البيحو مطلعتشي بيجو

**metal_slime** · 25-01-2014 07:35 PM

كلامكم كلكم صح بس مش بينطبق على كل الحالات وعندك مثلا عربية فولكس فاجن جول او بوينتر (إللى هى برضه جول ) اللى اتجمعت وصنع منها اجزاء كتير فى البرازيل و لم تحقق الإنتشار المرجو فى مصر ولم تحقق نفس كفاءة الماركة إللى هى شيلاها (فولكس فاجن ) والعربية دى كانت موجهة تحديدا لسوق للمكسيك ومصر و اوكرانيا وروسيا وتم تصنيعها فى إيران فيما بعد

وبعدين احنا ناسيين البيجو باريس اللى نزلت مصر ومشاكلها ؟ كانت بيجو دى ولا مش بيجو ؟ وكانت معمولة فين ؟ وهل اتباعت فى السوق الأوروبى أو حتى بلدها الأم

يا جماعة التعصب لأى ماركة غلط

ومرة أخيرة دى مجرد نقاشات ودية مش ماتش كورة واى حد مش عجباه البيجو 301 او الستروين او البى ام او الفولكس او الفورد او او او من حقه يقول رأيه دون تضييق

**OSAMAMERA** · 26-01-2014 12:53 AM

المشاركة الأصلية كتبت بواسطة george yousef

سيارات ستروين اكثر انتشارا من البيجو فى شوارع باريس(سيبك من توكيلها فى مصر)بالاضافه انها اغلب سيارات الرئاسه الفرنسيه

**ahmedz310** · 26-01-2014 01:58 AM

المشاركة الأصلية كتبت بواسطة Ahmed Amin

مطلعتشي بيچو,؟! مفاجأة صح.؟!

طيب والأسد اللي جنب علامة سيتروين في الصورة دا, حضرتك مش شايفة ولا متجاهلة مثلاً.!

بيجو لم تصنع شئ,,!

طيب والأسد اللي جنب علامة سيتروين في الصورة دا, حضرتك مش شايفة ولا متجاهلة مثلاً.!

فاكرك أنا يا أستاذ إيهاب,
http://www.nilemotors.net/Nile/36921...post3875349438
http://www.nilemotors.net/Nile/39590...post3875342687

أولاً العربية تقفيل أسباني ١٠٠٪.

وثانياً شركة بيچو أشترت شركة سيتروين من زمان, وكل قطع غيارهم واحدة وكل علب قطع الغيار الأصلية بتطلع عليها علامة بيجو وستروين, والبيچو ٣٠١ والأليزيه بطلعو من مصنع واحد بنفس الماتور والفتيس والشاسية وكل حاجة ما عادا التصميم للعربيتين.
والصورة اللي أنت رافعها دي لقاعدة الموتور مش للموتور

وكدا كدا الموتورين واحد, وبيچو اللي عاملاه.

ثالثاً العربية قطع غيار معمولة في مصانع بيجو في المغرب زي الفوانيس, وقطع غيار تانية من البرازيل وقطع غيار تانية أتحاد أوروبي, والعربية متقفلة بالكامل ١٠٠٪ في أسبانيا.

والكلام دا بالنسبة لأغلب الأوروبي وليست البيچو فقط.

ما أروعك

**MaZaGAngeE** · 26-01-2014 01:27 PM

بيجو و ستيروين اندمجوا من زمان و بقوا شكرة واحدة ليها علامتين تجاريتين .... الشركة الامو اسمها : Psa
و حكاية انهم بيحطوا العلامتين مع بعض على القطع دي حاجة عادية جدا و هتلاقيها منتشرة جدا في الشركات اللي عندها كذا ماركة مشتركين في القطع زي جنيرال موتورز و فورد و تويوتا و غيرهم ....
انت اللي قلقت بس عشان متعرفش المعلومة دي .. و كويس انك عملت الموضوع عشان تعرف و تفهم اكتر في عالم شركات السيارات و دي حاجة كويسة انك تكتب و تسال او تحذر عشان نتعلم من بعض و نستفيد من المنتدى

**sonybony** · 27-01-2014 12:35 PM

المشاركة الأصلية كتبت بواسطة ihabsamir

أستاذ أحمد أمين هو حضرتك فاكرني يعني بحاجة وحشة ؟؟؟؟ مش فاهم يعني ايه فاكرك و علي العموم احييك علي ذاكرتك

لا تأخذ علي خاطرك يا استاذ ايهاب من بعض الاستهجان بمشاركتك وشكرا لانك اثرت بموضوعك بعض المعلومات الجديده ولك خالص التحيه وكالعاده يا ريت يا زملاء بلاش الكلام اللي من نوع زي كلامك ضحكني او ابقي خلي صاحبك بتاع المعرض يثقف نفسه واعتقد كلنا هنا بنتعلم من بعض ولما يكون فيه معلومه مغلوطه يا ريت نتناولها بشئ من الجد لا الاستخفاف لان هذا تسبب في ايقاف عضويه اعضاء هنا ولا بد من التعلم من الاخطاء ولكم خالص التحيه

**sonybony** · 27-01-2014 12:38 PM

المشاركة الأصلية كتبت بواسطة mazagangee

بيجو و ستيروين اندمجوا من زمان و بقوا شكرة واحدة ليها علامتين تجاريتين .... الشركة الامو اسمها : Psa
و حكاية انهم بيحطوا العلامتين مع بعض على القطع دي حاجة عادية جدا و هتلاقيها منتشرة جدا في الشركات اللي عندها كذا ماركة مشتركين في القطع زي جنيرال موتورز و فورد و تويوتا و غيرهم ....
انت اللي قلقت بس عشان متعرفش المعلومة دي .. و كويس انك عملت الموضوع عشان تعرف و تفهم اكتر في عالم شركات السيارات و دي حاجة كويسة انك تكتب و تسال او تحذر عشان نتعلم من بعض و نستفيد من المنتدى

وتأكيدا لكلامك هيونداي وكيا قطع غيار كثير بتلاقي عليها العلامتين

**Ahmed Amin** · 30-01-2014 02:13 AM

المشاركة الأصلية كتبت بواسطة ihabsamir

أستاذ أحمد أمين هو حضرتك فاكرني يعني بحاجة وحشة ؟؟؟؟ مش فاهم يعني ايه فاكرك و علي العموم احييك علي ذاكرتك

مش قصة فاكرك بحاجة وحشة, أو مش وحشة,,

أنا فاكر أنك قلت قبل كدا معلومات غلط برضه قبل كدا بدون تأكد,,
لما كنا بنتكلم عن النيسان صني وأنت قلت أن موتورها ياباني 100%
وأنا عرفتك أنو مش ياباني ولا حتي فيه ريحة الياباني ومتقفل في الهند,,

وبعدها قلت لي بعدها شكراً أني أكدت لك معلومة أن الموتور ياباني 100%

وانا مكنتش قلت كدا.!!!!!!

http://www.nilemotors.net/Nile/39590...post3875342687

المفروض لما حد يعمل موضوع بالمنتدي بيقول فيها معلومة للناس, يكون متأكد منها الأول,,

يا أما يعمل موضوع يسأل فيه مش عيب كلنا بنتعلم من بعض,,

لكن مش تقول أنا لاقيت الموتور ستروين وليس موتور بيجووو, وطبعاً دا كلام مش صحيح,,

وزي مانا قلت لك علي وصفك بالموضوع,,
لو كان صاحبك بتاع المعرض قالك الكلام دا من بقه, فهوا غير مؤهل لأنو يشتغل في المبيعات أو بيع عربيات سواء بيجو أو غيره,,

لأنه لازم يعرف هوا بيتكلم عن أيه الأول قبل ما يفتي بمعلومة غلط زي لما قال أنها تقفيل مغربي.!!

يعني لما بتاع المعرض يقول الكلام دا,, أومال اللي برة المعرض يقولو أيه..؟!

ودا طبعاً مش حقيقي لأن العربية تقفيل أسباني 100%
وأتحداه يجيب لك ورق بيقول أنها بتطلع من أي بلد غير أسبانيا,,

المشاركة الأصلية كتبت بواسطة ihabsamir

قالي السيارة تقفيل مغربي قلت له لالالالالا إنسي هي تقفيل أسباني و بالورق .
قالي خلاص تعالي نشوف

المفروض أنو يثقف نفسه شوية ويبقي عارف حتي أي معلومات ولو بسيطة عن الشركة اللي بيسوق لعربيتها,,

أو للعربيات اللي بيبيعها في المعرض بتاعه,, أو المعرض اللي شغال بدل ما يقول الكلام دا.!

المشاركة الأصلية كتبت بواسطة george yousef

مع كامل احترامى الشديد للزميل العزيز بس عايزابلغه ان ابنى فى المرحله الثانويه معلوماته اكثر بكثير من صديقك فى المعرض(اغلب معلوماته من المنتدى)

المشاركة الأصلية كتبت بواسطة Akram.Gamal

و بعد اذنك انصح. صاحبك صاحب معرض السياراات يدخل ع المنتدى يثقف نفسه شويه

متفق معاكم.

**Ahmed Amin** · 30-01-2014 02:14 AM

المشاركة الأصلية كتبت بواسطة ihabsamir

هو السؤال انا لو فتحت ماتور ال508 حﻻقي نفس العﻻمتين ؟؟؟ و ﻻ حيكون حادة تانية علي العموم سأذهب غدا للتأكد و أفتح ماتور ال508 و أشوف فعﻻ عليه العﻻمتين وﻻ ﻻء

أيوة طبعاً, هتلاقي نفس العلامتين ودا اللي أحنا وضحناه ليك,

رووح أفتح كبوت ال 508 هتلاقي نفس العلامتين,
وروح بعدها بالمرة أفتح كبوت ستروين C5 هتلاقي نفس الموتور ونفس العلامتين ونفس كل حاجة لأنهم أخوات حتي في الشاسية والفتيس والعفشة الخلفية وكل الحاجات الأساسية اللي قلت لك عليها دي.

بالتوفيق.

**د.عماد صلاح** · 30-01-2014 04:16 PM

يا جماعه.....بلاش تعصب لاي شئ ....تعالوا نتكلم بواقعيه و بهدوء كده
سعر العربيه كام
مواصفاتها ايه
توكيلها مين
اساسيتاها ...فتيس...موتور ...شاسيه معمول فين
قفيلها فين و شكله ايه

تعالوا نقارنها بعربيات في نفس السعر تقريبا او اقل او اغلي 5 الالاف
للامانه البيجو تاكلهم
العيب الرئيسي في العربيه انك عشان تاخده بالسعر الرسمي لازم تستني 3 اشهر وده عيب خطير