الموضوع: كي جي وان سواقة و عربيات

المشاركة الأصلية كتبت بواسطة OlaOsman

يعني فعلا لو على مطلع او منزل كوبري و كنت على ال D و شيلت رجلي من ع الفرامل و دوست بنزين العربية مش هاتتحرك مني؟؟

الكلام على المطالع

لو انت على ال D و شلتى رجلك من على الفرامل, العربية مش هترجع بضهرها, ده للكبارى عموما و المطالع العادية

لكن المنزل حاجة مختلفة, اكيد لو شلتى رجلك العربية من على الفرامل هتبدأ تتحرك, حتى لو حركة بسيطة

المشاركة الأصلية كتبت بواسطة OlaOsman

و في الحالة دي أنسى البنزين خالص و أشيل رجلي من ع الفرامل بحساب، صح؟

حسب الطريق طبعا

لكن غالبا الواحد بيسيب العربية تنزل لوحدها من غير اما يدوس بنزين, و يبقى رجله قريبة من الفرامل, ده فى حالة ان الطريق ماشى بسلاسة

لو الطريق واقف, هتلاقى رجلك على الفرامل معظم الوقت

المشاركة الأصلية كتبت بواسطة OlaOsman

جزاك الله خيرا يا إسلام و بارك لك على الشرح الوافي :)

طيب انا سمعت ان فيه لغة إشارات لما حد مثلا يكون داخل شارع ضيق قصادي و الشارع ما يساعناش احنا الاتنين مع بعض.. في الحالة دي تقليب النور معناه اني أرجع له و لا ايه؟ و هل لغة النور دي بتستعمل بالليل بس و لا بالليل و النهار كمان؟

لغه النور بتستعمل الصبح وبالليل وفي اي وقت زي الاشارات بتاعت اليمين والشمال

لما واحد يقلبلك نور في طريق ضيق مايساعكوش انتوا الاتنين يبقي بيقولك استني لغايه مايعدي هو الاول (بيحزرك انك ماتعديش )

كمان لو حد واقف في يوتيرن يقلب نور عشان ينبه اللي جي إنه طالع دلوقت فا يهدي شوية

او لو حد ماشي في الشمال و معدي علي يوتيرن بس مش هيلف فيه .. يدي إشارة يمين عشان ينبه اللي وراه و اللي جنبه إنه مش هيلف عشان محدش يلف عليه من اليمين و يخبطه .. و يقلب نور للناس اللي واقفة في اليوتيرن عشان ينبهم إنهم يستنوا ميعدوش دلوقت لو جي بسرعته

فيه حاجة مهمة جدا برضه
المفروض الواحد ياخد باله من ردود فعل العربيات الل امامه لان هو ممكن يكون شايف حاجة انته مش شايفها
يعني مثلا هو ادي انتظار وهو ماشي ادامك يبقي اكيد فيحة حاجة فمتحاولش تسرع وتتخطاه خد بالك ان اكيد فيه عائق
حاجة حصلتلي برضه وانا باتعلم ماشي علي الطريق وواحد قدامي ماسك شمال ومش عاوز يعديني
انا مش بحب اعدي من يمين الشخص وقعد فترة ماشي قدامي ومش عاوز يعديني
فجأة لقيته مدي اشاررة يمين انا طبعا المحية خدتني ورحت كابس علي العربية علشان الطريق قدامي هايفضي يا دوبك هو خلع يمين والاقي في وشي عربية كارو ساتر ربنا انا مش عارف انا لميت العربة ازياي
الحمد لله
اقصد اقوي اني اخد بالي من افعال اللي قدامي لانة غالبا مش هيروح يمين او شمال فجاة الا لو كان في حاجة
ومعملش انا بقي فيها عنتر واخش

فيه برضه نقطة دايما الواحد بيغلط فيها وهو بيتعلم في العربيات المانيول
ان العربي تبقي واخد غيار ويدور العربي طبعا لو قمامك عربية هتلبس فيها
فلازم تتاكد اولا قبل ما تحط ايدك علي المفتاح حطها علي الفتيس واتاكد انه ممور
يا اما وانا احبذ انك تتعود تدوس دبرياش وانته بتدور العربية حتي لو ممورة لان ده كمان بيخف الحمل ساعة الدوارة وبعدين بعد ما تدور وبعد ما تدي الغيار ايدك تلقائي تروح االهاند بيرك لاني دايما وانا باتعمل كنت بنساها
والواحد مش بيبقي حاسس بالعربية قوي في الاول فممكن يبوط الطنابير والتيل طبعا