الموضوع: هو الجواز حرا؟؟؟!!!!

المشاركة الأصلية كتبت بواسطة shiko85

الأهل بردوا
بس تعرف ممكن فظروفك يكون عندهم حق
انت بتقول ان والدك اشترالك عربيه اخر موديل صح ؟؟
طيب كان من باب اولى تتجوز مش تشترى عربيه اخر موديل
كنت اشترين عربيه متوسطه و تتجوز و قدام شويه تجيب عربيه احسن
و هى و اهلها لما يشوفوا ده تفتكر هيفكروا ازاى ؟؟ انك بتتدلع و مش جاد اشمعنى العربيه اعتمدت فيها على والدك و الجواز لأ ؟؟!!!
عارفه ظروفك تمام و استحملت 5 سنين بس لما تقول خطوبه سنتين علشان امكانياتى و تروح تشترى عربيه اخر موديل تبقى غلطان و هم عندهم حق
هى كان قصدها " هو انا ميتدفعش فيا زى العربيه "

كلام صح مش غلط !
بس للعلم والدى جاب العربيه لنفسه وقعد معاش بعدها وسابهالى !! وجاب لنفسه عربيه نص لبه
عشان انا شغلى بيحتاج انى اتحرك كتير ولازم يكون معايا عربيه كويسه . وبعدين العربيه سهله ! لانها بتساعدنى فى شغلى و هتجيبلى اللى ياكلنى وياكلها !! وانا قلتلها على السنتين عشان الشقه مش اكتر !!

هو خلاص الموضوع انتهى عموما !! واتكلمنا فى موضوع الايجار ده وانا مرتبى 800 جنيه !! لانى موظف حكومى فى الاخر !! اللى اتقال هيبقى الحد الادنى بتاعنا 1200 جنيه .
ما علينا اقل ايجار كان 500
خلينى اجاريك للاخر

المشاركة الأصلية كتبت بواسطة hmatchy

مفيش فهم غلط ولا حاجه احنا بنتناقش معاكى وبصفتك بنت بنسالك عن رد فعلك احنا بنحطك فى الموقف بس
وانا بقصد ا فى ناس كتير وبنات كمان حتى لو مقلوهاش صريخه بتبقى فى اولوياتهم ان اللى جاى يتقدم يكون معاه عربيه واكيد انتى سمعتى جمله عندو شقتو وعربيتو
اما البنت اللى راكبه عربيه عادى فى ناس تعتبرها ميزه وناس تعتبرها عيب
انا مقلتش انو زمبك بس انتى جزء من مجتمع لازم كلنا نحاول نغير تفكيرو وعاداتو الغلط
اما موضوع الابهات التتى بتتساهل ده اكيد موجود ومحدش يقدر ينكر ان فى الحلو وفى الوحش بس النسبه كام 10 او 20 % والباقى بيفكر ازاى
لاحظى ان اصلا اختيار الشريك المناسب اللى بيراعى ربنا فى حد زاتو مشكله كبيرة فالواحد بيخلص من عقبه يلاقى حاجز فى وشو
انا واحد من الناس 28 سنه خطبت مره وقريت فاتحه 3 مرات واسباب الانفصال بين الكدب وتغير الشخصيه والبرود والظروف الماديه
انتى تقدرى تقوليلنا شفتى كام حاله من بنات قرايبك او اصدقائك المقربين مكنوش حاطين الاساست الماديه ركيزه فى الاختيارورفضو عرسان بسبب ظروفهم او وظيفتهم ودخلهم الشهرى وكام حد استغنى عنها وتساهل؟؟؟؟

اعرف واحده صحبتي كانت مخطوبه لكوافير رجالي وكان مالوش مرتب ثابت اصلا و كانت متخيله انه متدين و اكتشفت بعدين انه بيسيب الصلاة علشان يكلمها. هتقولولي رومانسيه بقي اللي يسيب ربنا علشان واحده بكرة يسيب ربنا علشان حاجه تانيه.

المشاركة الأصلية كتبت بواسطة ahmedteam

ياباشا كل الجوازات بتبوظ علشان الفلوس اما خناقه على الشبكه او الموخر او التجهيز او الفرح او القايمه

و اول سؤال انت مرتبك كام؟؟؟

اهم حاجه الماده عند الناس عمرك سمعت عن جوازه اتفشكلت علشان العريس مبيصليش او مش حافظ قرأن او العروسه مش حافظه جزء عم

نادرا الا من رحم ربى

اه علشان عريس مش منتظم في الصلاة و بيدخن

المشاركة الأصلية كتبت بواسطة hussein

بخصوص التلميحات
فى بنات كتير جدا (بالذات البنات اللى مبتكلمش ولاد وول عمرها وفى حالها ) متقدرش حتي تملح لو حبت حد لان حيائها بيمنعها
وفى بنات متقدرش تلمح عشان مبيحصلش بينها وبين الشاب اللى معجبه بيه اي مواقف مشتركه او معاملات مشتركة
يعني لو واحده حبت ابن الجيران مثلا وهو معروف عنه الاخلاق والاستقامه بس مش معاها فى جامعه ولا شغل هتلمحله ازاي؟ هتعاكسه من البلكونه؟
البنات فى مصر مظلومه جدا والرجاله كمان
لكن البنات اكتر
لانها لازم تتجوز فى سن معينه والا تكون فاتها القطر
والموافقه على العريس مبيكونش فى ايديها لان غالبا اهلها بيتحكمو فيها وهي اصلا بتكون اتربت على انها متخدش قرار حتي في شراء لبسها مابلك قرار مصيري زي الجواز
الموضوع معقد وفى رائي من اخطر مشاكل مصر

والله في بنات تقدر تقرر مصيرهها كويس و في ابهات بيسيبوا الاختيار لاولادهم
و نصيحه مني البنت اللي متقدرش تحدد قرار مصيري زي دا لوحدها مينفعش تفتح بيت وتكون اسرة

المشاركة الأصلية كتبت بواسطة friendship7897

أولاً :
واضح أنك بتشتغلي وليكي راتبك وليكي وضعك في شغلك وشخصيتك القوية

فلو أفترضنا إن الجواز دا عرض وطلب من شركة مثلاً ( مع الإختلاف طبعاً )
فهل ينفع تروحي تعرضي نفسك في شركة وواخدة معاكي أحلى cv، وكل الكورسات اللي أنتي أتدربتي عليها من غير ما يطلبوا ويوضحوا وجود وظيفة شاغرة
لأ طبعاً
لأنك هترخصي نفسك ، ولو أنتي عجبتي الشركة فعلاً وكنتي بالنسبة للشركة أحسن مواصفات
هيكون عرضهم سيئ للغاية
ولو مش عاجبك خلاص – زي ما جيتي زي ما هتروحي
وهتكوني خسرانة لو وافقوا عليكي أو لو ماوفقوش
لكن لو الشركة دي أعلنت بطلب وظيفة شاغرة
وأنتي عرضتي نفس الـ cv ونفس الشهادات شوفي تمسك الشركة دي هتكون إزاي
ولو اللي عرضوه عليكي مش مناسب ليكي ممكن تطلبي التعديل وهيوفقوا علي أي تعديلات
وهتكوني معززة ومكرمة
والأهم من كل دا
الجواز دا رزق
زيه زي رزق الصحة ورزق المال ورزق الأولاد
ورزقك هتشوفه هتشوفه ( للطرفين طبعاً )
ما كان لك سيأتيك على ضعفك, وما ليس لك لن تناله بقوتك, وعزتيوجلالي لأرزقن من لا حيلة له حتى يتحير أصحاب الحيل
ربنا يصلح حال كل البنات والشباب
ثانياً : في مشاركة تانية إن شاء الله

امين يارب
و عندك حق في كلامك