رابطه مالكي الباسات b5&b5.5 من 1996 الي2005

**ahmad0nasser** · 23-05-2014 03:36 PM

السلام عليكم و رحمة الله و بركاته
انا سعيد جدا اني انضميت للمنتدي العملاق ده و انا معايا ربية باسات موديل 2000 اوتوماتيك 1600 سي سي
كنت رايح بيها الحرفيين اجيب حاجات و انا اصلا من طنطا و قبل ما ادخل الحرفيين ب 3 كيلو كدا لاقيت لمبة الزيت قادت اصفر .. و اللي اعرفه ان لمبة الزيت بتنور احمر .. سألت عند كهربائي بتاع كنترول قاللي انه العداد معلق علشان دخل مسح العطل من علي الكومبيوتر و اللمبة بردو قايدة اصفر .. روحت اغير الزيت لاقيته ناقص .. و حطيت زيت شل 2000 كيلو الاحمر ده و بردو اللمبة قايدة اصفر .. انا مش عارف ايه العيب ده حد يفيدني من فضلكوا لأني هتجنن و خيف يكون خطر

و شكرا مقدما

**FAR!D** · 23-05-2014 04:36 PM

المشاركة الأصلية كتبت بواسطة manchestr_viru

الاماكن دي اروحها ازاي من المعمورة ؟

عارف جامع العمري او مستشفى دار اسماعيل للولاده؟
او اوصل لمحطه مصر و اسأل اروح صلاح الدين ازاي

**Ahmed Saad** · 23-05-2014 07:54 PM

المشاركة الأصلية كتبت بواسطة manchestr_viru

كنت عايز اشاركوا تجربة ...ّ كان في تزييقة مع المقص لما بكون نازل من مطب و كذا حد قالي كده محتاج تغير مقص ..... روحت لواحد عفشجي مشهور عندنا قالي روح اغسل العربية من تحت و خليه ينضفلك المقص ... و فعلا التزييقه راحت

الحاجه التانية سؤالين .... عندي العربية بتنتش بين الغيار التاني و التالت مش عارف بسبب الزيت وحش ولا ايه هو انا كنت جايبلها اخر مرة زيت من بنزينة شيل كان الجركن ب ٣٠ جنيه ....ياريت تفيدونا نوع الزيت الكويس ايه و بكام و منين

السؤال التاني في مكان في اسكندرية زي التوفيقية في القاهرة الاقي فيه قطع غيارها و الاسعار اغلي من القاهرة ولا لأ و اشتري من هناك ولا استني لما انزل القاهرة

فعلا موضوع التزيقه ده موجود وبيروح مع غسيل العربيه وبالنسبه لزيت الفتيس انت فتيسك مانيوال ولا اتوماتيك علشان انت لو اتوماتيك يبقى ارتكبت جريمه في حق عربيتك لأن زيت الفتيس بتاعها العربية دي الاتوماتيك بيبقى زيت ابيض عندك الأصلي ب 275 ج للتر ونوع اسمه فيبي ألماني نضيف ب 100 ج من شارع دمشق و 125 في المحلات الأخرى ويتغير فلتر زيت الفتيس والعربيه بتاخد 4 لتر

**Ahmed Saad** · 23-05-2014 08:02 PM

المشاركة الأصلية كتبت بواسطة ahmad0nasser

السلام عليكم و رحمة الله و بركاته
انا سعيد جدا اني انضميت للمنتدي العملاق ده و انا معايا ربية باسات موديل 2000 اوتوماتيك 1600 سي سي
كنت رايح بيها الحرفيين اجيب حاجات و انا اصلا من طنطا و قبل ما ادخل الحرفيين ب 3 كيلو كدا لاقيت لمبة الزيت قادت اصفر .. و اللي اعرفه ان لمبة الزيت بتنور احمر .. سألت عند كهربائي بتاع كنترول قاللي انه العداد معلق علشان دخل مسح العطل من علي الكومبيوتر و اللمبة بردو قايدة اصفر .. روحت اغير الزيت لاقيته ناقص .. و حطيت زيت شل 2000 كيلو الاحمر ده و بردو اللمبة قايدة اصفر .. انا مش عارف ايه العيب ده حد يفيدني من فضلكوا لأني هتجنن و خيف يكون خطر

و شكرا مقدما

بص يا باشا بالنسبه للمبه الزيت لما تنور اصفر العربيه دى فيها حساس درجه لزوجه الزيت و مستوى الزيت لما الزيت بيخف أو ينقص المفروض تنور لون اصفر والمشكله اللي عندك ممكن يكونالحساس ده باظ اأو الفيشه بتاعته واقعه المهم تروح لكهربائي يفك الكرتيره بتاعت الحمايه اللي تحت الموتور هتلاقي فيشه متوصله بحساس طالع من كرتيره زيت الموتور ممكن يحتاج يتغير وتشوفه جديد وان شاء الله تظبط وأي استفسار في العربيه انا تحت أمرك

**manchestr_viru** · 24-05-2014 12:46 AM

المشاركة الأصلية كتبت بواسطة hitmangate

فعلا موضوع التزيقه ده موجود وبيروح مع غسيل العربيه وبالنسبه لزيت الفتيس انت فتيسك مانيوال ولا اتوماتيك علشان انت لو اتوماتيك يبقى ارتكبت جريمه في حق عربيتك لأن زيت الفتيس بتاعها العربية دي الاتوماتيك بيبقى زيت ابيض عندك الأصلي ب 275 ج للتر ونوع اسمه فيبي ألماني نضيف ب 100 ج من شارع دمشق و 125 في المحلات الأخرى ويتغير فلتر زيت الفتيس والعربيه بتاخد 4 لتر

اه للاسف اتوماتيك....هروح اغيره و اجيب اللي قولتلي عليه....هل فيه ضرر علي الفتيس من الفترة دي اللي مشيت بيها بالزيت الغلط ؟

**manchestr_viru** · 24-05-2014 02:10 AM

المشاركة الأصلية كتبت بواسطة manchestr_viru

شكرا يا كبير

صلاح الدين دي في المنشية ؟

**FAR!D** · 24-05-2014 05:32 AM

المشاركة الأصلية كتبت بواسطة manchestr_viru

صلاح الدين دي في المنشية ؟

اه تعتبر المنشيه

**manchestr_viru** · 26-05-2014 09:02 PM

طيب سوال تاني معلش هو نور العربية له كتاوت ؟ اصل انا حاسس ان النور بتاعها في كل درجاته ضعيف مش عارف ليه ؟
و عايز اعرف اعلي درجة من النور عندي ده نور ابيض ولا زينون اعرف ازاي ؟
نزلت من شغلي النهاردة لقيت عربية اسعاف خبطتلي المرايا كسرتلي ضهارها البلاستيك اللي واخد لون العربية...فهل الجزء ده بيتباع لواحده ولا هضطر اجيب مراية كاملة ؟