الموضوع: الموضوع ده حرام ولا ايه !!

المشاركة الأصلية كتبت بواسطة anxs111

مهو هو دة التعليق اللي أنا كنت مستنيه عشان الليلة تكمل ....
يلا يأخوانا الأخ mhmoudysf جبهالكو مقشرة ....
اللي مش هيسرق ومش هيرشي عنده شيزوفرنيا ....
لأ وفي أخر الحوار كاتب " استقيموا يرحمكم الله "

أقولك أنا حاجة أحلي "إتعالجو يشفيكم الله "....

اعتقد انت كنت مستني تعليق اخر
لاني لا قولت لحد يرشي ولا يسرق
وكون انك بتبص لكاتب المشاركة ومبتبصش للمشاركة نفسها دي مشكلتك انت.
والحمد لله المشاركة موجودة هاتلي فيها الجملة اللي اللي مش هيسرق ولا يرشي عندو شيزوفرينا.
وكون انك مفهمتش المشاركة دي مشكلتك.
اما بخصوص اخر جملة انت كتبتها لا تعليق لاني بحاول اعود نفسي مردش على اساءة الادب معي

المشاركة الأصلية كتبت بواسطة eng\ahmed

فى النهاية كل واحد هيتحاسب على اعمالة

والا بنفس المنطق يبقى لو سرقت حاجة من واحد حرامى يبقى حلال .... وبنفس المنطق ده الحرامى بيسرق لأن كل حاجة ليها مبرر عنده

الشيزوفرينيا انك تقيس الامور على مقياس اللى يحقق مصلحتك مش على مقياس العدل والصح والغلط

اكيد كل واحد هيتحاسب على اعماله.
انا عايز اعرف هي فين السرقة اساسا...هو انا لما امنع جباية وعارف انها بتتاخد بدون وجه حق تبقى سرقة...وكمان بتتصرف في سفه.
المشكلة اني مش بسرق من حرامي....لا خلط المفاهيم هو اللي عامل مشكلة الفكرة انا بمنع فلوسي عن الحرامي تبقى دي سرقة.
يا ريت حضرتك تكلمنا عن العدل في مصر اللي مغرق الدنيا.اصل العدل ده بقى مطاط اوي اليومين دول.

المشاركة الأصلية كتبت بواسطة mahmoudysf

اكيد كل واحد هيتحاسب على اعماله.
انا عايز اعرف هي فين السرقة اساسا...هو انا لما امنع جباية وعارف انها بتتاخد بدون وجه حق تبقى سرقة...وكمان بتتصرف في سفه.
المشكلة اني مش بسرق من حرامي....لا خلط المفاهيم هو اللي عامل مشكلة الفكرة انا بمنع فلوسي عن الحرامي تبقى دي سرقة.
يا ريت حضرتك تكلمنا عن العدل في مصر اللي مغرق الدنيا.اصل العدل ده بقى مطاط اوي اليومين دول.

أنا هاسيبني من كل الجدل اللى فات ده وهارد على جزئية صغيرة جدا في المشاركة اللى أنا مقتبسها دي ... ومش هارد تاني في الموضوع ده لأني لا أحب الجدال

عشان أمنع مالي عن الحرامي زي ما المشاركة بتقول وبالتطبيق على المسألة اللى صاحب الموضوع بيسأل فيها هاعمل عدة خطوات وبعض الجرائم الجنائية التي يحاسب عليها القانون والمخالفة للشرع كذلك

أولأ : هادفع رشوة للمختص في السعودية عشان يظبطلي الورق بتاع العربية من هناك وعلى حسب ما فهمت إن المسئول ده أكتر من شخص .. شخص هايختم الفاتورة وشخص آخر هايصدر خطاب أو ما شابه للجمارك ببيانات السيارة وبأني المالك الأولعلى خلاف الحقيقة ...

... ياترى الرشوة دي حرام ولا حلال ... وياترى وفقا للقانون الكافر الشرير ولا وفقا للشرع

طيب أنا هافترض إن المصريين كلهم كفرة وحرامية ومن حقنا نرشيهم زي ما احنا عايزين عشان نمنع إن الحرامي ياخد فلوسنا على حسب الوصف في المشاركة السابقة وعشان ناخد خقنا اللى احنا بندعيه ... ياترى الحكومة السعودية برضه حرامية ومن حقنا نرشيهم عشان نمنع إنهم ياخدوا فلوسنا اللى تعبنا فيها ... طيب لو هم كمان حرامية

ياترى لو أنا في ألمانيا مثلا ... وأتيح لي إني أعمل نفس الموضوع ده وأقدم رشوة للموظف الألماني ياترى هنا هايبقى حلال ولا حرام


ثانيا : ارتكبت جريمة التزوير في محررات رسمية واضحة وضريحة تحت طائلة القانونين المصري والسعودي ... ياترى القوانين دي حرام مثلا ولا مخالفة للشرع ... عشان أبقى فخور وأنا بخالفها


ثالثا : أقل حاجة في الموضوع : وهي ليست بقليل ... ياترى لما أغير الحقيقة في المستند اللى أنا دفعت رشوة عشان أحصل عليه بطريق غير قانوني وأروح أقول للناس كلها إني أنا المالك الأول للسيارة على خلاف الحقيقة هو مش أنا كدة برضه ... كذاب ...

ياترى الكذب حلال ولا حرام ... ولا عادي ونقول ما هي الناس كلها بتكذب ودي كذبة بيضة وهدفها حلال (اللى هو إني أمنع الحرامي إنه ياخد فلوسي) ده لو سلمنا إن خلاص الحرامي هو اللى هياخد فلوسي أساساً ... لو عادي ... أحب أفكر نفسي إني ربنا هايسألني في يوم من الأيام ليه كذبت ... وأحب أتخيل نفسي وأنا ببجح وأقله عادي ما هي الناسي كلها في الزمن ده كانت بتكذب ودي كذبة بيضاء

ياترى الكذب حاجة بسيطة
.....


في النهاية الأمر بالضبط زي الناس اللى بتمشي عكس اتجاه السير في وسط نهر الطريق ولما الطريق وقف بسبب الفوضى اللى حصلت وسألت واحد من اللى بيعكسوا ليه داخل عكس اتجاه وعملت الفوضى دي ... رده كان "هو أنا داخل لوحدي ما هي كل الناس بتعكس أهه" ...

ياريت بقى لما يقف قدام ربنا ويسأله يقوله ليه دخلت في الاتجاه المعاكس وخدت حاجة مش من حقك تاخدها وسرقت حق ناس تانية بإنك اختصرت مسافة كبيرة ووقت كبيرة بدخولك في الاتجاه المعاكس .. في حين إن الناس التانية اتعطلت بسببك أو عملت حوادث بسببك أو حتى اتخضت واتفزعت بسببك عشان الناس التانية بس تمشي وتروح تلف من اللفة البعيدة اللى الحكومة الشريرة المصرية عملتها بعيد عشان تعكنن علينا وتقرفنا

المشاركة الأصلية كتبت بواسطة d . A .\ ayman

أنا هاسيبني من كل الجدل اللى فات ده وهارد على جزئية صغيرة جدا في المشاركة اللى أنا مقتبسها دي ... ومش هارد تاني في الموضوع ده لأني لا أحب الجدال

عشان أمنع مالي عن الحرامي زي ما المشاركة بتقول وبالتطبيق على المسألة اللى صاحب الموضوع بيسأل فيها هاعمل عدة خطوات وبعض الجرائم الجنائية التي يحاسب عليها القانون والمخالفة للشرع كذلك

أولأ : هادفع رشوة للمختص في السعودية عشان يظبطلي الورق بتاع العربية من هناك وعلى حسب ما فهمت إن المسئول ده أكتر من شخص .. شخص هايختم الفاتورة وشخص آخر هايصدر خطاب أو ما شابه للجمارك ببيانات السيارة وبأني المالك الأولعلى خلاف الحقيقة ...

... ياترى الرشوة دي حرام ولا حلال ... وياترى وفقا للقانون الكافر الشرير ولا وفقا للشرع
يعني هنا في النقطة دي حضرتك معترض على الرشوة فقط...بما انها حرام شرعا...يعني الموضوع لو تم لحد خدمة مثلا مفيش مشكلة عند حضرتك (لانها هتبقى مخالفة للقانون الكافر الشرير على حد سخريتك).
طيب أنا هافترض إن المصريين كلهم كفرة وحرامية ومن حقنا نرشيهم زي ما احنا عايزين عشان نمنع إن الحرامي ياخد فلوسنا على حسب الوصف في المشاركة السابقة وعشان ناخد خقنا اللى احنا بندعيه ... ياترى الحكومة السعودية برضه حرامية ومن حقنا نرشيهم عشان نمنع إنهم ياخدوا فلوسنا اللى تعبنا فيها ... طيب لو هم كمان حرامية
بيتهايالي المشاركة السابقة كما اشرت حضرتك...لم ياتي بها ما يفيد ان المصريين كلهم كفرة وحرامية..ولا اعرف كيف اتيت بهذا الفرض....ودي تاني مشاركة لحد يرد على حاجة مش مكتوبة ومش في الفروض اصلا...ولكن اظنه التحفز..
ياترى لو أنا في ألمانيا مثلا ... وأتيح لي إني أعمل نفس الموضوع ده وأقدم رشوة للموظف الألماني ياترى هنا هايبقى حلال ولا حرام

مش عارف حضرتك ركزت على حاجة ما وردتش على لساني بالعكس يمكن انا الشء الوحيد اللي يمكن رافضة في الموضوع هي حكاية الرشوة...(على فكرة مفتي البلاد في احد المرات رد بجواز الرشوة في بعض الحالات).دي مش معناها موافقة مني لكن عشان توجه انتقادك للمفتي مش ليا...رغم اني مش فاهم انت عايز توصل ليه وايه الفكرة اللي مكونها ومش موجودة في مشاركتي ومخلياك بتنتقل عن السؤال من مصر للسعودية لالمانيا.
ثانيا : ارتكبت جريمة التزوير في محررات رسمية واضحة وضريحة تحت طائلة القانونين المصري والسعودي ... ياترى القوانين دي حرام مثلا ولا مخالفة للشرع ... عشان أبقى فخور وأنا بخالفها

بمناسبة القانون...فانا مش راجل قانون فانصحك توجه سؤالك لسيادة المستشار/احمد الزند....او المستشار/مصطفى خاطر...او او او هتلاقي مستشارين ورجال قانون كتير اوي من العينة دي يدلوك على الاجابة.
ثالثا : أقل حاجة في الموضوع : وهي ليست بقليل ... ياترى لما أغير الحقيقة في المستند اللى أنا دفعت رشوة عشان أحصل عليه بطريق غير قانوني وأروح أقول للناس كلها إني أنا المالك الأول للسيارة على خلاف الحقيقة هو مش أنا كدة برضه ... كذاب ...

ياترى الكذب حلال ولا حرام ... ولا عادي ونقول ما هي الناس كلها بتكذب ودي كذبة بيضة وهدفها حلال (اللى هو إني أمنع الحرامي إنه ياخد فلوسي) ده لو سلمنا إن خلاص الحرامي هو اللى هياخد فلوسي أساساً ... لو عادي ... أحب أفكر نفسي إني ربنا هايسألني في يوم من الأيام ليه كذبت ... وأحب أتخيل نفسي وأنا ببجح وأقله عادي ما هي الناسي كلها في الزمن ده كانت بتكذب ودي كذبة بيضاء

ياترى الكذب حاجة بسيطة
.....
هو انت ليه منتظر دائما اجابة...غير متوقعة طبعا الكذب حارم وفيه من الاحاديث الكثير...ولكن ليس هذا...هو محور الموضوع....
في النهاية الأمر بالضبط زي الناس اللى بتمشي عكس اتجاه السير في وسط نهر الطريق ولما الطريق وقف بسبب الفوضى اللى حصلت وسألت واحد من اللى بيعكسوا ليه داخل عكس اتجاه وعملت الفوضى دي ... رده كان "هو أنا داخل لوحدي ما هي كل الناس بتعكس أهه" ...

ياريت بقى لما يقف قدام ربنا ويسأله يقوله ليه دخلت في الاتجاه المعاكس وخدت حاجة مش من حقك تاخدها وسرقت حق ناس تانية بإنك اختصرت مسافة كبيرة ووقت كبيرة بدخولك في الاتجاه المعاكس .. في حين إن الناس التانية اتعطلت بسببك أو عملت حوادث بسببك أو حتى اتخضت واتفزعت بسببك عشان الناس التانية بس تمشي وتروح تلف من اللفة البعيدة اللى الحكومة الشريرة المصرية عملتها بعيد عشان تعكنن علينا وتقرفنا

كل الكلام اللي فوق ده...مبني على فرض ان حد هيقبل الكذب او هيحلله استشهدا بغيرة...وهو فرض خاطيئ..
طيب الخلاصة في الموضوع....بما اني موافق ان الراجل يعمل ورقة تثبت ان المالك الاول للسيارة..
وبما ان حضرتك اوردت الكثير من الشبهات حول هذه الورقة...فانا بوافق حضرتك انو يبعد عن اي شبهة حرام...ويدفع الجمارك كاملة..تمام كدة..
وفي نفس الوقت بما ان القائمون على البلد...يهدرون هذه الاموال في الفساد والسفه....وبناء السجون ليلقو بالطلاب والسياسيين فيها بدل التنمية...فانا شايف ان حضرتك تنزل وتعترض على كل فعل تشوفه فيه اهدار للمال العام...لان الساكت على الحق شيطان اخرس.

المشاركة الأصلية كتبت بواسطة eng\ahmed

هو لما تسرق الحرامى حلال ولا حرام؟

السؤال الصح مكانش مفروض يتسأل كده

السؤال الصح

هوا لما تاخد من الحرامى نفس المال اللى سرقه منك ده حلال ولا حرام؟؟؟؟؟؟؟

الاجابه بتاعتى انا

حلاااااااااااااااااااااال

لانك بتاخد مالك اللى مسروق فقط لا غير

امال سرقه الحرامى لانه سرق ناس غيرك ( مش منهم انت ) وانت عاوز تجيب حقهم فدى قصه تانيه خاااااالص واللى يقوم بيها ولى الامر مش انت ومينفعش تنفذها انت