هو الجواز حرا؟؟؟!!!!

**3mr Farrag** · 09-03-2014 04:39 PM

المشاركة الأصلية كتبت بواسطة hmatchy

بما ان المشاركتين نفس المضمون تقريبا ما عدا نقطه واحده هقولها فى الاخر فاسمحولى هرد عليهم مره واحده وان كنت واخد على خاطرى من حده الرد اللى موجه ليا رد على كلامى
اولا العالى عالى باخلاقو وتفكيره وشخصيته مش بفلوسو
كلام انشاء انا عارف ومايكلش عيش فى الزمن ده
بس الزمن ده بقى كده علشان بقينا بنفكر كده
اولا من المنطق ان مفيش حد هيروح ياخد واحده ماديا تفوقه بمراحل وده شىء طبيعى جدا لان مفيش راجل هيقبل على نفسو ان يطلب منو حاجه هو مش قدهاوكل الحالات اللى بتحصل يا اما حب مراهقه او استغلال وطمع وربنا يبعدنا عنهم
بس اللى مش من الطبيعى ان تكون البنت نفس المستوى او اقل كمان ومطالبها تفوق قدره اى حد فى مستواها
وبعدين مفيش حاجه اسمها ابص للعالى علشان فلوسها
عن نفسى مستعد اخد بنت من اى مستوى مادى شرط الاخلاق والشخصيه وطريقه التفكير والتعليم
اما بقى اختلافى الجوهرى لكلام استاذ عمرو ان سبب فشل الجوازات وسوء التربيه راجع للاحوال الماديه....انا اسف يا استاذ عمرو بالنسبه ليا الكلام ده غلط تماما ياما ناس ظروفها الماديه على قدها واولادهم قمه فى الادب والاحترام
سبب فشل الجوازات هو هو اللى اتقال فى مشاركه فريند شب ان الجواز بقى صفقه ومصلحه لان بمجرد الوصول للهدف بنبتدى ندور على هدف تانى بطريق تانى ولو تعارض مع الهدف الاولانى بنتخلى عنو
يا رب اكون وضحت وجهه نظرى من غير ما حد يزعل منى

مش معني كلامي انه عام علي الكل بس نسبه كبيره موجود
لما يكون الاب و الام مطحونين في الشغل و طالع عينهم و يرجعوا البيت فيه ناس كتير من نفس العينه مابيبقوش ليهم دماغ اصلا لعيالهم و لا لتربيتهم
وفي نفس الوقت اللي اخلاقه تعبانه اي ان كانت مستواه المادي عالي برضوا موجودين

هي مش قاعده بس كلها اسباب بتساعد علي التخلف المجتمعي و الاخلاقي اللي احنا فيه

و مانقدرش ننكر ان التربيه قلت عن زمان و من ضمن الاسباب صعوبه الحياه اي ان كانت ماديه او نفسيه ده كفايه الشغل و الطريق و انت راجع منه بتبقي راجع البيت مش طايق نفسك و لا طايق كلمه من حد يبقي اكيد نسبه كبيره من الناس مش هتفوق تشوف العيال مالها ولا تربيها ازاي

**shiko85** · 09-03-2014 05:23 PM

المشاركة الأصلية كتبت بواسطة hmatchy

هههههههههههههههههههه انت قتلتنى ضحك لما قلتلى انك مش متفق معايا
هو فى الاول والاخر الحمد لله ده نصيب والواحد ديما يقول يا رب قدملى الخير
اما بخصوص حتت الرضا والفقر والغنى للاسف فى ناس كتير ممكن ترفض شاب محترم علشان فقير وتوافق بشاب بايظ او مدلع او مش كويس علشان غنى ويقولو بكره بعد الجواز ربنا يهديه
هو مش الهادى هو هو الرزاق بردو !!!!!

ههههههههههه
ربنا يكرمك و يرزقك بزوجه و ذريه صالحه و بسعت الرزق
الهادى هو الله و الرازق هو الله بس نعمل ايه بقى الناس بتأخد اللى على هواها و مزاجها من الدين

**shiko85** · 09-03-2014 05:25 PM

المشاركة الأصلية كتبت بواسطة canner

ما اظنش فيه اب دلوقتى غير من رحم ربى يكون عاوز لبنته واحد مستريح علشان يطمن عليها معاه و يدفعه دم قلبه علشان يعرف قيمتها

يعرف قيمتها ؟؟ ولا يعرف سعرها ؟؟
حسبنا الله و نعم الوكيل

**shiko85** · 09-03-2014 05:34 PM

المشاركة الأصلية كتبت بواسطة hmatchy

وسوالى لكل بنت او ام او اب هنا فى نيل موتورز يا ترا اقبل تجوز بنتك او بنتك او البنت نفسها تتجوز شاب على خلق ومرتبو 1200 جنيه (الحد الادنى اللى الحكومه قررتو) يا ريت نجاوب علشان نشوف النسبه وتكون بصراحه؟؟؟؟

عارف لو كتبت اخلاق و طباع و تدين الشاب فـــ 100 سطر و 1200 جنيه مرتب هتسمع 1200 جنيه بس ؟؟ و محدش هيبص فكل اللى اتقال

**shiko85** · 09-03-2014 05:40 PM

المشاركة الأصلية كتبت بواسطة friendship7897

أنا شايفة إن الراجل ما يفكرش في الجواز إلا لما يكون جاهز ( جاهز على آد مستواه الإقتصادي )
ولما يفكر مش يفكر في بنت الوزير ولا زميلته اللي كانت معاه في الجامعة وساكنة في فيلا ومعاها عربية بي أم دبليو ( أصلها بنت ناس !!! )
وأنت كان معاك 128 أو مش معاك عربية أصلاً
لأ - على آد لحافك مد رجليك

كلام سليم جدا, بس زى ما المطلوب من الولد انه يفكر فنفس مستواه المفروض البنت و اهلها يفكروا فنفس مستواها

**shiko85** · 09-03-2014 05:45 PM

طيب لو الشاب متدين و محترم و اخلاق و مستواه المادى كويس جدا و من عائله محترمه و اسره محترمه جدا و بيحب البنت و البنت بتحبه و اهلها يرفوضوا انهم يقابلوه حتى علشان هم فدماغهم حد معين
نقول ايه ؟؟

**Hmatchy** · 09-03-2014 06:12 PM

المشاركة الأصلية كتبت بواسطة shiko85

طيب لو الشاب متدين و محترم و اخلاق و مستواه المادى كويس جدا و من عائله محترمه و اسره محترمه جدا و بيحب البنت و البنت بتحبه و اهلها يرفوضوا انهم يقابلوه حتى علشان هم فدماغهم حد معين
نقول ايه ؟؟

اخويا حبيبى هات حضن بقى

والله حصلت معايا ههههههههههههههههههههه جوزوها ابن عمها علشان عمها كان وصى باباها قبل ما يموت يجوزهالو
واضح ان كلنا فى الهوا سوا

**Hmatchy** · 09-03-2014 06:16 PM

المشاركة الأصلية كتبت بواسطة 3mr Farrag

مش معني كلامي انه عام علي الكل بس نسبه كبيره موجود
لما يكون الاب و الام مطحونين في الشغل و طالع عينهم و يرجعوا البيت فيه ناس كتير من نفس العينه مابيبقوش ليهم دماغ اصلا لعيالهم و لا لتربيتهم
وفي نفس الوقت اللي اخلاقه تعبانه اي ان كانت مستواه المادي عالي برضوا موجودين

هي مش قاعده بس كلها اسباب بتساعد علي التخلف المجتمعي و الاخلاقي اللي احنا فيه

و مانقدرش ننكر ان التربيه قلت عن زمان و من ضمن الاسباب صعوبه الحياه اي ان كانت ماديه او نفسيه ده كفايه الشغل و الطريق و انت راجع منه بتبقي راجع البيت مش طايق نفسك و لا طايق كلمه من حد يبقي اكيد نسبه كبيره من الناس مش هتفوق تشوف العيال مالها ولا تربيها ازاي

كده ميبقاش ظروف ماديه كده يبقى تلاهى فى الحياه وبعد عن ربنا
وبعدين بص بقى انا هعمل زى ما بتقول مش هتقدم الا لما يبقى مرتبى 5000 و جبت شقه 200 متر وعربيه بى ام بس تفتكر هتصدى ولا موديلها بس هيعدى ههههههههههههههههههه

والله ضحكت جامد اما افتكرت كلامك وشفت توقيعك شكلك يا عمرو بيه ماره الجواز والمتجوزين

-

-

الموضوع: هو الجواز حرا؟؟؟!!!!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الجواز ولا العربية

هو لية الجواز فى مصر كدة

فرق السن في الجواز

الجواز فى مصر

هو الجواز بالعافيه

الكلمات الدلالية لهذا الموضوع

المفضلات

المفضلات

ضوابط المشاركة