حد يعرف أشترى عسل نحل طبيعى 100% منين؟

**mohammedgido** · 02-04-2014 02:09 PM

المشاركة الأصلية كتبت بواسطة a.saad

انا جبت برطمان عسل
كان كويس
لحد قرب اخره ابتدى يتجكد ويكون اشبه بالسمن المجمد
ده كويس ولا سيء

من خواص العسل الطبيعي انه جمد في الشتاء وهذا عكس الفكره المنتشره عند الناس ان العسل الذي يتجمد او يبلور حبيبات هذا مغشوش طبعا لارساله مره اخرى ضع البرطمان في حمام ماء دافيء لفتره حتى يزول التجمد
واحكي لك قصه حصلت معي مع العسل المجمد
في فتره من الفترات عملت في هذا المجال وكنت ولله الحمد اشتري بكميات كبيره فكنت عند احد النحالين في زياره وديه وكان يطلعني علي انواع عسل عنده حتى وقعت عيني علي عسل مجمد عنده في برطمانات بلاستيكيه وكان عسل قطن صافي ( ومعروف ان عسل القطن ارخص انواع العسل ) ومن شدة تجمده لو ضربت به حائط قد يكسر :) طبعا تذوق العسل واعجبني جدا واشتريت كل الكمية وكانت 60 ك واخذتهم معي في السيارة للاستعمال الشخصي الوالده لما رأت العسل قالتي لي هذا عسل مغشوش وانبتني ولكن لما ارسلت العسل وتذوقته تقريبا هي التي استعملت كل الكمية وخصوصوا انه كان فعال جدا في علاج الحموضه وحرقان المعده

**alrabeh** · 02-04-2014 05:14 PM

جاتلى أسعار العسل اللى فى السعودية
العسل اليمنى الحضرمى سعره من 160-280 ريال
العسل الباكستانى 40-70 ريال
وبإذن الله حيجينى بكرة من السعودية كيلو عسل من الباكستانى وان شاء الله أقولكم أخباره ايه ولو كويس يبقى نقول لأى حد مسافر يجيبلنا ان شاء الله

**mohammedgido** · 02-04-2014 05:48 PM

المشاركة الأصلية كتبت بواسطة alrabeh

جاتلى أسعار العسل اللى فى السعودية
العسل اليمنى الحضرمى سعره من 160-280 ريال
العسل الباكستانى 40-70 ريال
وبإذن الله حيجينى بكرة من السعودية كيلو عسل من الباكستانى وان شاء الله أقولكم أخباره ايه ولو كويس يبقى نقول لأى حد مسافر يجيبلنا ان شاء الله

الباكستناني أكتر من نوع ايه النوع الي هيجبهولك ؟

**نور القمر** · 02-04-2014 10:33 PM

المشاركة الأصلية كتبت بواسطة aif

اعتقد مفيش حاجة 100%
الكمال غاية لا تدرك
والكمال لله وحده
...
اي عسل معبأ زي امتنان والتمساح لازم بيبقي عليه اضافات لضمان عدم تجمده في الشتاء واحيانا بيحطو حاجات تانية للتأثير في الطعم واللون وما الي ذلك
العسل اللي ب 1000 جنية ده اسمه السدر الجبلي
وبيبقي من نحل يعيش في الجبال وليس في خلايا صناعية
علشان كدة الحصول عليه صعب وكميته بتبقي قليلة جدا ... وده سبب غلو سعره
وطبعا حتي لو كان موجود في مصر ح يتم غشه
الغش اسلوب حياة عندنا

انا عن نفسي باجيب العسل من المنوفية وهو افضل بمراحل من العسل التجاري اللي في الصيدليات زي التمساح وامتنان
طبعا استحالة يكون النحل متغذي 100% علي زهور ... بيبقي فيه نسبة تغذية علي الفراكتوز والجلوكوز
لكن اللي اضمنه انه معليهوش اي اضافات سواء مياه او مواد سكرية
احسن قطفة في العسل هي قطفة البرسيم ووقت العسل بتاعها بيبقي شهر 5 و 6
التجار الشاطرين مش بياخدو العسل في بداية الموسم ... بينتظرو اسبوعين مثلا لان احتمال اي غش بيبقي اكبر في بداية الموسم
فيه كمان قطفة الموالح ... دي بيبقي النحل متعذي على زهور البرتقال والموالح وبيبقي العسل رائحته جميلة لكن قيمته الغذائية اقل من البرسيم
وفيه كمان قطفة القطن
انا باجيب العسل اللي يكفي السنة كلها في موسم قطفة البرسيم في شهر 6 من تاجر جارنا في المنوفية لكنه راجل مجترم جدا وعنده ضمير وبأثق فيه
وكل اللي بيجرب العسل عندنا بيشكر فيه جدا
اسعار العسل للجمله بتكون من 20 الى 25 حسب الجودة والكمية
طبعا ده لا يقارن بسعر العسل اللي في الصيدليات او السوبر ماركت
دي تجربتي اللي باعملها كل سنة والله اعلى واعلم
وبالهنا والشفا :copy of m-s5:

وانا زي الحاج احمد بشتري العسل من البلد في الصعيد من تاجر ثقة
مع اني جربت انواع كتير في السوبر ماركت لكن كنت بحس بطعم حاجة صناعي فيهم
وجربت كتير من البلد لكن ارتحت مع نوع معين واحيانا بلاقي منه هنا في القاهرة هو اسمه الياسمين
بس مش عارفة قبل كدة كان بيتجمد في الشتا المرة دي الشتا جات ومشت ومتجمدش خالص بس هو هو نفس الطعم

**alrabeh** · 03-04-2014 12:17 AM

المشاركة الأصلية كتبت بواسطة mohammedgido

الباكستناني أكتر من نوع ايه النوع الي هيجبهولك ؟

ان شاء الله لما يجيلى بكرة أقولكم نوعه ايه بالظبط ومكتوب عليه ايه

**mr_who515** · 03-04-2014 01:31 AM

عسل السدر اليمني الجبلي تذوقته مره واحده في حياتي ولم أذق مثله قط في طعمه وحلاوته ولاأحدثكم عن تأثيره.. وكان شديد اللذعان مع حرقة خفيفة على اللسان و الجوف ولونه مائل إلى البني.. كان يأتي بالطلب لأمير سعودي من طرف قبيلة معروفة في جنوب اليمن مشهورة بتجارة العسل المقطوف من قمم الجبال دون أي تدخل بشري.. سعر الكيلو يتجاوز العشرة الآف ريال سعودي!! هذا الشيخ تجاوز الستين ورغم تقدمه في العمر الا انه كان يتمتع بصحة جيدة وكثير الزواج والإنجاب وهي كلها أسباب.. العسل الأصلي حقيقة هو أكسير الحياة.

**elhelwany188** · 03-04-2014 10:03 AM

فعلا موضوع العسل بقى محير جدا ...
بقالى فترة بجيب من وزارة الزراعة على الاقل احسن من اللى فى السوق ...

**Karim_Monir** · 03-04-2014 01:36 PM

شخصيا لا استعمل الا امتنان اللي في محلات امتنان وليس المعبأ لان ده حاجة وده حاجة تانية خالص
كان وقتها امتنان بيبيع العسل سايب ويعبية قدامك
نصيحة لو مش لاقي مكان موثوق منه هات من امتنان محلات امتنان نفسها وعندهم انواع كتير قوي كركدية وحبة بركة وده لونه قريب للسواد واغلي
واحيانا كان بيجلي من طنطا اصلي برضه
لكن عسل في برطمان في سوبر ماركت ده سكر في شكل عسل :-)

**wawamoha** · 03-04-2014 02:58 PM

فين محلات امتنان دي يا كريم ؟

-

الموضوع: حد يعرف أشترى عسل نحل طبيعى 100% منين؟

LinkBack

أدوات الموضوع

عرض

-

-

-

-

المواضيع المتشابهه

حد يعرف منين ممكن أشترى مكنة غزل البنات

أشترى حاجتى منين

أشترى منين جى أم 500 أو 600 وات

أشترى smart car منين

منين أشترى السيتى؟

الكلمات الدلالية لهذا الموضوع

المفضلات

المفضلات

ضوابط المشاركة