الموضوع: ار بي ام في بولو 99

المشاركة الأصلية كتبت بواسطة atvi1000

مش عارف واضح ان مفيش حد فاهم حاجه ولا ميكانيكي ولا مهندس بيفهم ولا اي حد كانها مشكله عزيصه بالرغم من ان عربيه حضرتك 95 يعني 130 سي سي وكمان كابراتير مش انجكشن والمشكله هي هي

عمت انا انهاردا جربت حاجه والمشكله شبه اختفقت بس مستني اجرب بكرة لو نزلت اي مشوار يمكن اكون غلطان ومتكنش اتجحلت وإن شاء الله هبلغكم بالحل ادعولي انها تكون اتحلت فعلا مش حاجه مؤقته

كنت بس عايز اوضح ان العربية 1300 سى سى انجيكشن مش كابراتير

المشاركة الأصلية كتبت بواسطة yossif80

كنت بس عايز اوضح ان العربية 1300 سى سى انجيكشن مش كابراتير

معلش ازاي 1300 وانجيكشن حتي لو مش كاربراتير هي مش انجيكشن كامل بتبق حاجه اسمها حقن احادي النقاط يعني علي ما عتقد بيكون فيها رشاش واحد مش 4 ده علي حد علمي
عمتا من الواضح انها مشكله عامله مش مشكله خاصه وبتتركز في البولو لاني مسمعتهاش في اي سيارات تانه زي الجولف او الاسكودا او الابيزا وكلهم مجموعه وحده بس اكيد مفيش مشكله من غير حل لكن ضروري المتابعه للوصول للحل

الحمد لله يا جماعه انا جربت العربيه انهاردا والمشكله تكاد تكون اختفت بنسبه 90%
مفيش رجه لما بكسر الدركسيون علي الاخر خلاص المشكله اختفت
واللي حصل في الاخر بعد كل المحاولات اللي فاتت وذكرتها ديه عند كل الناس اللي عملين فيها مهندسين واسامي رنانه وتوكيل وهجص ووجع قلب ومحدش فيهم اساسا فاهم حاجه
انا قريت كتير عن الحساسات وتوقعت ان المشكله حساس ال maf وده اللي بيكون راكب علي المنافلد وانت واقف قدام العربيه وفاتح الموتور هتلاقيه شمال تحت العمه علي طول اشتريت منظف الكترونيات حتي من المصري ده ابو 10 ج بعلبه بيضاء وخليه الميكانيكي بتاعي يفكه ولو انه كان خايف لانه معملش الموضوع ده قبل كده المهم فكه ونفته اتنا بايدي ومسحته وسبته نشف ومسحنا مكانه في المنافلد وركباه وشيلت كابل البطاريه السالب وركبته تاني علي شان اعمل ريستارت للكمبيوتر وبعدين ظبط الاسبراتير الحقيه ظبطه علي 3 مرات كل مرة اروح اجرب وارجع له لحد ما بقت تمام واختفت المشكله الحمد لله

بس احنا وجدنا حاجه غريبه بردو اعتقد هيبق لها تاثير كان في فيشه متشاله هي تحت البطاريه ومكنتش ركبه في مكانها هو ركبها كمان وفي بردو في العمه مكان ل 2 خرطوم رفيع وانا معنديش غير خرطوم واحد رفيهع اللي راكب في العمه من تحت يا ريت اللي عنده 2 خركوم يقولنا ولو عرف يصور لنا علي شان نعرف التاني ده مكانه فين ممكن يكون له تاثير كمان

فياجماعه المشكله من واقع خبرتي واللف مقدرش اقول لكم سبب محدد لها بس هي تتلخص في الاتي

1- لابد من التنظيف بوجيهات وبوابه جامد جدا ولو في خراطيم مشققه تتغير خاصه الرفيعه ديه وكمان فلاتر هوا وبنزن وتنظيف انجكشن
2-تنظيف حساس ال maf
3- ظبط الاسبراتير ظبطه كويسه بالتجربه طبعا
4-ظبط العربيه علي كمبيوتر كويس

وانشاء الله المشكله تتحل ومترجعش تاني

المشاركة الأصلية كتبت بواسطة syd

اولاً الف مبروك حل مشكلتك
ثانياً الحساس دة مش اسمه ماف - اسمه ماب او اير ماس - لأن بمنتهي البساطة الفولكس مش بتنزل عربياتها بالحساس دة وبتستعوض عنه بحساس الماب اللي تقريباً بيقوم بنفس الوظايف بالظبط
وشكله واضح في الصور في الموضوع دة وكمان طريقه تنظيفه
http://www.nilemotors.net/nile/30936...post3874532326

ثالثاً الأسبراتير مش بيتظبط بالتجربة
الأسبراتير وضعه الصحيح في المنتصف تماما

ويجب قبل كل دة تنظيف البوابة كما ذكرت حضرتك وايضاً تنظيف غطاء الأسبراتير والشاكوش واقطاب اسلاك البوجيهات

تحياتي لحضرتك والف مبروك مرة ثانية
وياريت لو حضرتك تعمل تقارير مصورة بالصيانات دي

والله المستعان
،
،

متشرك لحضرتك جدا بس بخصوص الاسبراتير انا جربت المنتصف بس كانت في صوت تسقيف لحد ما الميكانيكي ظبطه وبقت شبه معقوله مقدرش اقول 100% بس مع التكييف بحس انها تقيله في الطلعه وكمان صوت تسقيف احيانا وحته رعشه الموتور اختفت في العادي وبقت موجوده بس اقل من الاول كتير مع تشغيل التكييف
الميكانيكي قال لي ان ممكن يكون عندي حساس بيسميه هو حساس التسقيف معرفش اسمه العلمي ايه بس هو قال لي ممكن يكون مش مظبوط ونزل تحت العربيه وقال لي انه موجود عندي تحت الموتور او جسم الموتور من تحت حاجه كده يعني مش عارف مدي الكلام ده ايه