ار بي ام في بولو 99

**atvi1000** · 12-03-2014 10:51 AM

بس انا مش بشتكي من السحب السحب كويس جدا واكثر من ميكانيكي كشف علي الطقم ولقه كويس
انا حاسس ان الموضوع ده ممكن يكون رشاشات او عاوز تنظيف حساسات مثلا او تغيير حاسس معين او فلتر بنزين او يمكن بوجيهات يعني حاجه من النوع ده بس ايه علاقه التقطيع ده ده بطقم الدبرياج مش فاهم

**atvi1000** · 12-03-2014 05:21 PM

ايه يا جماعه مفيش حد حابب يشارك برايه

**lozaa** · 13-03-2014 12:37 PM

راجع زيت الباور ممكن يكون ناقص او طرمبة باور

**atvi1000** · 15-03-2014 10:31 AM

يا شباب انا روحت امبارح عند مركز كبير وفضلت اليوم كله عنده وكشف علي كل حاجه بالكمبيوتر وجربنا كل حاجه تغيير بوابه وتغيير اسبراتير وتغيير طرمبه بور وتغيير سلوك بوجيهات وظبط العربيه بالكمبيوتر وفي الاخر رجعت حاجتي الاولانيه لانه مكنش السبب منها وفي الاخر المهندس قالي ان ده مش عيب ده اوفر لود وانه طبيعي بس انا حاسس انه مش طبيعي وصعب جدا انه يبق طبيعي ممكن يكون علي خفيف لكن انا عندي زياده وده انا شاكك ان في حاجه ضعيفه

النتيجه النتشه اللي مع السحب اختفت بعد التنظيف لكن مازالت مشكله كسر الدركسيون اللي بترعش العربيه وبتخلي الا ر بي ام يتهز موجوده

فممكن تكون مقومه مثلا او حساس عاوز يتنظف او يتغير رغم ان الكمبيوتر مقراش حاجه زي كده
يا ريت مهندسين المندي يفيدونا بخبراتهم لان الموضوع مجنني بجد ومحيرني جدا
وشكرا

**atvi1000** · 16-03-2014 03:25 PM

المشاركة الأصلية كتبت بواسطة hossamalsadik

طرمبة الباور عندك زيت وليست كهرباء
اكشف على معيار الزيت ممكن يكون ناقص وممكن يكون عسره ( انسداد ) فى احد خراطيم الباور
موضوع زن طرمبة الباور عيب شائع من ضمن اسبابه استخدام زيت باور غير مطابق للموصفات
انخفاض rpm طبيعى فى الحاله ديه لان بيبقى فى تحميل على الماتور من طرمبة الباور البايظه
روح لميكانيكى متخصص فولكس والموضوع بسيط ماتقلقش

علي فكرة با بشمهندس حسام انا لما روحت المركز من يومين علي شان نفس العيب ده زي ما حضرتك قريت هما كمان جربوا التكييف والمهندس هناك جرب انه يضغط علي بدال الفرامل كذا مرة ويسيبها لقي نفس الموضوع بيتكرر الار بي ام بيعلي وبينزل والعربيه تترعش مع نزول الا ربي ام وترجع تتظبط تاني يعني الموضوع مش بس بور لا ده بق مع التكييف ومع الفرامل وده اللي خلي المهندس يقول لي ان ده عادي مش عيب يعني فايه راي حضرتك مع اني حاسس ان الموضوع عندي مبالغ فيه شويه يعني الرجه بزياده شويه

**atvi1000** · 21-03-2014 10:46 PM

علي فكرة يا جماعه انا روحت بردو التوكيل وكشفوا علي العربيه كمبيوتر وملقوش اي ايرور انا كنت عاوزهم يفكوا حساس البوابه وينظفوه بس هما مرديوش واللي فخمته منهم انه ممكن يتكسر في ايدهم وهما بيفكوه وتبق مشكله ليهم بس انا شاكك انه يكون هو للي مسب المشكله ديه وعاوز يتنظف او يتغير

عمتا المشكله مازلت قائمه وبدات تزيد لان الموضوع بق دلوقتي مش مع كسر الدركسيون فقط ده بق مع الفرامل لو كرركت فرامل وانا واقف او لو بدات اشغل التكييف واطفيه علي طول وكمان بق لو ماشي في زحمه شويه ووقفت الاقي الار بي ام بيلعب لوحده ينزل ويطلع من غير اي كسر دركسيون ولا حاجه
وعلي فكرة انا مشيت من التوكيل وهما مش عارفين العيب ده ايه بردو يا ريت خبراء الفولكس ومشرفين الفولكس يفيدونا بخبرتهم

هل بوابه ولا حساس ولا ايه

**maged251** · 22-03-2014 11:26 AM

ربنا معاك يا كبير

**windofchange** · 23-03-2014 07:00 PM

متروح ل م رشاد الكهربائي في الحرفيين

**atvi1000** · 26-03-2014 05:57 PM

هو رشاد تليفونه كم ومواعيده ايه وفين في الحرافين لاني مرحتهاش قبل كده

**ra3d** · 28-03-2014 12:47 AM

اسأل عليه عند نزلت الريحاني
انا مش عارف اوصفلك بالضبط
و موعيده من 12 بليل للصبح

الموضوع: ار بي ام في بولو 99

LinkBack

أدوات الموضوع

عرض

-

-

المواضيع المتشابهه

اشتري بولو 2001 ولا بولو 2003 عيون

عايز اشتري بولو . . . بولو

بولو 99 و بولو 2001

بولو 2001 و بولو 2003

الفرق بين موتور بولو 97& بولو 99

الكلمات الدلالية لهذا الموضوع

المفضلات

المفضلات

ضوابط المشاركة