اشتريت mg5 و فاقت كل توقعاتي

**chef** · 11-02-2015 12:15 PM

والله ثم والله انا رحت الوكاله بتاعت ام جى امبارح فى طريق الخبر بالسعوديه وعملت تيست درايف للسيارة ام جى 750 .. لالالالالالالالالالالالال الا العربيه دى ياجماعه اسمحولى اقولكم بى ام دبليو 320 فى صورة ام جى من جوده - ثبات غير عادى على سرعات 160-180- منحنيات بسرعه 160 لدرجه خفت لاتقلب .. ولا الهوا ثباااااااااااااااات تحفه بجد .. اوبشن محترم يضاهى الجاكوار وبدون مبالغه .. تقفيل فوق الممتاز .. اللى ضايقنى فيها حاجتين بس الصراحه .. انها بنذين 95 - و2500 سى سى فقط لاغير .. با امانه والله عاوز اشتريها بس مرعوب من الجمارك ؟ مع ان فى موقع بيقول ان جمركها 60 الف جنيه نظراا لا انها صينيه ؟ ومعلومه اكتشفتها ان الانجليز متابعين العربيه فى الصين فى مصنع سايك العملاق .. يعنى تحت اشرافهم .. وبصراحه انا مستغرب وشاكك ان اصلا العربيه تكون صينى .. دى تحفه خارقه ولم تكتشف بعد .. هنيئاالكل ملاكهذه السيارة والله

**chef** · 12-02-2015 02:37 PM

انا قريت فى موقع البورصه ان جمارك ام جى 750 حوالى 55 الف جنيه .. ومش مصدق بصراحه .. ياريت ياجماعه الخير لو حد يعرف يحسب الجمارك او يعرف حد نزلها من الخلي ممكن توصل كام

**abokoko** · 12-02-2015 02:53 PM

المشاركة الأصلية كتبت بواسطة redbull_30

انا مجبتهاش اعلى فئة .. أعلى فئة اعتقد تزيد عن اللي معايا ب 12 الف .. انا جبتها ب 133 الف اوتوماتيك باور ستيرينج و سنتر لوك و زجاج كهربا و cd player , usb , جنوط سبور 16 و بلو توث و كمان فتحة سقف ومالتي فانكشنز في الاستيرينج و تلاجة في التابلو . والفئة الاعلى اللي تقريبا ب 145 بتزيد عن اللي فات مقاعد جلد طبيعي و شاشة 7 انش دي في دي بس من غير الجي بي اس نسيت اوضح ان الفئتين فيهم مرايات كهربا وأهم ميزة موجوده بالنسبة ليا في الفئتين هي انها immobilizer .

بالمناسبة كراسي العربية للفئة اللي معايا هي صحيح قماش عادي بس حاجة متكلفة و أعتقد انه عن قريب موضة الكراسي الجلد هتختفي والسبب انه بيبقى مش جلد طبيعي بس بيقولو عليه انه طبيعي .

المحرك ناعم جدا جدا والعزل فوق الممتاز واتحدى بمعنى الكلمة في الموضوع ده ..
العربية متكلفة جدا جدا العزل اخدت بالي انهم حاطين مواد عازلة بين الرفرف الامامي و بداية الباب الامامي و ده موضوع انا أخدت بالي منه في السيات ليون الجديدة و كمان الجولف 7 .
بالنسبة للجير بوكس فهو 4 سرعات ناعمين و حابب اقولك حاجة يا استاذ حجاج بانك مش هتلاقي نتش في جير بوكس زي ده لانه مش على كلاتشات زي ال dsg مثلا بتاع الفولكس و بالنسبة لاداء المحرك فانا راضي عنه و هتلاقي ناعم جدا مع العلم ان التقسيمة جنزير .
انا بتمنى والله الخير للكل و بستغرب لما الاقي واحد يروح يجيبب عربية ب 100 الف وهي اخرها تنفع لتوصيل الطلبات للمنازل , و وقت لما اتكلمت عن الام جي لقيت هجوم مش مبرر غير بكلام ميوصلش لنتيجة .. والاقيهم يقولو ان الام جي صيني وان توكيلها في مصر فاشل ..يا باشا عربية صيني بس انضف من الياباني اللي في مصر.عربية بتتباع فعلا و بمعدل محترم مقابل المنافسة الشديدة و لو التوكيل نزل سعر العربية يبقى مفيش فرق بينها و بين باقي الصيني اللي من رأيي محطش فيه جنيه واجيب بداله حاجة مستعملة معقولة .. ولو التوكيل نزل سعرها عن كده مكنتش هشتريها لانها اكيد كانت هتبقى صيني 100% تعبان بعفشة زبالة تتعبك بعد 10000 ك و خامات داخلية بطقطق
اخيرا يا حضرات حابب اقولكم ان بشوف العربية منتشرة كتير في الشارقة و دبي بشكل غير طبيعي واقصد الام جي عموما مش ال 5 بس .

حضرتك متحامل على الصيني - رغم انى اعتقد ان المستقبل فى مصر هيكون للسيارات الصيني
ثانيا حضرتك بتتكلم عن عربيتك على انها انجليزي بتقفيل صيني
فهل موديل حضرتك موجود فى انجلترا
اعرف ان ال750 موجوده من قبل ما تتحول الشركة للصين
فهل جميع منتجات الشركة بما فيهم سيارة حضرتك كانوا موجودين فى الشركة الانجليزية سابقا

جميل ان تشترى الشركات الصينية شركات اوروبيه معروفة والاجمل ان يتم الاستفادة ونقل المعرفة لانتاجهم الصيني

ربنا يبارك لك فى سياراتك ويفرحك بيها دايما

**abokoko** · 12-02-2015 03:43 PM

المشاركة الأصلية كتبت بواسطة abokoko

حضرتك متحامل على الصيني - رغم انى اعتقد ان المستقبل فى مصر هيكون للسيارات الصيني
ثانيا حضرتك بتتكلم عن عربيتك على انها انجليزي بتقفيل صيني
فهل موديل حضرتك موجود فى انجلترا
اعرف ان ال750 موجوده من قبل ما تتحول الشركة للصين
فهل جميع منتجات الشركة بما فيهم سيارة حضرتك كانوا موجودين فى الشركة الانجليزية سابقا

جميل ان تشترى الشركات الصينية شركات اوروبيه معروفة والاجمل ان يتم الاستفادة ونقل المعرفة لانتاجهم الصيني

ربنا يبارك لك فى سياراتك ويفرحك بيها دايما

لقيت مقالات قديمة مرتبطة بالموضوع
http://www.nilemotors.net/Nile/192864-roewe-350-a.html

http://www.nilemotors.net/Nile/192866-roewe-750-a.html

http://www.nilemotors.net/Nile/192865-roewe-550-a.html

http://www.nilemotors.net/Nile/227209-mg.html

**chef** · 12-02-2015 06:08 PM

والله انا عن نفسى معايا بيجو 508 فى السعوديه فل اوبشن وبا امانه عربيه محترمه بكل المقاييس ... ولما جربت ام جى 750 الفل اوبشن با امانه شديده ومش هابالغ ابداااا ... كا انى راكب بى ام 320 والجوده والتقفيل انا مع الاخ اللى امتلك ام جى ااؤيده بكل كلمه قالها ... وهى فعلا صينى وبا ايدى صينيه بس تحت اشراف الانجليز لا انها ام جى .. ومش بسهوله لا اى شركه عالميه وماركتها كان فى يوم الايام له صدى عند شريحه كبيرة على مستوى العالم انهم يفرطو فى الاسم الا ان كان انهم على قناعه تامه بالشركه اللى بتستخدم اسمهم . وللمعلومه الشركه دى كان يوم من الايام امتلكتها بى ام دبليو وانتجت من خلالها مينى كوبر ... واكبر دليل ان العربيه دى تقفيل جامد جداا وامكانيات عاليه جداا تقفيل جميع السيارات زى اللى فى انجلترا بالضبط والكمال .. اللهم بس صنع فى الصين . واللى ماجربش العربيات دى وسواقتها فعلا اتمنى مايفتى بدون علم

**Moamen Hossam** · 29-03-2015 01:51 AM

المشاركة الأصلية كتبت بواسطة RedBull_30

الموضوع بقى سخيف بصراحة

عارفين لما بنيجي نقنع طفل لاكله فيها فايدة ليه وهو مش متقبلها !!

انا من اول ما بدأت كتابة عنها وانا بقول انها متصنعة في الصين .. العربية فعلا صينية .. العربية كلها صيني ..
بس نضيفة أوي لدرجة متتصدقش . لدرجة ان في شركات ياباني و كوري مجتلهاش الجرأة وتنزل عربية بالخامات دي وبالسعر ده .
العربية بنضافتها وتقفيلها و قوة الموتور والعفشة والصاج تقارن بالاوروبي النضيف .

عند حق في كل كلمه قولتها انا عموما حجزت الام جي 350 الفئه C بصراحه حاجه تحف تقفيل وخامات وصاج تقيل ومحمل ونضافه زي محضرت قولت مش موجوده غير في الاوربي النضيف والغريبه ان اسعار قطع الغيار رخيصة بالمقارنه بالكوري في نفس الفئه, وبالنسبه لموضوع الصيانه عرفت ان مركز الصيانه الرئيسي في 6 اكتوبر انضف واكتر حرفيه وهو ده ان شاء الله الي هعمل الصيانات فيه على الرغم من انه بعيد عني جدا عشان انا ساكن في التجمع الخامس, عموما ربنا يباركل في العربية ويكفيك شرها و ياباشا استمتع بالعربية ومتتعبش دماغك.

**carrier** · 30-03-2015 02:42 AM

المشاركة الأصلية كتبت بواسطة moamen hossam

انا عموما حجزت الام جي 350 الفئه c

مبروك

اللى حجزتها 2014 ... ولا 2015

**Moamen Hossam** · 30-03-2015 05:10 AM

المشاركة الأصلية كتبت بواسطة carrier

مبروك

اللى حجزتها 2014 ... ولا 2015

الي حجزتها 2014 لسه 2015 جايه في الطريق خلال شهر او شهر ونص حسب كلام مهندس المبيعات في فرع التوكيل في جسر السويس الاستاذ عمرو الضفراوي......وطبعا اكيد مش هيبقى عليها العرض الحالي سعرها 125 الف بدل من 140 الف

**abou_zead** · 17-08-2015 12:36 PM

المشاركة الأصلية كتبت بواسطة redbull_30

الحمد لله رب العالمين انا اشتريت mg5 و فاقت كل توقعاتي .. وانا بشتريها كنت عامل حسابي ان هيطلعلي كذا مشكلة ولكن الحمد لله ملقتش غير اللي كنت بتمناه في عربيات اغلى منها و بدون مبالغة هي افضل منهم ..
اشتريتها من معرض في م نصر ورجعت بيها لاسكندرية وكانت النتيجة ان لاقيت :
- ثبات بدون مبالغة .
- محرك ناعم بالرغم ان سير التقسيمة جنزير .
- فرامل محترمة و بدون معاناة .
- خامات داخلية مش هتلاقيها غير على الاقل في vw .

تم تعديل العنوان ليتناسب مع المحتوى
م ب 3

بعد الفترة دي ياريت تقول لنا عن رأيك في العربية الان و هل رأيك اتغير عنها بمعني لو رجعك بك الزمن كنت هتشتريها و لا لأ و اتمنى يكون بكل امانة و شفافية و بدون تحيذ

**RedBull_30** · 20-08-2015 07:43 PM

عملت بالعربية اكتر من 20 الف كيلو .. الحمد لله لسة منبهر بيها .. وهكلمك بشكل هكون صادق فيه مع نفسي و يمكن يفيدك وهو انا مريت بازمة مالية وفكرت ان ابيع العربية وملقتش غير كل انتهازية من اللي عاوز يشتريها .. الكل عارف انها نضيفة و بيدخل ينبهر جواها .. بس عاوزين يخدوها بثمن بخس .. وانا عربيتي ما شاء الله زيها زي اي عربية اختها في صالة العرض .. دوست على نفسي و بدأت اعدي الازمة و ربنا يباركلي فيها ..
عيب العربية الوحيد هو السوق المصري للسيارات العجيب .. سوق الامّعه .