الموضوع: ..:: تقرير تركيب زينون على الفوج لايت للكورولا 2014 ::..

المشاركة الأصلية كتبت بواسطة magedtito

mohamed hany انت لما ركبت ال55 واط في الفوج الايت مغيرلكش الفيوزات لان الفيوز اللي راكب لها 7.5 مش حيستحمل فرق الواط ؟
و لو غيرهولك حطلك فيوز مقاس رقمه كام ؟

زميلي العزيز
درسنا في المدرسة ان p=v.i و بالبلدي القوة بالوات = الفولت مضروب في التيار الكهربائي.
يعني برضو من نفس المعادلة i= p/v و بالبلدي التيار بالامبير = القوة بالوات مقسومة علي الفولت ، و منه نستنتج ان باللمض القديمة ال 19 وات التيار يساوى 19 وات مقسومة علي 12 فولت تساواي حوالي 1.6 امبير ده باللمض القديمة، بعيدة قوي عن قدرة الفيوز 7.5 امبير.
طب لو حسبناها باللمض الجديدة ال 55 وات هنقول التيار يساوي 55 وات مقسومة علي 12 فولت و الناتج حوالي 4.6 امبير يعني اقل من الفيوز ال 7.5 امبير اللي موجود .
ايه يعني ايه الكلام ده ، يعني حضرتك ممكن تحط لمبة اكتر من 55 وات ، اه طبعا طب هل فيه معوقات؟ اه طبعا، طب ايه هي؟ اولا السخونية الناتجة من اللمبة و تاثيرها علي زجاج الفوج، طب ايه اقصي قدرة ممكن يستحملها فيوز 7.5 امبير بكل بساطة 90 وات و مش هقولك حسبتها ازاي ، حسيبك انت تقولي عشان اتطمن اني عرفت اشرحلك الموضوع ببساطة.
تحياتي ليك ياجميل، و مش هسيبك الا لما تشرحلي 90 وات جت منين .