كي جي وان سواقة و عربيات

**OlaOsman** · 26-09-2008 10:32 PM

انا و غيري كتير من مبتدئي السواقة فيه عندنا أسئلة كتير.. ممكن نكون بنعمل حاجات في الشارع مش حاسين انها غلط، انما هي بتكون غلط خالص و احنا مش عارفين.. أكيد فيه حاجات بتضايق متمرسي السواقة من مبتدئيها فعلا نحب نعرفها.. محتاجين نصايح من اللي عايز فعلا يفيد.. و عشان مافيش توعية كافية بكثير من أمور السواقة و المرور و العربيات فليه ما يكونش الموضوع ده حاجة كده زي مرجع للناس اللي لسه في أول فترة سواقتها.

ممكن الموضوع ده يبقى متجدد على طول بأسئلة مبتدئي السواقة و بنصايح متمرسيها و ممكن يشمل سلوكيات الطريق، تكنيكات في السواقة، أسئلة خاصة بالعربية نفسها أو بطريقة سواقتها سواء مانيوال أو أوتوماتيك.. حتى لو حد من الناس الخبرة في السواقة شاف غلطة في الشارع عملها مبتدئ ييجي هنا و ينصح اللي لسه في أول سواقتهم انهم ما يعملوهاش و يقول لهم على التصرف الصح.

يا رب الموضوع ده يكون مفيد للجميع و يا ريت الناس اللي خبرة في السواقة هنا في المنتدى يشاركوا و يفيدوا غيرهم

**coolsh** · 26-09-2008 10:36 PM

اول نصيحه بتعصبني انا عن نفسي اوعى حد يمشى على الشمال ومش ناوي يدوس يعني بطئ خليك على اليمين او في النص لكن شمال لأ ولو اضطريت تمشي على الشمال يا ريت تلتفت للي وراك وتاخد بالك من الفلاشات والكلاكسات.....
تاني نصيحه ياريت تبصي في المرايات قبل الانتقال من حاره للتانيه وشوف يسمح ولا لا انك تدخل الحاره ده...
ودمتم سالمين

**OlaOsman** · 26-09-2008 10:46 PM

المشاركة الأصلية كتبت بواسطة coolsh

اول نصيحه بتعصبني انا عن نفسي اوعى حد يمشى على الشمال ومش ناوي يدوس يعني بطئ خليك على اليمين او في النص لكن شمال لأ ولو اضطريت تمشي على الشمال يا ريت تلتفت للي وراك وتاخد بالك من الفلاشات والكلاكسات.....
تاني نصيحه ياريت تبصي في المرايات قبل الانتقال من حاره للتانيه وشوف يسمح ولا لا انك تدخل الحاره ده...
ودمتم سالمين

المشكلة ان اليمين مصيدة للأتوبيسات و التاكسيات و كل ما هو بيقف فجأة و بيعمل ربكة للي بيسوق جديد.. ده غير ان أحيانا بيكون أتوبيس مثلا عطلان و اللي سايق واخد يمين زي ما الكتاب بيقول، يفوجأ بالأتوبيس او العربية اللي عطلانه و يبدأ يكسر شمال و يبص على المراية على اللي جاي وراه و دي بتكون صعبة اوي على اللي سايق جديد. اما المشي في النص فباحس انه مصيدة لكل اللي عايز يكسر عليك و أحيانا بتعمل نفسك ساندوتش و تضطر تهدي انت و تطلع من الاتنين اللي كبسوا عليك.. يعني تعب أعصاب.. فبيكون الحل هو أخد الشمال.. طبعا مش ده الحل الأمثل عشان الناس اللي ماشية بسرعة وواخدة الشمال هايجيلهم كده شلل أطفال، انما أحيانا بيكون ما باليد حيلة.

بالنسبة للمرايات انا باستغرب جدددددددددا من اللي ماشي قافل مراياته الاتنين.. ازاي بيعرف يمشي كده؟

شكرا جدا على النصايح

**coolsh** · 26-09-2008 10:56 PM

المشاركة الأصلية كتبت بواسطة OlaOsman

المشكلة ان اليمين مصيدة للأتوبيسات و التاكسيات و كل ما هو بيقف فجأة و بيعمل ربكة للي بيسوق جديد.. ده غير ان أحيانا بيكون أتوبيس مثلا عطلان و اللي سايق واخد يمين زي ما الكتاب بيقول، يفوجأ بالأتوبيس او العربية اللي عطلانه و يبدأ يكسر شمال و يبص على المراية على اللي جاي وراه و دي بتكون صعبة اوي على اللي سايق جديد. اما المشي في النص فباحس انه مصيدة لكل اللي عايز يكسر عليك و أحيانا بتعمل نفسك ساندوتش و تضطر تهدي انت و تطلع من الاتنين اللي كبسوا عليك.. يعني تعب أعصاب.. فبيكون الحل هو أخد الشمال.. طبعا مش ده الحل الأمثل عشان الناس اللي ماشية بسرعة وواخدة الشمال هايجيلهم كده شلل أطفال، انما أحيانا بيكون ما باليد حيلة.

بالنسبة للمرايات انا باستغرب جدددددددددا من اللي ماشي قافل مراياته الاتنين.. ازاي بيعرف يمشي كده؟

شكرا جدا على النصايح

كلامك مظبوط بس حتى لو مشيتي على الشمال خدي بالك من الي ورااكي...اما بالنسبه للمرايااااات الي بيكونوا قافلينها انا بزينون عالي بأدبهم في المرايه الي في النص..ولو منفعش كلاكساااااات لما يزهق من حياااته...وانتي تأمري..

**نور العمر** · 29-05-2009 11:21 PM

المشاركة الأصلية كتبت بواسطة OlaOsman

المشكلة ان اليمين مصيدة للأتوبيسات و التاكسيات و كل ما هو بيقف فجأة و بيعمل ربكة للي بيسوق جديد.. ده غير ان أحيانا بيكون أتوبيس مثلا عطلان و اللي سايق واخد يمين زي ما الكتاب بيقول، يفوجأ بالأتوبيس او العربية اللي عطلانه و يبدأ يكسر شمال و يبص على المراية على اللي جاي وراه و دي بتكون صعبة اوي على اللي سايق جديد. اما المشي في النص فباحس انه مصيدة لكل اللي عايز يكسر عليك و أحيانا بتعمل نفسك ساندوتش و تضطر تهدي انت و تطلع من الاتنين اللي كبسوا عليك.. يعني تعب أعصاب.. فبيكون الحل هو أخد الشمال.. طبعا مش ده الحل الأمثل عشان الناس اللي ماشية بسرعة وواخدة الشمال هايجيلهم كده شلل أطفال، انما أحيانا بيكون ما باليد حيلة.

بالنسبة للمرايات انا باستغرب جدددددددددا من اللي ماشي قافل مراياته الاتنين.. ازاي بيعرف يمشي كده؟

شكرا جدا على النصايح

+10000000000000000

كلام في منتها المظبوط

**OlaOsman** · 26-09-2008 11:02 PM

المشاركة الأصلية كتبت بواسطة coolsh

يا ريت تلتفت للي وراك وتاخد بالك من الفلاشات والكلاكسات.....

طيب بالنسبة للغة الفلاشات و تقليب النور انا باعتبر نفسي ضعيفة فيها حبتين.. فممكن بعد إذنك تشرح لي عنها أكتر.

**OlaOsman** · 27-09-2008 08:01 AM

المشاركة الأصلية كتبت بواسطة OlaOsman

طيب بالنسبة للغة الفلاشات و تقليب النور انا باعتبر نفسي ضعيفة فيها حبتين.. فممكن بعد إذنك تشرح لي عنها أكتر.

المشاركة الأصلية كتبت بواسطة OlaOsman

طيب بالنسبة لمطالع ومنازل الكباري لما تكون واقفة و العربية أوتوماتيك، اعمل ايه؟

سؤالين لسه ماحدش جاوبني عليهم.

معلش يا جماعة تاعبينكوا معانا

**Miss_Pharma** · 27-09-2008 08:13 AM

المشاركة الأصلية كتبت بواسطة OlaOsman

طيب بالنسبة لمطالع ومنازل الكباري لما تكون واقفة و العربية أوتوماتيك، اعمل ايه؟

موضوع حلو جدا يا علا ..
اعتقد انك هترفعي الهاند بريك وتجيبي على ال N
ساعتها لو شيلتي رجلك من على الفرامل العربية مش هترجع بيكي لورا ..
واعتقد حتى لو نزلتي الهاند بريك وانتي لسه على ال N برضه مش هتتحرك ..

ابقي جربي على كوبري فاضي وقوليلي

**OlaOsman** · 27-09-2008 08:37 AM

المشاركة الأصلية كتبت بواسطة Miss_Pharma

موضوع حلو جدا يا علا ..
اعتقد انك هترفعي الهاند بريك وتجيبي على ال N
ساعتها لو شيلتي رجلك من على الفرامل العربية مش هترجع بيكي لورا ..
واعتقد حتى لو نزلتي الهاند بريك وانتي لسه على ال N برضه مش هتتحرك ..

ابقي جربي على كوبري فاضي وقوليلي

شكرا يا ميس فارما على اهتامك :)

طيب هو انا ممكن أجيبها على الP و ما أشدش فرامل اليد؟

**Miss_Pharma** · 27-09-2008 08:38 AM

المشاركة الأصلية كتبت بواسطة Miss_Pharma

واعتقد حتى لو نزلتي الهاند بريك وانتي لسه على ال N برضه مش هتتحرك ..

ابقي جربي على كوبري فاضي وقوليلي

قصدي لو جبتي على ال p ..
بس يستحسن تفضلي رافعة الهاند بريك عشان متحمليش على الفتيس ..

الموضوع: كي جي وان سواقة و عربيات

LinkBack

أدوات الموضوع

عرض

العرض المتطور

-

-

-

المواضيع المتشابهه

سواقة السيدات

سواقة عربيات نقل

ا ب سواقة

معلم سواقة

سواقة بنات

الكلمات الدلالية لهذا الموضوع

المفضلات

المفضلات

ضوابط المشاركة