حرارة الموتور.... وتنظيف الردراتير

**Mahmoud_405** · 30-09-2008 04:59 PM

السلام عليكم.....
عربتي سخنت امبارح وانا مسافر( الحرارة وصلت لحد 115 ) روحت لمكانيكي قالي لازم تنظف دوره الموتور عند اي بنزينة. روحت البنزينة ونظفولي الردراتير والدوره بجهاز كده اول مره اشوفوا .. بيفك المواسيرالردارتير الي داخلة في الموتور ويوصلها بالجاهز علشان تشفط المياة ( وكانت مصدية ) وحطيت مياة خضراء علي نظافة ... المهم هو طلعلي (Valve ) من عند الخرطوم بتاع المياة الي داخل في الموتور وكان مصدي وقالي ملوش لازمة دي فايدتة انوا يخلي الياة السخنة جوه الموتور علشان الموتور مايبردتشي بسرعة في الشتا..
(دايما بقلق من كلمة ملهاش لازمة دي) .
فهل كلام بتاع البنزية صح ولا لا؟؟؟ ( مع العلم ان العربية معتدشي بتسخن خالص والحرارة مظبوطة)

**Nour_Peugeot** · 30-09-2008 05:19 PM

ممكن و ممكن انا معرفش بس علي فكره كل الكان موجود في حوار سخنيه العربية ده

ان كان في هوا في الرادياتير بس ليس اكتر بس كويس انك عملت تغير داورة الميه كلها

ربنا يبركلك في عربيتك

**shoudy2005** · 01-10-2008 01:21 AM

أوعى تخليه يفكلك الترموستات ده السبب الأول لحدوث تلف للجوان و الوش لازم الترموستات يفضل راكب علشان درجه حرارة المتور لازم تبقى عند حد معين و لو كانت بارده بتزود التآكل انتا ممكن تغير الترموستات بواحد اقل فى الدرجه لاكن اوعى ابدآ تشيله

**waled369** · 01-10-2008 01:23 AM

انته كده بتتكلم عن الترموستات
اوعى تشيله لأنه بينظم شغل مروحة التبريد و دا مفيد للعربية في الصيف و الشتاء لأنه بيشتغل لما درجة حرارة الميه بتيجي عند حد معين يخللي المروحة تشتغل فأحسن شئ خليه زي ما هوه لأنه لو شاله المروحة بتشتغل دايركت بلا توقف .

**Sharky** · 01-10-2008 01:29 AM

ممكن أعرف حضرتك نضفتها فى أنهى بنزينه ؟

**Mahmoud_405** · 03-10-2008 01:48 AM

هو الترموستات ده مش بيتركب في الردراتير؟؟؟؟
اصل البتاع الي طلعت دي قالي دي بتنظم دخول المياة الي الموتور مش اكتر!!!
انا عملت الكلام ده في الاسماعيلية

**hazem2227** · 03-10-2008 05:45 AM

اخى الفاضل الترموستات هى الشئ المسئول علن دخول الميه للموتور حسب حاجته وطبعا مهمة جدا تكون موجودة .

**Mahmoud_405** · 03-10-2008 12:05 PM

اخى الفاضل الترموستات هى الشئ المسئول علن دخول الميه للموتور حسب حاجته وطبعا مهمة جدا تكون موجودة .

بس لما اتشال الحرارة بقت طبيعية

**saifsaadmohamed** · 08-10-2008 03:48 PM

الثرمويتات ده بيستخدم فى الشتاء فقط و بتقل اهميته هنا لان بلدنا جوها اصلا حار مش زى اوروبا ثلج عشان كده الميكانيكى بيفصله خالص عشان ممكن فى الصيف ميشغلش المروحة بتاعت التبريد

**ahmedsrs** · 08-10-2008 08:58 PM

لو عربيتك انجكشن وفيها كنترول يونت ترموستات الكوعه ده مهم ايه فيدته
1- بيقلل استهلاك البنزين لأن درجة حرارة العربية ثابتة
2- بيحافظ على الموتور من التمدد والأنكماش وبالتالى التشقق والتلف
3- بيساعد على سرعة تسخين العربية شتاء