موقف حصل معايا بالامس و عايز أعرف هل أنا صح و لا غلط ؟

**bmya** · 24-03-2014 04:29 AM

الموقف ده متكرر جدا ربنا يسترها علينا من الحمير اللي ماليه الطرق

**accordawy** · 24-03-2014 10:50 AM

والله يا عزيزي انا قراري دايما انه اخر حاجه بستخدمها هي الفرامل بالذات في المواقف اللي ذي دي لأني لو سلمت من اللي قدامي مش واثق في اللي ورايا و حلي دايما هو الهروب لأي حاره بسرعه جدا بعض نظره سريعه و خاطفه عالتلات مرايات مع فرمله مناسبه لحين اتخاذ القرار بالضغط زياده عالفرامل و البقاء في نفس الحاره او الانتقال لاحد الحارات المجاوره يمين او شمال مع الاخذ في الاعتبار انك ممكن تكون مضطر انك تدوس بنزين عشان تخرج من اللي قدامك و تبعد عن اللي وراك و بعدها تفرمل لتجنب المطب مع اشعال الانتظار ، و الاسهل من ده كله طبعا انك بسرعه جدا تروح للحاره الرابعه بعد فحص خلوها من اي سيارات اخرى
تحياتي

**م.عبدالرحمن** · 24-03-2014 11:24 AM

المفروض فى موقف زى دة تدى اشارة شمال الاول وتدخل الحارة التالتة وتفرمل مع عمل انتظار للسيارة كدة انت نبهت العربية اللى كانت فى الحارة التالتة اما انة يهدى اويدخل فى الحارة الرابعة وخصوصا ان سرعاتكم متقاربة وفى كل الاحوال لو خبطت العربية رقم 1 انت اللى غلطان برغم انة فرمل فجأة ..دة رائى المتواضع

**the_pirate82** · 24-03-2014 11:51 AM

من الخطأ باي صورة كانت انك تحول من حارتك لحارة تانية فيها سيارة و لو ده حصل يبقي انت الغلطان و تتحمل الاضرار كلها..اما في وضع زي ده انت مضطر تفضل في حارتك و تضرب فرامل للأخر..حتي لو اصدمت باللي امامك.. و بعد كده ارفع قضية علي الدولة انها مش حاطة يافطة ان فيه مطب اصلا..و هي تتحمل الاضرار + تعويض

**S O P H O S** · 24-03-2014 01:00 PM

مفيش انك تفرمل طالما مفيش حد جي وراك مباشرة

**swimmer25** · 24-03-2014 03:15 PM

عشان تاخد قرار صح
يبقي لازم تحط شرط أخر وهو إن رقم 3 علي يساره سيارة أخري ماشية بسرعة أيضا وهو أقصي اليسار وده متوقع جدا
وبالتالي الحارة اليسار كمان مقفولة والقانون كدا غلط لأن المفروض القانون يكون عام
وهنا معندكش إلا حلين
1- إما التوقف أو التهدئة تماما مع الإلتزام بحارتك
2- أو التهدئة إلي أن يمر رقم 3 وتاخد مكانه بس تكون متوقع إنه كمان هيضرب فرامل عشان المطب ومتعملش كدا غير لما تكون متأكد إنه هيفرق عن رقم 1 بحيث تكون بجانب رقم 1 بعد ما تدخل وراه وتكون متأكد كمان إن رقم 1 مفيش حد جي وراه بنفس السرعة

وده موقف أنا إتحطيت فيه كتير بس مش عن طريق مطب...عن طريق حالة من الحالتين:
1- رقم 1 بيجري وتفاجأ (رقم 1) إن فيه سيارة أمامه تسير بسرعة أقل منه وبالتالي هدي جامد أوي
2- رقم 1 ده مكنش موجود أصلا وإنحرف أمامي من حارة يمنى زي ما حضرتك عملت مع رقم 3 وكمان ماشي بطئ

والكلام دا بيكون وأنا ماشي علي سرعة 140 في دبي

القانون الصح بيقول إنك لا يحق لك التخطي إذا كان تخطيك يؤدي إلي تغيير سرعة أو موقف القادم في الحارة المقرر التخطي إليها (يعني المفروض تخطيك عشان يكون صح..اللي جاي مياخدش أي أكشن بسببك)

وهنا يتضح
إن حضرتك موقفك بالظبط زي موقف رقم 3 وإذا كانت سرعتك أكبر منه والمطب مش موجود فحضرتك ممكن تعمل اللي إنت عملته بما إنه مش مفروض حد يفرمل من الأساس وساعتها بيكون تخطي عادي

**Abo Yasso** · 25-03-2014 02:48 PM

المشاركة الأصلية كتبت بواسطة mmamdouh

معلش يا هندسة انت اتصرفت غلط... صحيح تصرفك كان "قانونى 100%" بس على ارض الواقع غلط لسبب بسيط... انت نسيت اهم قاعدة فى قواعد المرور فى مصر: كل اللى حواليك حمير

فى اوروبا و الدول المتقدمة ممكن تعمل اللى انت عملتة دة و الموقف يبقى عادى خالص... اساس فى اوروبا و الدول المتقدمة معندهمش 128 ولا حمير بتفرمل قبل المطب الصناعى ب 100 متر ولا مطب صناعى اساسا

انما فى مصر فيه حمار عمل مطب صناعى على طريق سريع...
و حمار تانى بيفرمل بغباء على طريق سريع قبل المطب ب100 متر...
و حمار تالت شايف الموقف و مستمر بسرعتة و فى حارتة...

فى وجود الكم الهائل دة من الحمير لازم يكون تصرفك على الاساس دة... متعتمدش على ان اللى حواليك هيساعدوك او حتى هيفهموك... ابويا ربنا يشفية كان بيقوللى دايما و انا سايق "اوعى تحط نفسك تحت رحمة حد و تبقى مستنى انه يوسع ليك عشان متعملش حادثة.. لازم دايما تبقى فى الامان"

و الامان فى الموقف بتاعك هو انك تعتمد على نفسك 100%... فرامل قوية بس مش بغشم (انت عربيتك فيها abs فا مش هتفرق انما اللى معندوش abs لأزم يضبط رجلة بحيث العجل ميعملش لوك و العربية تزحف... و بعد كدة اول ما رقم 3 يعدى من جنبك ترمى وراه و تهرب من رقم 1

ممكن يكون التصرف دة مش قانونى بس هو الاسلم... انت سايق فى مصر

mmamdouh

مؤيد تماما وتحديدا لنظريه الحمير

**dr.hazem** · 25-03-2014 02:57 PM

طبعا التصرف السليم قانونا هو الفرمله دون تغيير المسرب مع الاخذ بعين الاعتبار انك لو صدمته تتحمل الخطأ 100% وذلك ببساطة شديدة لان في الحالة دي يبقى حضرتك لم تترك مسافة امان كافيه...
بالنسبة لو دخلت شمال والعربية التانية خبطتك برضو الخطأ عليك 100 % تحت بند التغيير الفجائي للمسرب ...
في الاردن.. الاولى مخالفتها 20 دينار والتانيه مخالفتها 50 دينار ..
تحياتي

Sent from my mobile using Forum Runner

-

-

مشاهدة نتائج الإستطلاع: التصرف الامثل هل هو :

الموضوع: موقف حصل معايا بالامس و عايز أعرف هل أنا صح و لا غلط ؟

LinkBack

أدوات الموضوع

عرض

-

-

-

-

المواضيع المتشابهه

موقف حصل معايا. عايز رأيكم

اول موقف وحش للكورسا معايا

حصل معايا موقف غريب ارجو المساعده

حصل معايا موقف ومتضايق شوية !!!

موقف حصل معايا فعلا وبحكيه للفائدة

الكلمات الدلالية لهذا الموضوع

المفضلات

المفضلات

ضوابط المشاركة