الموضوع: استفسار متكرر للاستاذ احمد امين عن صوت الدبة او الطقة فى العفشة

والله يا جماعه انا زهقت من الكلام في الموضوع دة وبصراحه انا بفكر ابيعها بس الواحد مستحرم انة دفع دم قلبه وبعدين يجي يخسر في البيع ولو بعتها هجيب ايه ما علينا احنا المفروض والله نتجمع في توكيل بيجو اي فوع ونعمل بلبله وساعتها نشوف الدنيا تمشي ازاي وانا اول واحد اهو

المشاركة الأصلية كتبت بواسطة m.basha

السلام عليكم كنت اتكلمت قبل كده يا استاذ احمد على موضوع الدبه او الطقة اللى فى العفشة عندى فى الجانب الايمن و ربطت عفشة كويس جدا فى التوكيل و لسه الصوت موجود و مضايقنى المهم فى زميل عامل برده موضوع لسه جديد اسمه عدم رضا عن توكيل غمرة و عنده نفس المشكلة و الاستاذ اكرم برده كان عنده نفس المشكلة و كام واحد برده عنده نفس صوت الدبه دى فى العشة فاكيد دى مش مشكلة فردية

السؤال بقى ممكن يكون الصوت ده ايه عيب مساعد و لا بطاحة و لا جلبة مقص و لا قاعدة ماتور مش عارف برجاء الافادة و ياريت اللى عنده الصوت ده يقولنا عمل ايه و الصوت راح و لا لسه عشان نفيد بعض و شكرا جزيلا ليكم جميعا

اخي العزيز...ياريت تذكر نوع السيارة احب اوضحلك بس ان ادوات التعليق والجر الامامي..او مايطلق عليها العفشة.....يكون تربيطها ان امكن هكذا...تربيط من الداخل الي الخارج..بمعني ابداا بمسامير القنطرة الوسطي ثم مسامير القنطرة الخارجية ...ثم مسامير المقصات...والكشف علي الجلب..ثم القواعد الخاصة بالمحرك .ثم مسامير بيض المقص...ثم بارات الدركسيون...ثم ذراع الميزان..مسامير الخاصة بمساتر العجل...ثم ربط المساعدين من اسفل...ثم انزل السيارة وربط المساعدين من اعلي..وربط القاعدة العليا للمحرك.ووضع تشحيم باي مشحم مثلabro-stp لكل الجلب...ويتم كشف علي كاوتش الكبالن الخارجية والداخلية....وتربيط داير الفتيس......وان شالله بقدر الامكان يكون تربيط نموزجي للعفشة.............
اخي العزيز احب اوضحلك ان غالبا الطقة دي من مقص مفكوك في الجلبة الداخلية او تالفه...وده ازا كان الخبطه في الطلعة او الفرملة.....
احمد غلوش

المشاركة الأصلية كتبت بواسطة ahmdghalwash

اخي العزيز...ياريت تذكر نوع السيارة احب اوضحلك بس ان ادوات التعليق والجر الامامي..او مايطلق عليها العفشة.....يكون تربيطها ان امكن هكذا...تربيط من الداخل الي الخارج..بمعني ابداا بمسامير القنطرة الوسطي ثم مسامير القنطرة الخارجية ...ثم مسامير المقصات...والكشف علي الجلب..ثم القواعد الخاصة بالمحرك .ثم مسامير بيض المقص...ثم بارات الدركسيون...ثم ذراع الميزان..مسامير الخاصة بمساتر العجل...ثم ربط المساعدين من اسفل...ثم انزل السيارة وربط المساعدين من اعلي..وربط القاعدة العليا للمحرك.ووضع تشحيم باي مشحم مثلabro-stp لكل الجلب...ويتم كشف علي كاوتش الكبالن الخارجية والداخلية....وتربيط داير الفتيس......وان شالله بقدر الامكان يكون تربيط نموزجي للعفشة.............
اخي العزيز احب اوضحلك ان غالبا الطقة دي من مقص مفكوك في الجلبة الداخلية او تالفه...وده ازا كان الخبطه في الطلعة او الفرملة.....
احمد غلوش

باشا شكرا على الرد و الاهتمام هى العربية بيجو 301 و صوت الدبة ده بسمعه فى المطب الصناعى لو داخل على المطب بسرعة و يدوبك فرملت على اوله او ل لما الكاوتش الامامى يلمس المطب بسمع صوت الدبة او لو حاجة بارزة عن الارض برده بسمع الصوت ده و فى النقر الغويطة اوى مش عارف قدرت اوضحللك و لا لاء وشكرا

المشاركة الأصلية كتبت بواسطة m.basha

باشا شكرا على الرد و الاهتمام هى العربية بيجو 301 و صوت الدبة ده بسمعه فى المطب الصناعى لو داخل على المطب بسرعة و يدوبك فرملت على اوله او ل لما الكاوتش الامامى يلمس المطب بسمع صوت الدبة او لو حاجة بارزة عن الارض برده بسمع الصوت ده و فى النقر الغويطة اوى مش عارف قدرت اوضحللك و لا لاء وشكرا

اخي العزيز.....ابدا بربط المساعد اولا من اسفل واعلي...وهو مايحدث خبطه عند بدا المطب....ثم القاعد العلوية(بجوار الكاتينة)وده اذا الخبطة تاخد مرحلتين....اما اذا شعرت بان الخبطه عند المطب وصوتها رنان شوية ده ذراع ميزان....وممكن فكه بالكامل للتاكد....اخر حاجه بارة الدركسيون الداخلية ودي بيكون صوتها واضح في المطبات بخبط كتير اسفل السيارة...وممكن ازا ضبط زوايا احيانا بيفكم البارات دي وميربطهمش كويس..............اتمني اكون وصلتلك المعلومه بشكل مبسط جدا واسف للاطالة
المختصر...(مساعد-ميزان-قاعده-بارة داخلي)
م-احمد غلوش

هو صحيح الاستاذ احمد امين مختفى ليه اعتقد اكيد عنده ظروف لانه بصراحة مش بتاخر فى الرد خالص عموما يارب يكون خير يا باشا و انا ان شاء الله رايح التوكيل بكره حابقى اقولكم عملت ايه ان شاء الله و شكرا ليكم

المشاركة الأصلية كتبت بواسطة m.basha

هو صحيح الاستاذ احمد امين مختفى ليه اعتقد اكيد عنده ظروف لانه بصراحة مش بتاخر فى الرد خالص عموما يارب يكون خير يا باشا و انا ان شاء الله رايح التوكيل بكره حابقى اقولكم عملت ايه ان شاء الله و شكرا ليكم

هاا يا استاذي حضرتك عملت ايه في التوكيل

المشاركة الأصلية كتبت بواسطة ahmed dollar

هاا يا استاذي حضرتك عملت ايه في التوكيل

والله يا باشا انا اتاكدت امبارح ان التوكيل اللى فى مرغم ده زباله بطء ايه و عدم فهم و نفخ فى كل حاجة نصيحة منى لو حد من اسكندرية ما يتعملشى مع التوكيل ده خالص و انا قررت انى اتعامل مع نور الدين ان شاء الله لانى امبارح فى التوكيل من 9 لحد 2 يعنى 5 ساعات و ولا الهوا نفس الصوت موجود ربطوا عفشة و قاللك كله تمام و مش لاقيين حاجة خالص هى اللى ممكن تكون عاملة الصوت و لاء ابسط حاجة لما بيربطوا البطاحات بيفكوا المساحات و البلاستيكة اللى تحتها لما ركبوها تانى بعد الشغل لقيت المساحات بتخبط فى بعضها روحت خليت الميكانيكى اللى جنب البيت يعملهالى مظبوط بصراحة مش عارف مشكلة الدبة او الطقة دى ايه انا على فكرة كمان شكوا فى التوكيل فى ان الصوت ده جاى من ان الرفرف اليمين عندى لما بتضغط عليه لتحت و الكبوت مفتوح بيعمل زى صوت طقة فقلت ايه الهبل ده المهم لما كنت جنب البيت لاحظت الصوت ده و ظبط حرف الرفرف مع الفانوس بحيث ما يعملشى الصوت ده و قلت اجرب لقيت النهارده برده نفس الصوت فاما عتقدشى الصوت ده من كده ده حاجة فى العفشة لو حد عمل حاجة فى المشكلة ده من الناس اللى كانت قايله على الحوار ده قبل كده ياريت يقلنا و شكراو نصيحة اخيرة لرجالة الاسكندرية بلاش اى حد يتعامل مع التوكيل اللى جوه بنزينة شيل اللى فى مرغم عشان مقرف جدا فى التعامل و بطء السنين وشكرا معلشى طولت عليكم بس الواحد مخنوق من خدمة ما بعد البيه بالنسبة لشركة كبيرة زى بيجو !!!!!!!!!!!!!!!!!!!!!!!!