الله يسامحك يا سيدى
انا كلامى مفيهوش لخبطة ولا حاجة انا عارف انا بقول ايه
بس عموما انت مازال عندك لبس بين الرطوبة المطلقة والرطوبة النسبية
التكييف الشباك بينزل ميه بيكثفها من علي السربنتينة صحيح
معنى كده ان الرطوبة المطلقة قلت لكن النسبية زادت
الرطوبة المطلقة ما بتدخلش معانا في الموضوع خالص
معرفش تخصص حضرتك ايه بس الموضوع ده محتاج دراسة لما يسمى الخريطة السيكرومترية ودى الي بتحدد العلاقة بين الهوا والرطوبة ودرجة الحرارة
التكييف الشباك او الاسبليت فعلا زى التلاجة المنزلية بيبرد بس لكن مالوش تحكم في الرطوبة
التكييف المركزى ده بقي تفصيل حط في الوحدات الى تعجبك سواء تبريد او تسخين او تجفيف او ترطيب وده حسب الغرض منه
وعموما شكلي دخلت في الموضوع غلط واتكل على الله اعمل التعديل وربنا يوفقك
بس الفكرة ان بلاش تعديل على المصمم الا بعد دراسه وافية وعمل هندسة عكسية للموضوع لان على الرغم من ان المصمم ده بشر وبيغلط طبعا بس هو برده اكتر مننا خبرة في مجاله فلو ها تعدل حاول تعرف هو عامل كده ليه
انما بقي لو ها تعدل عشان بتعالج عطل يبقي براحتك بقي
المفضلات