الموضوع: الأوفردرايف... يعني إيه؟؟؟

المشاركة الأصلية كتبت بواسطة karkour33

يا فندم انا عارف انا باعت ايه دي مش صفحات الكتالوج اللي بتشرح كيفية استخدام الأوفردرايف
بس اللي كتب ان زرار الباور للمطالع او لتسارع اسرع كان قادر يكتبها برضو للاوفردرايف لكنه مذكرش غير انها هتديك 3 سرعات دة اللي بوصله لحضرتك

الحقيقة أنا كمان قريت ال3 صفحات .. وما لقيتش لا كلامي ولا كلام حضرتك

في الصفحة التالتة.. بيشرح امتى تستخدم كل وضع من أوضاع عصاية الفتيس و مجابش سيرة الاوفردرايف غير في حاجة واحدة عليها سهم

تأكد قبل النقل لوضع d ان لمبة الاوفردرايف و الباور مطفيين جايز قصده بعد متجيب d ممكن تنوره بس برضو نقطة مهمة كان لازم توضيحها للناس عشان متقفش في اشارة تجيب n ثم d و النور منور

بس كدة يا باشا غير كدة موضوعك مميز و الف شكر و اكيد استفدت منه

كلامك صح يا باشا.. الكتالوج مش قايل حاجة على الأوفردرايف غير إنه لما اللمبة تنور يبقى الفتيس 3 سرعات بس.


إنما أنا بقول لحضرتك إن علشان تقدر تجيب الـMax Speed بتاعت العربية.. لازم تكون فاصل الأوفردرايف.. والكلام ده بناء على حقائق هندسية... مش رأيي أنا شخصيا.


وتكملة للكلام بشكل عام... أي ترس في أي عربية تكون نسبة التخفيض بتاعته أقل من 1 بنعتبره أوفردرايف.. سواء الترس ده في فتيس مانيوال أو فتيس أوتوماتك


على سبيل المثال... أنا معايا الكيا سيراتو 2014.. فيها فتيس 6 سرعات... والسرعة السادسة أوفردرايف (بالمفهوم الهندسي).. مش بمفهوم فتيس الأوفردرايف اللي بنتكلم عليه.

فعلشان أوصل للسرعة القصوى بتاعة العربية لازم أكون معشق الخامس.. ومش هيجيب معايا أكتر من 235 إطلاقا (فعليا بيجيب لحد 215)... والسادس (الأوفردرايف) مش هيجيب أكتر من 190 وده بعد فترة طويلة .. مع إنه على الورق يفترض إنه يجيب لحد 300.



...