ياراجل ده الناس راكنه فى الصينيية واملفات وحاطين كاوتش وطوب جنب العربية علشان البيه خايف عليها تتحك ... مهو موقفها وقفه زفت !!!!
فيه شارع تجارى فى طنطا (شارع محب) كان طول عمره ماشى وزى الفل
من بعد 25 يناير بقى زحمة موت ليل ونهار
ولازم تقف فى الاشارة اللى فيه بالطوابير والاشارة تفتح وتقفل مرات ومرات وانت لسه واقف فى طابور الاشارة اللى ماشى بسرعة السلحفاه
بسبب الشارع المكتظ بالعربيات اللى راكنة صف تانى يمين وشمال
واللى راكنين صف تانى دول لو مشيوا 3 متر بس فى شارع جانبى هيلاقى بدل الركنه عشره
بس نقول ايه فى الامخاخ اللى زى الزفت
المهم من يومين روحت الشارع ده وركنت فى شارع جانبى وكلبشت عربيتى ونزلت اشترى شوية حاجات انا والعيال
لما طلعت فى الشارع لاقيت عربية مطافى بتلالى مش عارفه تمشى بسبب العك ده
بصيت على العربيات اللى ركنه صف تانى لاقيت عربية لانوس راكنة صف تانى والغريب والعجيب انه راكن صف تانى وسايب الركنة الطبيعية اللى بجوار الرصيف الصف الأول فاضية !!!!
الموضوع أثار فضولى فضلت واقف جنبها دقيقه كده لاقيت الباشا جه ومشى وانا عمال ادور على تفسير ليه سايب الركنة فاضية وراكن صف تانى وحاولت اشوف اى تفسير منطقى مش لاقى !!!!
مفيش ثوانى لاقيت عربية أوبل استرا جديده جت وقفت مكان اللانوس صف تانى بردو رغم بردو ان المكان فاضى ويكفى العربية مستريحه جدا
ونزل منه بنت وقفلتها ومشيت
روحت ناديت للعسكرى اللى عند الاشارة وقولتله ينفع منظر الشارع ده
راح اخد كل اللى واقفين صف تانى مخالفات
قولتله مش كفاية مخالفه لازم يعرفوا انهم اخدوا مخالفة والمفروش كلبش كمان
ولا حياة لمن تنادى ويبقى الوضع على ما هو عليه
وحسبنا الله ونعم الوكيل
المفضلات