السر في تفوق تكييف السيارات اليابانية

**alameer81** · 02-04-2014 06:13 PM

المشاركة الأصلية كتبت بواسطة borio1704

هو الحقيقة اللي بيحصل عكس ما حضرتك بتقول تماما

لما الهوا الرطب يعدي على أي جسم ساقع.. الرطوبة اللي فيه هتتكثف على الجسم ده. . وبالتالي الهوا بيفقد رطوبته

افتكر كده لما بتطلع إزازة ساقعة من التلاجة وتلاقيها شبرت... دي الرطوبة اللي في الجو.. ولو استيت شوية هتلاقي قطرات المية كبرت وبدئت تسيل.

هو ده السبب في إن كل التكييفات بلا استثناء بتنزل مية من الخرطوم بتاع الفايظ...

المية دي هي الرطوبة اللي موجودة في الهوا اللي في الحيز اللي بيتبرد

والتالي حتى لو خليت الهوا الساقع يعدي على جسم سخن بعد كده... الرطوبة مش هتزيد أو تقل ﻹنها خلاص نزلت من بدري.

...

في فرق بين الرطوبة المطلقة والرطوبة النسبية
الرطوبة المطلقة هي وزن البخار الي الهوا شايله
يعني كيلوا الهوا فيه كام جرام بخار

الرطوبة النسبية هي النسبة بين الرطوبة المطلقة وبين اقصي كمية بخار يقدر الهوا يشيلها عند درجة حرارة معينة

مثال 50% رطوبة نسبية عند 25 درجةحرارة تعني ان الهوا لو كان يقدر يشيل 100 جرام بخار عند درجة الحرارة دي فهو شايل فعليا 50 بس

طيب لو بردنا الهوا؟

كميه البخار الي الهوا بيقدر يشيلها بتقل كلما قلت درجة الحرارة

يعني ها تبرد الهوا لحد ما يبقاش قادر يشيل غير 40 جرام بس مثلا
الباقي ها يتكثف ويعمل الشبورة الي حضرتك بتقول عليها علي الزجاجه او السربنتينة

يعني الهوا بقي شايل 40 جرام بس وما يقدرش يشل غيرهم
شايل 100% من حمولته

يبقي الرطوبة النسبية بقت 100%

الي بيفرق معانا بقي في الاحساس بالراحة هو الرطوبة النسبية مش الرطوبة المطلقة

لو قلت زيادة عن اللزوم نحس بحرقان في النفس وجفاف في الجلد
ولو زادت زيادة عن اللزوم نحس بعرق وتلزيق وضيق تنفس علشان الهوا مش قادر يبخر العرق والنفس

كل التكييفات المنزلية بتزود الرطوبة النسبية
التكييف المركزي بقي بيتحكم في الرطوبة عن طريق انه يبرد الهوا لدرجة 15 مثلا ويكثف المياه الزيادة
وبعدين يرجع يسخن الهوا لدرجة 25 او للدرجه الي انت ظابط عليها
يبقي كده فصل المياه الزيادة فقلل الرطوبة النسبية وقلل درجة الحرارة
رطوبة - ويكيبيديا، الموسوعة الحرة

**ahmed1981** · 02-04-2014 06:24 PM

موضوع جميل
وشرح متميز
ورسومات توضيحية ممتازة

ربنا يكرمك

المحبس ده موجود في بعض الفيات القديم وشفته بعيني
وكان بيبقى على واير متوصل على بكر التكييف
ميفتحش إلا لو بدأت تلف البكرة ناحية السخن

لكن فعلاً بعض الأوروبي بيبقى السخن ديركت بدون المحبس ده زي اللوجان مثلاً

-
ـ

**borio1704** · 02-04-2014 09:18 PM

فيه لخبطة واضحة في كلام حضرتك

لإن الكلام بيناقض بعضه

واسمحلي اوضح نقط اللخبطة بالتفصيل...

المشاركة الأصلية كتبت بواسطة alameer81

في فرق بين الرطوبة المطلقة والرطوبة النسبية
الرطوبة المطلقة هي وزن البخار الي الهوا شايله
يعني كيلوا الهوا فيه كام جرام بخار

الرطوبة النسبية هي النسبة بين الرطوبة المطلقة وبين اقصي كمية بخار يقدر الهوا يشيلها عند درجة حرارة معينة

مثال 50% رطوبة نسبية عند 25 درجةحرارة تعني ان الهوا لو كان يقدر يشيل 100 جرام بخار عند درجة الحرارة دي فهو شايل فعليا 50 بس

طيب لو بردنا الهوا؟

كميه البخار الي الهوا بيقدر يشيلها بتقل كلما قلت درجة الحرارة

يعني ها تبرد الهوا لحد ما يبقاش قادر يشيل غير 40 جرام بس مثلا
الباقي ها يتكثف ويعمل الشبورة الي حضرتك بتقول عليها علي الزجاجه او السربنتينة

يعني الهوا بقي شايل 40 جرام بس وما يقدرش يشل غيرهم
شايل 100% من حمولته

الكلام ده صح وعلمي 100%

يبقي الرطوبة النسبية بقت 100%

صح... بس نسيت تقولنا عند درجة حرارة كام !!

الي بيفرق معانا بقي في الاحساس بالراحة هو الرطوبة النسبية مش الرطوبة المطلقة

لو قلت زيادة عن اللزوم نحس بحرقان في النفس وجفاف في الجلد
ولو زادت زيادة عن اللزوم نحس بعرق وتلزيق وضيق تنفس علشان الهوا مش قادر يبخر العرق والنفس

كلام صح وعلمي 100%

كل التكييفات المنزلية بتزود الرطوبة النسبية

إزاي؟؟ إذا كان التكييفات كلها فيها سربنتينة درجة حرارتها في حدود الصفر مئوية وبتبرد الهوا اللي بيعدي عليها وتخليه يتخلص من الرطوبة الزايدة اللي فيه؟؟

تقدر تفسرلي ليه كل التكييفات المنزلية بتنزل ميه من خرطوم الفايظ؟؟

أوعى تقولي إن التكييفات المنزلية ما بتنزلش مية... أزعل منك قوي.

التكييف المركزي بقي بيتحكم في الرطوبة عن طريق انه يبرد الهوا لدرجة 15 مثلا ويكثف المياه الزيادة
وبعدين يرجع يسخن الهوا لدرجة 25 او للدرجه الي انت ظابط عليها
يبقي كده فصل المياه الزيادة فقلل الرطوبة النسبية وقلل درجة الحرارة

رطوبة - ويكيبيديا، الموسوعة الحرة

اللي يفرق التكييف المنزلي العادي عن بعض أنواع التكييف المركزي إن التكييف المركزي بيكون فيه وحدة تبريد ووحدة تدفئة منفصلين

على فكرة.. مش كل أنواع التكييف المركزي فيها تدفئة

الأسلوب المتبع عادة في التكييفات المنزلية هو ببساطة نفس أسلوب التبريد في الثلاجة المنزلية .. يعني تشغيل الكمبريسور بالطاقة القصوى لحد ما يوصل الحيز المراد تبريده لدرجة الحرارة المطلوبة وبعدين فصل الكمبريسور لحد ما درجة الحرارة تعلى عن حد معين.. وبعدين يرجع الكمبريسور يشتغل تاني... وهكذا

وبالتالي الهوا فعليا بيرجع يسخن... بس لما بيختلط بالهوا السخن اللي موجود داخل الغرفة.. وبالتالي رطوبته النسبية بتقل مقارنة بدرجة الحرارة العالية اللي بقى فيها

على فكرة.. تعرف إيه هو إحساس الرطوبة العالية في الجو البارد؟؟ ... هو نفس الإحساس اللي بتحسه لما يبقى فيه شبورة في الجو

عمرك شفت تكييف شغال والشبابيك مشبرة من جوه؟؟؟؟

استحالة

...

**فادى محمد** · 03-04-2014 12:26 AM

تمام ياباشا ..
يعني اتصال الفالف بالفاكيوم بيخليه يفتح . والميه السخنه تروح السربنتيه
والتكييف السخن يشتغل . تمام؟
علي وضعه كده انا عندي التكييف السخن شغال كويس والبارد ماشاء الله !!
طيب ايه اللي بيتحكم في فتح وقفل الصمام ده ؟؟ بكره تشغيل المكيف اللي في الكنسول
سواء ساخن او بارد؟؟
بالمناسبه لقيت الصور دي وانا بدور بتثبت فعلا ان في خرطوم فاكيوم بيشغل الفالف .
سامحني تعبتك باسالتي شويه ..تقبل تحياتي
هذه الصورة تم اعادة تحجيمها . الحجم الافتراضي لها هو 1024x768.

**borio1704** · 03-04-2014 02:08 AM

المشاركة الأصلية كتبت بواسطة فادى محمد

تمام ياباشا ..
يعني اتصال الفالف بالفاكيوم بيخليه يفتح . والميه السخنه تروح السربنتيه
والتكييف السخن يشتغل . تمام؟
علي وضعه كده انا عندي التكييف السخن شغال كويس والبارد ماشاء الله !!

طيب ايه اللي بيتحكم في فتح وقفل الصمام ده ؟؟ بكره تشغيل المكيف اللي في الكنسول
سواء ساخن او بارد؟؟
بالمناسبه لقيت الصور دي وانا بدور بتثبت فعلا ان في خرطوم فاكيوم بيشغل الفالف .
سامحني تعبتك باسالتي شويه ..تقبل تحياتي

هذه الصورة تم اعادة تحجيمها . الحجم الافتراضي لها هو 1024x768.

أنا آسف إني اتأخرت شوية عليك...

أنا لما قلت إن الصمام Normally Open كنت واخد في اعتباري إن المكيف عند حضرتك شغال كويس بس الدفاية لأ

مش عارف ليه جه في دماغي إن الدفاية مفصولة!!!

عالعموم.. الحكم من بعيد أكيد مش صح 100%

المهم...

أي ديافرام بيشتغل عن طريق بوابة تانية ميكانيكية زي الكامات ... أو فالف كهربي تاني بيسموها سولينويد Solenoid .. والحاجات دي هي اللي بتسمح للفاكيوم يعدي حسب الحاجة أو التوقيت المطلوب.

طبعا هتقوللي طيب ما يعملوا الكامة ولا السولينويد على الفالف على طول.. إيه لازمة الفاكيوم؟؟؟

بالنسبة للكامة.. ففي اعتبارات أكيد خاصة بالتوصيلات الميكانيكية وصعوبة توصيلها ... مع إن اليابانيين حلوها بطرق أبسط من كده بكتير!!!

إنما بالنسبة للسولينويد فالحقيقة مش عارف ... بس يجوز فيه اعتبارات تانية زي إنهم عايزين الأجزاء الكهربية بعيد عن حرارة الموتور مثلا.

أنا دورت شوية صغيرين على النت... ولقيت حاجة زي اللي في الصورة دي:

باين عندك الفيشة اللي المفروض تكون متوصلة على مؤشر الحرارة في التابلوه.. ولما التحرك المؤشر على السخن (أو البارد على حسب التصميم).. يبدأ يتحرك ويفتح سكة للفاكيوم يعدي.

...

**فادى محمد** · 04-04-2014 02:13 AM

المشاركة الأصلية كتبت بواسطة borio1704

أنا آسف إني اتأخرت شوية عليك...

أنا لما قلت إن الصمام Normally Open كنت واخد في اعتباري إن المكيف عند حضرتك شغال كويس بس الدفاية لأ

مش عارف ليه جه في دماغي إن الدفاية مفصولة!!!

عالعموم.. الحكم من بعيد أكيد مش صح 100%

المهم...

أي ديافرام بيشتغل عن طريق بوابة تانية ميكانيكية زي الكامات ... أو فالف كهربي تاني بيسموها سولينويد Solenoid .. والحاجات دي هي اللي بتسمح للفاكيوم يعدي حسب الحاجة أو التوقيت المطلوب.

طبعا هتقوللي طيب ما يعملوا الكامة ولا السولينويد على الفالف على طول.. إيه لازمة الفاكيوم؟؟؟

بالنسبة للكامة.. ففي اعتبارات أكيد خاصة بالتوصيلات الميكانيكية وصعوبة توصيلها ... مع إن اليابانيين حلوها بطرق أبسط من كده بكتير!!!

إنما بالنسبة للسولينويد فالحقيقة مش عارف ... بس يجوز فيه اعتبارات تانية زي إنهم عايزين الأجزاء الكهربية بعيد عن حرارة الموتور مثلا.

أنا دورت شوية صغيرين على النت... ولقيت حاجة زي اللي في الصورة دي:

باين عندك الفيشة اللي المفروض تكون متوصلة على مؤشر الحرارة في التابلوه.. ولما التحرك المؤشر على السخن (أو البارد على حسب التصميم).. يبدأ يتحرك ويفتح سكة للفاكيوم يعدي.

...

تمام ياباشا الله ينور.
انا لقيت السلونايد وفعلا في مكان بعيد عن حراره الموتور . جنب فلتر التكييف الورق .ودي صورته heater solenide

مع الشكر ..

-

-

الموضوع: السر في تفوق تكييف السيارات اليابانية

LinkBack

أدوات الموضوع

عرض

-

-

-

-

-

المواضيع المتشابهه

شارك برأيك ، هل تفوقت السيارات الكورية علي السيارات اليابانية؟

تكييف اللانوس تفوق بجدارة على تكييف ال rb

خرافة السر..قراءة تحليلية لكتاب السر وقانون الجذب

السيارات الألمانية فى الصدارة و السيارات اليابانية فى تراجع من حيث الإعتمادية

دروس في تعلم صيانة واصلاح تكييف السيارات اليابانية ؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة