الموضوع: هو الجواز حرا؟؟؟!!!!

المشاركة الأصلية كتبت بواسطة friendship7897

ثانياً :
بسبب الظروف الإقتصادية ورداً على الآخ Hmatchy
اللي موجود دلوقتي مش جواز
لأ – دا أتغير أسمه أصبح صفقة تجارية أو جواز المصلحة
وبقى مافيهوش حب ولا ألفة لكن مغطى بسولفانة الحب
مبني على الإستغلال والوصول لشئ معين
وممكن يكون هذا الأستغلال شئ مش غلط
يعني مش لازم يكون زواج المصلحة علشان الجنسية أو الثراء
لأ ممكن يكون علشان الأمومة والأبوة والمتطلبات الجسدية للطرفين والإستقرار
ومع ذلك كل طرف هيفكر هكسب أيه من الجوازة دي
وممكن تلاقي الراجل بيطلب العروسة تكون موظفة علشان تشيل عنه من الأحمال أو أهلها أغنياء
وممكن تلاقي البنت بتطلب من العريس كل اللي ناقصها واللي مش ناقصها في بيت أهلها
أنا شايفة إن الراجل ما يفكرش في الجواز إلا لما يكون جاهز ( جاهز على آد مستواه الإقتصادي )
ولما يفكر مش يفكر في بنت الوزير ولا زميلته اللي كانت معاه في الجامعة وساكنة في فيلا ومعاها عربية بي أم دبليو ( أصلها بنت ناس !!! )
وأنت كان معاك 128 أو مش معاك عربية أصلاً
لأ - على آد لحافك مد رجليك
يعني فيه عروسات كتير تتمنى الزواج بنصف التكاليف اللي معاك
لكن أنت بتبص للعالي مش آد اللي معاك
وفي الآخر تقول البنات بتتنطط ليه
لأنك أنت اللي بتتنطط على اللي في مستواك
فاللي أعلى منك من حقها تتنطط عليك
يارب تكونوا فاهمين قصدي
ربنا يصلح حال كل البنات والشباب

امييييين يارب

المشاركة الأصلية كتبت بواسطة hmatchy

بما ان المشاركتين نفس المضمون تقريبا ما عدا نقطه واحده هقولها فى الاخر فاسمحولى هرد عليهم مره واحده وان كنت واخد على خاطرى من حده الرد اللى موجه ليا رد على كلامى
اولا العالى عالى باخلاقو وتفكيره وشخصيته مش بفلوسو
كلام انشاء انا عارف ومايكلش عيش فى الزمن ده
بس الزمن ده بقى كده علشان بقينا بنفكر كده
اولا من المنطق ان مفيش حد هيروح ياخد واحده ماديا تفوقه بمراحل وده شىء طبيعى جدا لان مفيش راجل هيقبل على نفسو ان يطلب منو حاجه هو مش قدهاوكل الحالات اللى بتحصل يا اما حب مراهقه او استغلال وطمع وربنا يبعدنا عنهم
بس اللى مش من الطبيعى ان تكون البنت نفس المستوى او اقل كمان ومطالبها تفوق قدره اى حد فى مستواها
وبعدين مفيش حاجه اسمها ابص للعالى علشان فلوسها
عن نفسى مستعد اخد بنت من اى مستوى مادى شرط الاخلاق والشخصيه وطريقه التفكير والتعليم
اما بقى اختلافى الجوهرى لكلام استاذ عمرو ان سبب فشل الجوازات وسوء التربيه راجع للاحوال الماديه....انا اسف يا استاذ عمرو بالنسبه ليا الكلام ده غلط تماما ياما ناس ظروفها الماديه على قدها واولادهم قمه فى الادب والاحترام
سبب فشل الجوازات هو هو اللى اتقال فى مشاركه فريند شب ان الجواز بقى صفقه ومصلحه لان بمجرد الوصول للهدف بنبتدى ندور على هدف تانى بطريق تانى ولو تعارض مع الهدف الاولانى بنتخلى عنو
يا رب اكون وضحت وجهه نظرى من غير ما حد يزعل منى

عندك حق في كل كلمه قولتها اصلنا تناسينا مبادئ شريعتنا
التكافؤ اساس الزواج
و تنكح المرأه لاربع
و اذا جاءكم من ترضون دينه
و غيرها كتير علشان كده لما تناسينا نسينا

المشاركة الأصلية كتبت بواسطة shiko85

طيب لو الشاب متدين و محترم و اخلاق و مستواه المادى كويس جدا و من عائله محترمه و اسره محترمه جدا و بيحب البنت و البنت بتحبه و اهلها يرفوضوا انهم يقابلوه حتى علشان هم فدماغهم حد معين
نقول ايه ؟؟

حسبي الله ونعم الوكيل
متقولش غير كده

المشاركة الأصلية كتبت بواسطة gade2

بس انا مؤمن ان فى جواهر -اقصد بنات - مدفونه وغير معروفه بس الى يتعب ويدور هيلاقى

بنات الناس مستخبيه للاسف

المشاركة الأصلية كتبت بواسطة kamero

هى كانت معايا تمام وموافقه على كل حاجه . بس اهلها بقى الله يسامهحم
هههههههههههههههههههه
مقلناش عيب ان ابويا يساعدنى ! ماهو ابويا جايبلى عربيه اخر موديل و حمدنا ربنا وقلت الحمد لله كفايه على الراجل اوى كده
والمشكله بس انها هى عارفه ظروفى وجت فى الاخر تقولك ايه
هو انا ميتدفعش فيا زى صحابى



طب والنبى الجمله دى يتردلها ب ايه ؟؟

قولها ططبعا ادفع فيكي يا حبيبتي
بس قايم ولا نايم