الموضوع: حتى لا تكون مخدوعا فهى ليست صناعة يابانية على الاطلاق

المشاركة الأصلية كتبت بواسطة د.عماد صلاح

الشئ الوحيد الياباني في الصني الجديده هو الفتيس بس
نيجي بقه للاجابه بتاعه ..وايه المشكله طول مافي كواليتي كونترول ......طبعا اجابه مقنعه و اكيد منطقيه ...بس للامانه برضه الياباني 100 في الميه احسنبكتير ومشاكله قليله بس طبعا اسعاره اغلي

اعتقد ان الفتيس مش ياباني خالص

ياريت التوكيل يجمع سيارة يابانية فعلا و امكانياتها رائعة زى النيسان سينترا و هى بديلة الصني و هى اكثر اقتصاديا بكثير من الصني (صيني هندي ) التى تباع تقريبا بنفس سعر السنترا و اتجمعت فى مصر (اعتقد انها لو اتجمعت فى مصر حيكون سعرها من 105 الى 130 ) (يعني الياباني مش غالي اوى احنا اللى بنخدع نفسنا و بنقنع نفسنا باوهام فى امريكا العربية ممكن تزيد فى السنة 500 او 1000 دولار هنا فى مصر فى عربيات بتزيد ب 20 الف فى السنة مرة واحدة و خاصة السيارات التى يدعي توكيلها انها يابانى او انها كانت يابانى كصنى و كورولا و تقريبا كل السيارات الماركات اليابانى المعروضة فى مصر )

على فكرة جيلي ايمجراند التى تباع فى مصر ب 83 متسعرة فى اوروبا ب 10000 جنيه استرليني (بما يعادل 110 ) (الفرق الكبير بسبب الجمارك الكبيرة التى تفرضها الدول الاوروبية على المنتج الصيني لحماية المنتجات بتاعتهم اعتقد ذلك )
Emgrand EC7 - Wikipedia, the free encyclopedia



و فى امريكا تباع النيسان فرسا (صني المكسيكي ) ب 12000 دولار يعني المفروض متعديش ال 90
2014 Nissan Versa Sedan | Nissan USA

المشاركة الأصلية كتبت بواسطة george yousef

مفيش تجميع كوروﻻ فى مصر موديﻻت حتى 2013 كانت يابانى المنشا والتصنيع وموديل 2014 تركى التصنيع فى مصر وتايونى فى الخليج

[SIZE=5]للأسف كان فى خطة لتويوتا اليابان بانشاء مصنع تويوتا فى مصر في 2012 و ذلك لتشجيع الصناعة المصرية مع الحفاظ على زيادة المكون المصري ده غير انه حيوفر فرص عمل كثيرة جدا للمصريين و طبعا سعر اقتصادي لان السيارة اللى ختخرج من المصنع اللى فى مصر لن تخضع لجمارك السيارات فحيكون عندنا منتج اقتصادى بمكونات ياباني مصري (فى تقديراتي لو تويوتا كورولا اتجمعت فى مصر لن يتجاوز سعرها ال 140 فى اقصى تقدير )
[url=http://www.aawsat.com/details.asp?section=6&article=598951&issueno=11701 #.Uv6GgM46jPs]

المشاركة الأصلية كتبت بواسطة edodahab

و الله لما الفءرنا الاوتو تكون ب 90 و الافيو الاوتو ب 100 و اللوجان الاوتو ب 95 و دى كلها مش عربيات اصلا يبقى مش كتير على الصنى انها تكون ب 110
اسعار خيالية فى اشباه عربيات لا تعد من السيارات فى معظم دول العالم

فرنا كوري مصري
داتشيا روماني مغربي
صني صيني هندي مصري

فرنا و لوجان سعرهم مبالغ بناء على العرض و الطلب و ده الى حد ما طبيعي فى التجارة

و لكن سيارة صيني ابالغ فى سعرها بتاع ايه

نيسان نفسها تنفي صلاتها بصني من سنة 2000 و فى 2004 اصبحت صني ملك دونج فينج
و بحسب نيسان سنترا (اليابانية ) هي بديل الصني (الصينية )
معنديش مشكلة منشئها ايه و لكن سعرها مبالغ بالنسبة بالجودة الصيني

هناك من يرى ان نيسان تيدا الشكل القديم المكسيكي افضل من الياباني

المشاركة الأصلية كتبت بواسطة grumby78

اولا يافندم حضرتك جبت موضوع عربية mg وهي عربيه صيني بمعنى ان الشركه الانجليزيه اتباعت للصين وبالتالي هي صينيه ومع ذلك ياسيدي انا لسه شايف عربيه ليهم معروضه في كارفور اسكندريه وحاطين علم انجلترا على البانر بتاعها .
يحط علم انجلترا او غيرها مش معناه انها انجليزي الصنع . الاهم ان مفيش ورقة تتحط على العربية يقولوا فيها انها انجليزي او فيها مكون انجليزي . الخلاصة كلنا عارفين انها صيني 100 % و لكن مش كل مصريين عارفين ان صني مش ياباني خالص و نيسان اليابان بدلتها بسنترا بعد وقفها فى 2004 نهائيا.
الموضوع مع الصني مختلف عشان دي شركه ياباني تنتج موديلاتها في مصانع مختلفه في العالم تحت اشرافها .
نيسان ياباني و لكن صني مش ياباني خالص . نيسان تقدم للشركات المصنعة لصني دعم تقني و فنى ( يعني بالبلدى تقني هى التكنولوجيا التى تفتقر اليها الصين اما الدعم الفني هو سفر الفنيين و المهندسيين الصينين الى اليابان لاكتساب خبرات من المصنع الياباني او سفر خبراء يابان الى الصين لتعليم الصينيين ) و ليس مراقبة جودة (لا يوجد اشراف مباشر )(ده غير ان بناء على قوانين الصين الجودة من 0 الى 10 )
وبعدين عاوز اعرف ايه موضوع سعر الياباني اللي حضرتك بتتكلم فيه ؟؟!!
الياباني اغلى من الصيني او الهندي
يعني حضرتك عارف سعر التويوتا كورولا كام ؟ والياريس الجديده كام ؟
عارف و مبالغ فيهم جدا جدا و خاصة الكورولا (بسبب صفقة التركي و وقف انشاء مصنع لتويوتا فى 2012 فى مصر ) (و الاثنين مش ياباني برضه بس على الاقل ان المكونات الاساسية ياباني عكس الصني تخلو تماما من اى مكون ياباني )
يعني حضرتك بتقارنها بايه ؟

هو حضرتك عارف ومتابع اسعار السيارات في مصر ؟
دى هواية عندى متابعة اسعار الجديد و المستعمل
يعني حضرتك عارف ان بروتون جين 2 اتوماتيك فوق ال 100 الف
لا تعنيني فى شئ
والفيرنا والستيب واي والسانديرو فوق 90 الف
الفرنا رقم 1 فى مصر لعدة سنوات فعرض و طلب
السانديرو زيها زي الصني و اللوجان اسعار مبالغة
والاوبترا ب 117 الف
سعر مبالغ يفسر عدم انتشار او رغبة المواطن فى شرائها و اتمنى اتباع نفس النهج مع الصني حتى يتم بيها بسعر اكثر واقعية
والعربيات الصيني فوق ال 80 الف ؟؟!!!؟؟
و هي ده الشريحة السعرية الفعلية للصني لأنها صيني هندي مصري (low quality )
يعني انا بصراحه مش فاهم منطق حضرتك ..
منطق عيش الواقع
لو معترض على سعر نيسان صني فاناعن نفسي شايف انها اكتر عربيه سعرها حقيقي وفرقها عن ثمن مثيلها في الخارج لايذكر ومواصفاتها زي الفل مع سعر مقبول جدا ..
انا معترض على ان المواطن المصري يدفع فى المنتج الصيني سعر وهمي
حرام ادفع فوق ال 100 فى عربية مفيش فيها مسمار ياباني و نزلة بمشاكل مع اسلوب ابتزازي من توكيل غير محترم
في امثله فجه لسيارات اسعارها لاتتناسب مع مواصفاتها او سعر موديلها السابق يعني مثلا التيدا نطت من 125 الف ل 165 الف يعني زياده 40 الف من 2013 ل 2014 !!
و ده بيفسر سياسة النصب التى يتبعها البائع ... اذا كان بيبالغ فى سعر التيدا كيف تثق فىه و هو يبيع لك الصني او غيرها... كيف؟
وغيره امثله لاتحصى لماركات خارج نيسان ..
معاك حق بس الماركات الياباني بيبالغوا فى سعرها اعتمادا على سمعتها و هنا فى مصر تقريبا مفيش عربية ياباني بمعنى الكلمة (مش مشكلة ) الا قليلا و فى الاخر كله نصب (المشكلة السعر المبالغ )
حضرتك جيت على افضل سعر لسياره مقابل مواصفات ومعترض !!
يا فندم ممكن بالسعر ده تجيب عربية صيني فارهة و مواصفات و امكانيات افضل بكثير من الصني

شكرا على الحوار الرائع
ياريت نكون شجعان مع انفسنا و مواجهة الواقع

يعني لما الاي ان فيه واحد بيبالغ فى سعر منتج ... انا مش شاري لحد ما يرجع لسعره الطبيعي

المشاركة الأصلية كتبت بواسطة samyyousef

هناك من يرى ان نيسان تيدا الشكل القديم المكسيكي افضل من الياباني

وجهة نظر تحترم جدا