رابطه مالكي الباسات b5&b5.5 من 1996 الي2005

**aymanabdelwhab** · 02-11-2014 04:45 PM

المشاركة الأصلية كتبت بواسطة ahmed saad

بسم الله ماشاء الله ربنا يباركلك فيها ويديك خيرها ويكفيك شرها عموما انا هقترح عليك اقتراح هتروح بالكنترول القديم لواحد كهربائي متخصص كنترولات في الحرفيين اسمه رشاد ومعاك الكنترول الأصلي بتاع العربيه اللي هوا بايظ وقوله على مشكلتك وانك مركب كنترول بورا واللي عامله في النقلات وخليه يصلح القديم لو يعرف وهوا أن شاء الله كويس وهيلاقيلها حل بإذن الله لو منفعش معاه تصليح يبقى دور زي ماقولتلك بس ان شاء الله يتصلح لأن الكنترول عباره عن ايسيهات جوا كل واحد ليه رقم فهوا بيكشف على البورد بتاع الكنترول ويشوف اني ic ضارب ولو هوا لقى واحد ضارب بيغيره وبيشتغل حلاوه تاني وعموما انا هنزل قريب خريطه الفيوزات بتاعت العربيه بأرقام الفيوزات المظبوطه علشان الفيوزات لما بتبقى أعلى من الامبير بتاعها بتضرب كنترول على طول لو حصل مشكله فمش بتقوم بعملها صح وربنا يوفقك وان شاء الله خير

طب تمام زي الفل انا فعلا فكيته بس كنت سايبه مع واحد صاحبي فضيع الاي سي اللي كان ضارب ومش عارفيين نجيب رقمه فشكلها كده فيها طلعه للحرفيين ... عموما انا هستني الخريطه بتاعت الفيوزات دي اما تنزلها وربنا ييسر الحال

**Muhammad 80** · 03-11-2014 09:47 AM

المشاركة الأصلية كتبت بواسطة ahmed saad

يامحمد باشا ده لا شكر علي واجب واهم حاجه ابقي طمنا عملت ايه

آسف جداً اتأخرت فى التقرير بتاعى :) نظراً لبعض الظروف
المهم حقول النقط المهمة لأنى أعتقد انها حتفيد ناس كتير
المشكلة كانت العربية لما بعدى بعض المطبات الرخمة شوية أول ما أعدى بالفردتين اللى قدام العربية بتنزل تهبد على المطب أو ساعات تحك جامد من تحت
بالنسبة للفحص رفعنا العربية وكشفنا على المساعدين والمقصات واليايات والتشخيص جلب المقصين قدام تحت (العدلين مش المحنيين) بايظين
الحل جبنا جوز مقصات جداد (نوع اسمه rts ألمانى وتمنهم ٩٠٠ جنيه للمقصين)
الحقيقة مكنتش مقتنع أوى بالموضوع بس بعد التغيير فرق كتير فعلاً الأداء وحتى الآن متكررش موضوع الهبد والحك على المطبات الحمد لله

بعد كده قالولى روح اظبط زوايا بس وانا ماشى بقيت اسمع صوت زى نشر الألوميتال وأنا ماشى ومع الفرامل بحس الدواسة بتتهز جامد وبتبان اوى لما اهدى بالعربية جامد لما سرعتها تقل وتقرب تقف
رجهتلهم فحصوا التيل والطنابير وقالولى كان فيه صفيحة بتحك فى الطنبور وعدلناها

مشيت لقيت الأمور احسن وهى ماشية بس موضوع الفرامل لسه فقالولى اظبط زوايا الأول
رحت بريدجستون اظبط زوايا وقالى خلى العفشجى يظبط العجلة اليمين نص درجة للخارج والشمال نص درجة مش فاكر فى اى اتجاه عشان متحدفش منك يمين ولو مش حاسس بيها اوى نظبط على كده فقلتله اظبط المهم ظبط الزوايا على كده وخرجت لقيت الفرامل احسن لكن مازال العيب موجود بيبان لما اهدى جامد
رجعت تانى لمركز الصيانة واحنا بنتكلم الميكانيكى بتاعهم سمعنا فقالى دى عيب abs
بصراحه كلامه مش مقنع حط العربية على الجهاز مقالش فيه مشكله
رفعنا العربيه وفكينا الحساسات من جنب العجل قدام من جوه لقينا الحساسات فعلا عليها شحم خفيف وتراب
رشوهم بال wd 40 ونشفوهم وركبنا وطلعت اجرب
لقيت الدنيا ظبطت وزى الفل بصراحة كنت مستغرب اوى من التشخيص ده ومكنتش مقتنع خالص بس النتيجة هى اللى حكمت فحبيت احكيلكم القصة دى يمكن حد منكم يواجهها فيبقى عارف المشكلة فين بدل ما يلف ويدور زى ما حصل معايا

**a7md.5alifa** · 03-11-2014 08:47 PM

المشاركة الأصلية كتبت بواسطة muhammad 80

آسف جداً اتأخرت فى التقرير بتاعى :) نظراً لبعض الظروف
المهم حقول النقط المهمة لأنى أعتقد انها حتفيد ناس كتير
المشكلة كانت العربية لما بعدى بعض المطبات الرخمة شوية أول ما أعدى بالفردتين اللى قدام العربية بتنزل تهبد على المطب أو ساعات تحك جامد من تحت
بالنسبة للفحص رفعنا العربية وكشفنا على المساعدين والمقصات واليايات والتشخيص جلب المقصين قدام تحت (العدلين مش المحنيين) بايظين
الحل جبنا جوز مقصات جداد (نوع اسمه rts ألمانى وتمنهم ٩٠٠ جنيه للمقصين)
الحقيقة مكنتش مقتنع أوى بالموضوع بس بعد التغيير فرق كتير فعلاً الأداء وحتى الآن متكررش موضوع الهبد والحك على المطبات الحمد لله

بعد كده قالولى روح اظبط زوايا بس وانا ماشى بقيت اسمع صوت زى نشر الألوميتال وأنا ماشى ومع الفرامل بحس الدواسة بتتهز جامد وبتبان اوى لما اهدى بالعربية جامد لما سرعتها تقل وتقرب تقف
رجهتلهم فحصوا التيل والطنابير وقالولى كان فيه صفيحة بتحك فى الطنبور وعدلناها

مشيت لقيت الأمور احسن وهى ماشية بس موضوع الفرامل لسه فقالولى اظبط زوايا الأول
رحت بريدجستون اظبط زوايا وقالى خلى العفشجى يظبط العجلة اليمين نص درجة للخارج والشمال نص درجة مش فاكر فى اى اتجاه عشان متحدفش منك يمين ولو مش حاسس بيها اوى نظبط على كده فقلتله اظبط المهم ظبط الزوايا على كده وخرجت لقيت الفرامل احسن لكن مازال العيب موجود بيبان لما اهدى جامد
رجعت تانى لمركز الصيانة واحنا بنتكلم الميكانيكى بتاعهم سمعنا فقالى دى عيب abs
بصراحه كلامه مش مقنع حط العربية على الجهاز مقالش فيه مشكله
رفعنا العربيه وفكينا الحساسات من جنب العجل قدام من جوه لقينا الحساسات فعلا عليها شحم خفيف وتراب
رشوهم بال wd 40 ونشفوهم وركبنا وطلعت اجرب
لقيت الدنيا ظبطت وزى الفل بصراحة كنت مستغرب اوى من التشخيص ده ومكنتش مقتنع خالص بس النتيجة هى اللى حكمت فحبيت احكيلكم القصة دى يمكن حد منكم يواجهها فيبقى عارف المشكلة فين بدل ما يلف ويدور زى ما حصل معايا

جبتها منين المقصات ب ٩٠٠ جنيه و اتاكدت انهم الماني عشان اللي اعرفه ان تمنهم ٤٠٠٠ الالف ؟

**muhamed mohsen** · 03-11-2014 09:09 PM

الاستاذ الفاضل /احمد سعد.. استفسار بخصوص موتور tsi 1400
هو ينفع نحط 92 على 95 ولا غلط .. ولو نويت اغير واحط 95 .. لازم التانك يفضى من 92 ولا عادى.. وسؤال مهم جدا جدا .. دلوقتى لو غيرت وحطيت 95 .. وفضلت ماشى عليه كتير يعنى سنتين او اكتر .. وحصل ظرف .. مثلا خلانى ارجع ل92 .. او بعت العربيه لواحد المفروض والغالب انه هيستعمل 92 .. العربيه هتبقى ايه حالتها .. طبيعى هيقل السحب ودا عادى ..لكن يعنى هتبقى عاديه ولا ممكن يأثر ويسبب اضرار لاقدر الله عليها

**aymanabdelwhab** · 03-11-2014 11:37 PM

المشاركة الأصلية كتبت بواسطة ahmed saad

السلام عليكم أعضاء الرابطة الكرام من فتره كده كنت غيرت طقم الرشاشات وقولت هعملكم بيه تقرير بعد التجربه طبعا انا مشيت تقريبا بالعربيه حوالي 500كم والنتيجة أن الاستهلاك جوه البلد الصفيحه عملت حوالي 220كم مع التكييف وفي السفر سافرت بيها من اسماعيلية إلى القاهره مع شويه مشى النهارده عملت 10لتر لكل 150كم يعني الحمد لله في السفر تقريبا عملت ال 100كم ب 6 لتر وده استهلاك ممتاز للباسات وطبعا السبب أن زي ماقولت الرشاش ده كان اتنين فتحه من تحت والقديم كان 4 فتحه والحمد لله الرشاشات الجديده مأثرتش على السحب إطلاقا وجبت بالعربيه 190 والتجميع كان احسن من الأول الحمد لله فدي التجربه مع طقم الرشاشات الجديد وان شاء الله في تقرير تاني هعمله قريب عن مشكله كانت عندي في العربيه وانا لاقيتلها حل إن شاء الله ينفع بس وانا بجرب دلوقتي وهقولكو النتائج وسبب المشكله وحلها أن شاء الله

كبيرنا ... الله يباركلك فين المصلحه دي عايز اعملها ده استهلاك ممتاز جدا ... اديني التفاصيل معلش او قولي في صفحه كام عشان انا خبطت في الكومنت ده صدفه ... شكلي هصرف تاني بس لو زي ما بتقول هتوفر جامد اوي في حوار البنزين

**munse2004** · 04-11-2014 10:14 AM

جارى البحث عن بليه امامى للباسات 2000
بعد ما جبت واحده صينى مكملتش يوم والله العظيم غير الفك والتركيب والخراط
لن استعمل قطع غيار الا الالمانى

**Ahmed Saad** · 04-11-2014 01:13 PM

المشاركة الأصلية كتبت بواسطة muhamed mohsen

الاستاذ الفاضل /احمد سعد.. استفسار بخصوص موتور tsi 1400
هو ينفع نحط 92 على 95 ولا غلط .. ولو نويت اغير واحط 95 .. لازم التانك يفضى من 92 ولا عادى.. وسؤال مهم جدا جدا .. دلوقتى لو غيرت وحطيت 95 .. وفضلت ماشى عليه كتير يعنى سنتين او اكتر .. وحصل ظرف .. مثلا خلانى ارجع ل92 .. او بعت العربيه لواحد المفروض والغالب انه هيستعمل 92 .. العربيه هتبقى ايه حالتها .. طبيعى هيقل السحب ودا عادى ..لكن يعنى هتبقى عاديه ولا ممكن يأثر ويسبب اضرار لاقدر الله عليها

بص عادي انك تحط 92 على 95 والموضوع ده بيعملو الناس اللي معاها الباسات 2008 ال1600 fsi لأن الموتور ده لازم 95 فبيخلطو 92مع 95 علشان يقل التسقيف وطبعا الأداء هيختلف مع بنزين 95 كتير ولو رجعت 92 بعد 95 عادي المشكله كلها في موضوع البنزين أن الموتور يسقف أو لا يعني لو مش بيسقف مع 92 يبقى تمام ومفيش اي مشاكل هتحصل في الموتور مشكله الموتور مع البنزين التسقيف والرصاص وغالبا بنزين مصر خالي من الرصاص لاكن توكل على مافيش مشاكل طالما زي ماقولتلك مش بتسقف وان شاء الله خير

**Ahmed Saad** · 04-11-2014 01:21 PM

المشاركة الأصلية كتبت بواسطة aymanabdelwhab

كبيرنا ... الله يباركلك فين المصلحه دي عايز اعملها ده استهلاك ممتاز جدا ... اديني التفاصيل معلش او قولي في صفحه كام عشان انا خبطت في الكومنت ده صدفه ... شكلي هصرف تاني بس لو زي ما بتقول هتوفر جامد اوي في حوار البنزين

والله مش فاكر صفحه كام بس دور في آخر 10 صفحات وعموما انا لما غيرت طقم الرشاشات كان عندي مشكله في رشاشين فجبت طقم رشاشات استيراد وبالصدفة جبت اللي معايا والمسطره كامله بالرشاشات كنت جايبها ب300ج وغيرت معاها الموبينه علشان كانت باظت ب300ج استيراد وكنت بالصدفه ببص على الرشاشات من تحت لاحظت انها فيها 2 فتحه زي خرم الابره والقديم اللي عندي كانت 4 فتحه وفرقت جدا في استهلاك البنزين لحد ماوصل معايا والحمد لله اني عملت 236كم بأول شرطه في عداد البنزين بس وانا رافع مع التعليق ده صوره لعداد عربيتي هتلاقيها في آخر كام صفحه وخلي بالك انا برضه سواقتي هاديه شويه يعني مش بدي كيك داون كتير وبدي الفتيس راحته في النقل ده غير ان اغلب مشيي سفر في طريق مفتوح وفعلا كان موضوع كويس ووفر معايا الحمد لله كويس

**Ahmed Saad** · 04-11-2014 01:28 PM

المشاركة الأصلية كتبت بواسطة munse2004

جارى البحث عن بليه امامى للباسات 2000
بعد ما جبت واحده صينى مكملتش يوم والله العظيم غير الفك والتركيب والخراط
لن استعمل قطع غيار الا الالمانى

بص هتاخد البليه القديمه وتنزل بيها التوفيقيه وتروح لتوكيل skf بتاع البلى وفيه واحد برضه جنب محطه احمد عرابي بتاعت المترو على صف بنزينه موبيل ده شغال في البلى الياباني الkoyo والالماني skf و zf هتديله البليه وقوله عاوز بليه زي دي وهيجيبهالك نفس المقاس بإذن الله وهتنساها لأن الناس دي بتشتغل في البلى بس فبيجيبوا بلى اصلي مش صيني مضروب شوف كده وتوكل على الله وأن شاء الله خير

**Muhammad 80** · 04-11-2014 08:47 PM

المشاركة الأصلية كتبت بواسطة a7md.5alifa

جبتها منين المقصات ب ٩٠٠ جنيه و اتاكدت انهم الماني عشان اللي اعرفه ان تمنهم ٤٠٠٠ الالف ؟

لا يا باشا فيه لبس فى الموضوع
أنا قلت مقصين اتنين قدام تحت العدلين مش الطقم كله
النوع ده ألمانى وممكن تدور عليه على جوجل اسمه rts

الموضوع: رابطه مالكي الباسات b5&b5.5 من 1996 الي2005

LinkBack

أدوات الموضوع

عرض

-

-

-

-

-

المواضيع المتشابهه

رابطه مالكي الاكسنت الrb :تقرير عن السياره من كل مالكيها في المنتدي

رابطه مالكي الفيرنا ...الجزء الاول الاخير

إستفسار من مالكي الباسات 2008 الهاي لاين.........

رابطه مالكي الاوبترا

رابطه مالكي النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة