مهنج و فوت علينا بكرة ,
اتكلمت معاه بالراحة جدا ولقيت صاحب المركز واقف جمبي وبيحاول يعرف هو كمان هو في ايه و فهمته ان واخد اجازة مخصوص عشان اخلص من موضوع الصيانة .
فاقترحت عليه اقتراح بسيط عشان انا مش مقتنع بعزر ان الكمبيوتر مهنج و شغل المصريين ده ..
و هو انه يتص بالمركز الرئيسي ويسئلهم ايه خطوات الريسيت وبالفعل اتصل بيهم وسئلهم , و وقت ما بدأ يعمل الخطوات الصح طلب مني ان ارتاح في الاستراحة و طبعا رفضت و فهمت صاحب المكان انه واضح انه مبتدأ و اكيد لو حد سئله عن العربية هيقوله اوعى تجيبها دي فيها عيوب كهربا .. احنا مصريين , منجبش العيب علينا ,, الطرف التاني غلطان ديما .
بالمناسبة انا رفضت ارجع للاستراحة لاني مضيت على استلام العربية ومكنتش اعرف ان لسة فيها حاجة زي دي و وقتها كان من حقي ان افضل قدامه و خصوصا انه كمان طلعها من الورشة وبقت قدام الاستراحة .
انا بكلمكم بامانة على اللي حصل و يمكن مش ذنب المهندس انه ميعرفش الخطواط ايه بسبب ان المركز اصلا هو مركز لصيانة فورد و ضمين عليه ال MG .

_ بامانة برضو هكلمك على حاجة شوفتها هناك و هي : مهندس الاستقبال قالي ان صيانة ال 20 هيتغير فيها فلاتر و بوجيهات .. كان ردي ان اشوفها الاول محتاجة تغيير يبقى اغيرها ولو مش محتاجة يبقى مش هتتغير و بصراحة رد و قالي حاضر .
في المجمل كانو محترمين .
سمحولي ب تصوير جهاز تشخيص الاعطال او scaner .
بصراحة بفكر اشتريه .
اسف للاطالة

**chef** · 24-12-2014 12:29 PM

رغم انى معجب بيها جداا الا انى اكتشفت انها صينيه الصنع ؟ والاسم فقط انجليزى وتصنع فى مصنع سايك الصينى من موتور وهيكل وفرش كمان ؟ الاسم فقط انجليزى ؟ والدليل ان موتور ام جى 750 كله صينى شكلا ومضموناا ؟ بس ده ميمنعش انها سيارة كويسه وفخامه وجوده كمان

**RedBull_30** · 24-12-2014 07:58 PM

الموضوع بقى سخيف بصراحة

عارفين لما بنيجي نقنع طفل لاكله فيها فايدة ليه وهو مش متقبلها !!

انا من اول ما بدأت كتابة عنها وانا بقول انها متصنعة في الصين .. العربية فعلا صينية .. العربية كلها صيني ..
بس نضيفة أوي لدرجة متتصدقش . لدرجة ان في شركات ياباني و كوري مجتلهاش الجرأة وتنزل عربية بالخامات دي وبالسعر ده .
العربية بنضافتها وتقفيلها و قوة الموتور والعفشة والصاج تقارن بالاوروبي النضيف .

**Ahmed.MT911** · 10-01-2015 11:42 AM

المشاركة الأصلية كتبت بواسطة RedBull_30

الموضوع بقى سخيف بصراحة

عارفين لما بنيجي نقنع طفل لاكله فيها فايدة ليه وهو مش متقبلها !!

انا من اول ما بدأت كتابة عنها وانا بقول انها متصنعة في الصين .. العربية فعلا صينية .. العربية كلها صيني ..
بس نضيفة أوي لدرجة متتصدقش . لدرجة ان في شركات ياباني و كوري مجتلهاش الجرأة وتنزل عربية بالخامات دي وبالسعر ده .
العربية بنضافتها وتقفيلها و قوة الموتور والعفشة والصاج تقارن بالاوروبي النضيف .

ياباشا ماتزعلش نفسك كل شوية بحوار صيني وهندي والقصص دي

انا متابع موضوعك من السنة اللي فاتت وكل ماادخل علي الموقع هنا بدخل مخصوص علشان اشوف اخر الاخبار معاك في العربية ايه!!!!

وده لاني مقتنع بالعربيات المختلفة عن القطيع لان زي مانتا قولت احنا عندنا في مصر بنركب العربية بالسمعة فقط مش بالتجربة والاداء ...

وانا جربت الكوري لما زهقت ولما نويت اشتري عربية مختلفة وش منتشرة اوي زي البونتو الناس كلها قالت ليا بلاااااااااش وقطع الغيار والصيانة الكلام الفاضي ده ---وحاليا العربية معايا من سنة واحلي عربية في التقفيل والعزل والاداء ركبتها

انا عاوز تستمع بالعربية وسيبك من كلام الناس وتابع معنا بالجديد معاك في العربية

ربنا يحفظها ليك ويبارك ليك فيها

انبسط ياباشا

**oousaoo** · 10-01-2015 12:36 PM

«حماية المستهلك» يُحيل وكيل سيارات «MG» للنيابة

أحال جهاز حماية المستهلك شركة «إيجيبشن بريتيش أوتوموتيف EBA»، وكيل سيارات «MG»، إلى نيابة قسم ثان 6 أكتوبر، لعدم التزامها بتنفيذ القرار الصادر من الجهاز، ويقضي بإلزامهما باستبدال المنتجات محل الشكاوى وفقًا للقانون.

وقال عاطف يعقوب، رئيس جهاز حماية المستهلك، إن الإحالة جاءت بعد انقضاء مهلة الخمسة عشر يوماً، التي قرر المجلس منحها للشركة لإزالة أسباب الشكاوى، وهو الأمر الذي يوضح إصرارها على مخالفة قانون حماية المستهلك رقم 67 لسنة 2006.

وأضاف «يعقوب»، في تصريحات صحفية، السبت، أن الجهاز تلقى شكوى من مواطنة تتضرر فيها من شرائها سيارة ماركة MG موديل 2014، وباستعمالها تبين وجود عيب بالمحرك وأصوات عالية، وباللجوء للشركة وجدت مماطلة في حل المشكلة.

وأشار رئيس الجهاز إلى مباشرة التحقيق في الشكوى بواسطة اللجنة الفنية للسيارات، التي فحصت السيارة بعد الإصلاح، وتبين أنها لم تقطع سوى 10000 كم، وظهرت عيوب بـ«الدركسيون» وتكررت بالرغم من إصلاحه من قبل الشركة، ما أدى إلى إدخال السيارة لمركز الخدمة محملة على ونش، وانتهت اللجنة إلى عرض السيارة على كلية الهندسة لفحصها، وبيان ما بها من عيوب، والتحقق من اتباع الشركة الأساليب الفنية السليمة في معالجتها، وبالرغم من ذلك لم تعرض الشركة السيارة على الكلية.
[url=http://www.almasryalyoum.com/news/details/625641#]

**RedBull_30** · 11-01-2015 07:24 PM

في حاجة غلط انا مش فاهمها في مركز حماية المستهلك مع ال mg !!

حاسس اني عايش في المدينة الفاضلة لما بتيجي سيرة حماية المستهلك مع MG

الموضوع: اشتريت mg5 و فاقت كل توقعاتي

LinkBack

أدوات الموضوع

عرض

-

-

المواضيع المتشابهه

فرع سموحة... ملهومش فيها

اتخانق مع جاري ولا الطيب احسن ؟!

لييه الطيب دايما بييجي على الطيب اللي زيه ؟؟!!!!!

عربيتين ملهومش دعوة ببعض .. بس عايز رأيكم

الرجاله الى ساكنه فى اسكندريه ملهومش نصيب فى سيراتو كوبيه !!!!!

الكلمات الدلالية لهذا الموضوع

المفضلات

المفضلات

ضوابط المشاركة