يوميات مواطن بيسوق كل يوم في بلد راحت خلاص :(

**EngAhmedSayed** · 05-02-2014 11:52 AM

ياراجل دة انا ركنت عربيتى بقالها شهر مركونة تحت البيت و التراب عليها بالكوم
و مبركبهاش لانى حسيت هيجلى الضغط و السكر و القلب و الشلل

فقولت اخد اجازة من السواقة و اركب موصلات و بينى و بينك

ارتياح ما بعده ارتياح اه بقف فى الشارع بستنى ميكروباص او تاكسى
بس بقعد اتفرج بحس انى احنا فى غابة و الحيونات كلها بتاكل بعضها

ربك المستعان

**S O P H O S** · 06-02-2014 11:58 AM

والله فمصر
الواحد لما بيوصل مشوار بيحمد ربنا انه وصل

**Music DJ** · 07-02-2014 01:21 AM

المشاركة الأصلية كتبت بواسطة ashrafwolf

كله كوم و سواقين امبابه كوم تاني خالص ملاكي و نقل و ميكروباص و تاكسي و كارو
الناس لو تطول تطلع فوقك و تدوسك هتطلع
الميكروباص و الميني باص عندهم خط تخين بطول العربيه نتيجة الحك في العربيات المجاورة
التوكتوك زي الصراصير في المطبخ لما بتسيب الاكل كام يوم
الملاكي كله شايل الكلاكس و بيتعامل بالخبط

ياباشا اوعى تفكر ان الى عندنا دة عربيات عادية بالعكس دة اسلحة متطورة وعربيات مصفحة علشان لو حصل اى حرب يبقا معانا اسلحتنا الخاصة اعرفك الاول ب حاملات نقل الجنود هما بيروحو لسمكرى يفصل علبة صفيح 28 راكب ويشغلها خط (امبابة بشتيل) وعندك النسخة الحديثة من الميكرو باص هيا اسمها (ميكرو) بس متعرفش حاجة عن الباس دة حاجة كدة عبارة عن علبة كانز على شكل عربية نص نقل وشغالة على خط (بصراوى عزبة) ودة عربية الاقتحام والتدخل السريع وتقدر تحط عليها مدفع رشاش جرينوف تقيل واخطر سلاح عندنا هو المدرعة بتاعت (بشتيل لعبة) متعددة الاستخدام وممكن تتقلب حاملة صواريخ ارض جو او ارض ارض

**Ah.Farid** · 09-02-2014 04:04 PM

يا جماعة ان دة تصرفات فعلا موجود وبشكل يومى دة نتيجة الجهل والحالة الاقتصادية والاجتماعية والمجتمع كلة مساهم فى اللى بيحصل ,,,,,يا راجل انت لو لسة جايب عربية جديدة تلاقى الناس فى الشارع عاوزة تخوفك او تعدى قدامك يأما تتخبط وانت اللى هاتزعل لان عربيتك جديدة ,,,,ولو اتخبط فعلا تلاقى الناس شمتانة فيك وبتقول احسن اية اللى بيضيع فلوسة ويخلية يجيب عربية وكمان جديدة .....حاجات كتيرة بين الناس بقت اخلاقهم فيها غلط ومش نافع معاهم لا دين ولا تربية ولا قانون حتى ,,,,,
انا للاسف اولادى بيقلولى انت بتحب مصر كدة لية ولية عاوزنا نحبها ....اصلا احنا مش معجبين اوى لا ب شواع نظيفة ولا لغة حوار فى الشارع كويسة ولا معاملة بين الناس عدلة ولا اى خدمة من الخدمات ممكن تتعمل فى اى مصلحة حكومية او مستشفى او اى حاجة الا لازم تفتح مخك وتدفع الشاى ودفع المعلوم وكمان تجيب معرفة او واسطة عشان تخلص اللى انت عاوزة ,,,,,بس بحاول افهمهم ان دة ظروف بتعدى بيها البلد فى الفترة دة وان القاهرة مثلا كانت من انظف وافضل مدن العالم ,,,,وان بلدنا ليها تاريخ عظيم بس وللاسف تانى مرة احنا فى مرحلة الكبوة ,,,وانشاء الله نقوم منها وترجع مصر احسن من الاول ,,,,يا رب

**saddam** · 10-02-2014 12:20 AM

صديقي المواطن
إياك تقلق أو تشيل هم
قولا واحدا
إحنه إنتهينه خلاص ومعادش ينفع
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**khaled_sabry** · 11-02-2014 09:38 AM

المشاركة الأصلية كتبت بواسطة mo3tazanas

لا اركب 132 او 125 او 504 واللى ما يعجبكش اديلة بوسة

المشاركة الأصلية كتبت بواسطة تامر.محمد

ما دول الفئة اياها , بيتعاملوا بغباوة ما حصلتش , زود عليهم اللادا و الشاهين

ايه ياعم تامر حغضب عليك - انا معايا 504 :01964e~163:
بس مانكرشى قعدتها بتديلى ثقه و بتخليني ابقا متنح كأنك بالظبط راكب مدرعه (رغم ان كده كده البويه ححتبهدل)
بس انا بصراحه لما بلاقى فرفور بيرمى عليا علشان يطلع منى فى حته مزنوقه (غالبا بيبقى راكب BMW او لانوس او فيرنا او هوندا سيفيك ) برمى انا كمان عليه بلاقيه بيخاف و يتلم و الطريقه دى بتنفع مع الكل (و بالذات لو بنت ) ماعدا سواقين الميكروباص و السيزوكى الصغيره
و على فكره انا مش برمى علشان اطلع انا بقيت برمى علشان امنعه انه يزنق نفسه و يزنقنى و نتحك احنا الاتنين

**تامر.محمد** · 11-02-2014 09:54 AM

انا كتير بارمي قدامي لما يبقى اللي جنبي رامي جتته و عايز يرمي عليا

بس فعلا العربية اللي بتغري صاحبها انه يبلطج ...... اغلب راكبيها بيبلطجوا و انت عارف النفسيات يا خلود

**تامر.محمد** · 11-02-2014 12:12 PM

كتير بعد ما بيعملوا الحركة دي تكلمه يعمل من بنها

-

الموضوع: يوميات مواطن بيسوق كل يوم في بلد راحت خلاص :(

LinkBack

أدوات الموضوع

عرض

-

-

-

-

المواضيع المتشابهه

يوميات مواطن معاه فليشيا 1997

يوميات مواطن بعد الثوره

خلاص راحت على الدايو ولا ايه ؟

هل خلاص .. راحت على المـــاروتى ؟؟!!

يوميات مواطن مطحون - فى مرور ولا مصلحة السجون

الكلمات الدلالية لهذا الموضوع

المفضلات

المفضلات

ضوابط المشاركة