الموضوع: خطوات وشرح كيفية اختيار كاسيت مناسب لعربيتك

المشاركة الأصلية كتبت بواسطة bebo_bebo61

السلام عليكم

انا معايا عربيه فولكس بوينتر وكنت عاوز اعمل نظام صوتى كامل يعنى عاوز اغير الكاسيت والسماعتين المدورين اللى قدام والاثنين البضاويين اللى ورا .. انا اهم حاجه عندى نقاء الصوت وجودته يعنى بحب مثلا اشغل قران بصوت متوسط بس مش عاوز زنه فى السماعات .. ياريت ترشحلى حاجات كويسه ويكون سعرها فى اللذيذ برضه
معلش تقلت عليك .. بس اصل انا مليش فى الانظمه الصوتيه خالص.. وجزاك الله خيرا

وعليكم السلام

شوف يا باشا في الحالة دي انت حضرتك هتجيب كاسيت بايونير انا مش متذكر رقم موديله بالظبط بس هو سعره في حدود ال 600 / 650 من عند ارخصهم في التوفيقية

وهتجيب سماعتين بيضاوي كينود 450 وات ب 350 جنيه

السماعات المدور في منها الغالي وفيه الرخيص وكلو هيفي بالغرض

فيه السوني ال 350 وات ب 350 جنيه تقريبا وفيه حجات بايونير وسوني برضوا ارخص من كدة وبتبقى في حدود ال 150 / 200 جنيه وانا ارشحلك تجيب سماعات مدورة سعرها حنين في حدود ال 150 جنيه ودي هتلاقيها السوني ال 200 وات المدورة

طالما حضرتك بتشغل قران وحجات من غير ماتعلي الصوت

هتبقى محتاج بس السماعتين القدام في الابواب عشان توزيع الصوت مش اكتر

المشاركة الأصلية كتبت بواسطة molla

طب يا جماعة انا عندي مشكلة في الساوند عندي من ساعة ما جبته انا مركب 4 سماعات بايونير 2 قدام 200 وات و 2 ورا 400 علي كاسيت كينوود المشكله ان البيز ضعيف جدا و لما بعلي الصوت مش بيبقي نقي ممكن اعل ايه احسن بيه الوضع دا ؟

الكاسيت اللى عند حضرتك نوعه ايه ؟؟

تاني حاجة السماعات البايونير ال 400 البيضاوي البيز بتاعها ضعيف حبتين

فانت ممكن تغيرها بكينود 450 وات والبيز هيتحسن معاك شوية

اما في حالة لو عايز بيز اشد من كدة هتحتاج تركب جي ام للسماعات اي جي ام صغير هيديلك اداء احسن من الكاسيت

ولو عايز بيز اشد هتجيب صب او بازوكا

المشاركة الأصلية كتبت بواسطة Pondok

باشا يعنى اية كاسيت واحد دين او اتنين دين
وتفرق فية فى الصوت

هو مش بيفرق في الصوت خالص

هو مجرد حجم للكاسيت مش اكتر وموديلات طبعا

الكاسيت الواحد دين يعني Single Din ده شكله



اما الدبل دين فهو بيبقى كاسيت حجمه 10 سم



ده ليه موديلاته وده ليه موديلاته

السنجل دين يركب في عربية اما الدبل دين فلازم التبلوه عندك يبقى فيه مساحة كافية انك تركب فيه كاسيت 10 سم

المشاركة الأصلية كتبت بواسطة baherhassan30

واااااااااااو شرح وافي وكافي .. اول مرة افهم طقم الصوت ومكوناته ..
ما شاء الله عليك ..
ممكن تساعدني في تركيب عدة صوت
انا معايا النترا MD وعايز يكون الصوت نقي والبيز عالي
ومش عايز اخرم في التابلوه الخلفي ولا اغير الكاسيت الاصلي

هل لو ركبت اربع سماعات اي نوع محترم في البيبان هيكونوا احسن ومفيش مانع اركب GM
ولا اركب GM على السماعات الاصلية ..
ومتشكر جداااااااااااا

ربنا يخليك والله من ذوقك

شوف هو حضرتك لازم تتاكد الاول ان الكاسيت اللى عندك فيه مخارج RCA output

وطالما مش عايزين نغير الكاسيت يبقى هنخلي السماعات تاخد الخرج بتاعها من الجي ام

يبقى هنجيب جي ام 4 شانيل ونركب عليه الاربع سماعات اللى عندك

يستحسن انك تغير السماعات لان السماعات الاصلية مش هتستحمل جي ام وتجيب سماعات يكون خرجها الفعلي RMS عالي عشان تقدر تستفيد بفرق القوة مع تركيب الجي ام

بس للاسف ده مش موجود في السماعات المدورة لان معظم السماعات المدورة خرجها بيبقى في حدود ال 60 Rms

فانت محتاج على الاقل سماعتين بيضاوي على الرف الخلفي ودول هتبقى مضطر انك تخرملهم

شوف لو انت مش عايز تخرم في الصاج فانت ممكن تجيب اربع سماعات سوني مدور 350 وات وتركبهم في الابواب السماعات دي كويسة جدا جدا والبيز بتاعها حلو اوي مقارنة باي سماعة تانية مدورة

وتجبلهم جي ام 4 شانيل كينود 500 وات او لو عايز بيز اشد يبقى هتجيب جي ام سيمفوني

الكينود انقى بس السيمفوني بيزه اشد فشوف انت هتبقى عايز ايه مقابل ايه