الموضوع: رابطه مالكي الباسات b5&b5.5 من 1996 الي2005

المشاركة الأصلية كتبت بواسطة manchestr_viru

اها ربنا يكرمك فعلا هم محتاجين يتنضفوا و مصفرين اوي
طيب هة انا عندي الكوبلن الشمال لازم اغيره لكن اليمين طاطاته ضعيفه اوي ده اذا اصلا استخدمت اخر الدريكشيون يمين قهل اشتري راس كوبلن للشماا بس ولا اجيب الناحيتين مع بعض ؟

بص بالنسبه للكوبلن الأفضل تغير الاتنين مع بعض بدل ماتفتح الشغل مرتين يبقوا مره واحده والو عايز تجيب كوبلن نضيف عندك ماركة اسمها مايلي دي نضيفه اوى بس غاليه الفرده بتعمل 600 ج ولو عايز حاجه رخيصة عندك من اول 250 للفرده

المشاركة الأصلية كتبت بواسطة hitmangate

بص بالنسبه لنور العربيه مالوش كتاوت وشوف ممكن يكون سبب ضعف النور أن الفانوس مصفر وعاوز يتنضف بس عموما هو نور العربيه انا كنت حاسه مش قد كده فمركب زينون لاني بسافر بالعربيه كتير بص بالنسبه للزينون بتلاقي جهاز صغير راكب قريب من الفانوس وخارج منه سلوك داخله على الفانوس متوصله بلمبه ده الزينون لو مش موجود يبقى معندكش زينون وعلشان تقوى النور عندك حل من اتنين تركب كتاوت بلمبات قويه وده طبعا لازم يكون الفانوس نضيف أو تركب زينون هيفرق معاك اوى وبالنسبه للمرايه فبصراحه معرفش اذا كان بيتباع لوحده ولا لا عموما لما انزل القاهرة هسأل لك عليها لاني مسافر دمياط دلوقتي فى شغل فربنا يسهل ارجع واشوفهالك

كدة تنزل دمياط ومتقلش انا جمبك ياراجل كنت شفتك

المشاركة الأصلية كتبت بواسطة manchestr_viru

ربنا يكرمك بس قولي لو مش هجيب مايلي و عايز حاجه تكون كويسه اجيب ايه ؟ هل في نوع الماني تاني ارخص ؟
وهل ينفع اجيب عدسة اركبها للزينون خاصة اني اكتشفت ان الزينون متركب من غير عدسة و ظابط المرور شاورلي و قالي ركب عدسة

بص فيه هتلاقي أنواع بيقولو ألماني بس مش مضمون في ماركة اسمها sk هيا شركه ألماني بس تقريبا الكوبلن ده تقفيل صيني يعني صيني على خط انتاج ألماني وبالنسبه للعدسات انا عندي فانوس فيه عدسة مش متركبه بس ممكن تركبها بس خلي بالك ولا ليها لازمه وبتضعف الزينون لو تعرف تلاقي فوانيس كريستال للعربية هتاخد مستوى اضاءه عالي من غير زينون كمان

محمد باشا والله انا لو عارف انا كنت هتصل بيك واقابلك من غير ماتقول بس الواحد مهموم بالانتخابات وانت عارف لو انت لسه في دمياط كلمني علشان اشوفك

أعضاء الرابطه الكرام من كام يوم غيرت بارات الدركسيون الداخلية والخارجية علشان العربيه كانت بتدبدب في الحتت المكسره جبتهم تركي لأن كل اللي لقيته في السوق بقولو ألماني وهو صيني فقولت خلينا في التركي أفضل وجبتهم كلهم اللي بره واللي جوه ب 600 ج والحمد لله الدنيا ظبطت المهم بقى أثناء التغيير اتذهلت انا والميكانيكي لما لقينا البارات القديمه المفكوكه الاصليه بتاعت بلدها فقلت والله زي الفل

أعضاء الرابطه الكرام بما أننا دخلنا في الصيف والحر فلازم الناس تفتكر تنضيف دوره التبريد بتاعت العربيه نظرا لأهميتها وحماية الموتور من السخونة وأهم حاجه بعد التنضيف نحط مياه حمرا موبيل أو توتال انا عن نفسي شفت توتال الحمرا لقيتها صنع في فرنسا الجركن 4 لتر ب 63 ج في محطات توتال والمياه بتاعت توتال تفي متطلبات vw وموصي بيها ومعتمدة من vw فقلت أذكر الناس علشان عربيتنا تكون سليمه ومضبوطه